67
Nodone Gesami Hea:le Iasu
1 Gode! Ninima olofosu hou amola hahawane iasu hou ima.
Ninima asigili ba:ma!
2 Amasea, osobo bagade fifi asi gala huluane da Dia hanai amo dawa:mu.
Amola ilia huluane da Dia gaga:su hou dawa:mu.
3 Gode! Osobo bagade fifi asi gala dunu huluanedafa,
ilia da Dima nodone sia:mu da defea.
4 Osobo bagade fifi asi gala huluane
da hahawane nodone gesami hea:mu da defea.
Bai Dia da ilima fofada:su moloidafa hamosa.
Amola Di da fifi asi gala huluane amo ilia ahoabe logo ilima olelesa.
5 Gode! Osobo bagade fifi asi gala dunu huluanedafa,
ilia da Dima nodone sia:mu da defea.
6 Ninia soge da ha:i manu gamima:ne denesi dagoi.
Ninia Gode da ninima hahawane hamoi dagoi.
7 Gode da ninima hahawane hamoi dagoi.
Dunu huluanedafa habi esalebe Ema nodomu da defea.