1 Firiangweg shii agiung rabo, jishii aishii ne nawai aphuii duiine yao bo. Nawai è filiao bran shii nawaithek khuiinothek duiine rek bo, 2 miriangweg ne nawaithek amuiithek duiine, chiih-è mileo bimithek shii nawaithek bumuiithek duiine, zab gang rog shii rek bo.

3 Misiungthek hanyie yi zab re-è zai awaithek ji lei ne ithek shii ne ilab phi bo. 4 Jishii misiung shii aniphiing nane chem um arone, ithek ne awaithek haliing pha awaithek ro giang bliathek ji igobi rek srane, chiih-è ji duiine awaithek aphuii-amuii nane achinmoi shii ilab rek din ruii phro, nyieliieshii ji ne Hamangkhung-aphuii è chid pha ji ro. 5 Misiung hanyie yi aishii nong pha hanyie oi pha awai ji pho ne, awairo luthong ne Hamangkhung-aphuii rog shii chiih-è misia ne awai shii nong phi pha hanai nane habiu Hamangkhung-aphuii shii athodang pha lea bo. 6 Jishii misiung hanyie è awai chid pha ji igobi phi arone, ai ne isieng magunde iyjong pha duiine ro. 7 Hì pha muyua ne ithek shii phi bo, ji è hanyie jia magunde ithek rog shii ichiig arey. 8 Jishii hanyie jia de awaithek ro siangthang shii gayiig arek arone, nyayaochak shii ne awaithek ro haliing pha branthek shii arek arone ithek ne migi shii snai ne migi arekpho è de awiedang pha rey dun ro.

9 Misiung ne idam sariig arey sapho shiine thaluii misiungmuii rog shii lao ne sasab arek rabo. Hìde lao ne ai ne luang jia yiygeyjong bie chid*Luang jia yiygeyjong bie chid; dinne Awai gey shii migi rek chid. 10 chiih-è wie rek pha ibeng um chid: hò-amuii hanyie è awai anithek shii wie re-è ram phone, biwen shii awai hò hà choi ne, gai Masiphothek blia pha jum bliathek rek ne, diig shii branthek shii nong chiih-è awai shii wie blia rek bsa hà phi ro.

11 Jishii mileo misiung shii ne sasab arek rabo; nyieliieshii ithek ne siu re-è yang pha ji thog arone, ithek ne Masi re-è iidoh khid din magey phro, 12 chiih-è ithek ro igobi pha aishii sbang rek pha ji chui pha ichiig rey ruii phro. 13 Ithek de hò-hò lua ne ishak mua pha ji dab muii ro; ithek ne ayao pha miyao shii de gachithek yao rone ji è de awie pha rek gai ro blia shii de snak rek pha dab ro. 14 Ji-è gu ne yang mileo misiungthek ne yiygey ne, aniphiing de um bo, chiih-è awaithek hòthek shii gayiig rek bo. Ji anine gethek ro makthek buii de ayao muii. 15 Giak misiungthek ne sakhathong shii gieng pha yiejong ro. 16 Jishii hanyie Masipho hò-amuii ro haliing shii misiung um arone, ai ne ithek shii gayiig chid chiih-è charch shii miihan aphi chid, ji anine charch re-è misiungmuii hanyie ai ne ji lie ne aishii ne gayiig mua.

17 Dukhothek hanyie è diig rek rone dumuii blia wie rek pho shii ne gai re-è huàk ne choi chid nyayaochak arone yao pho nane yua pho shii mua chid phro. 18 Iphy 25:4Mth 10:10; Lug 10:7 Jigi shii yao, rawoi yi iwoi nan ramuii shii iphab aphang rabo chiih-è “bliapho ne awaithek ro mathang shii ne phi chid.” 19 Iphy 17:6; 19:15Dukhothek shii suang the pha ji shii ne nyi re-è muna khagithek oi sapho shii ne anuii rabo. 20 Hanyie è layog rekpho shii ne branthek moe shii giung bo, ji anine gaithek de rum ruii phro.

21 Hamangkhung-aphuii chiih-è Masi Isu nane so hamangkhliiethek moe shii, nathek è nyie rek pha ji shii ne giak shii haro rek giak shii haro arek pha ji arek yi hì yao pha ji nuii yi pha gu nathek shii surua rek ne yao ro. 22 Ithong ro blia rek pho ithek shii phi muii pha branthek shii wad ruii pha khthiie arek rabo. Gaithek ro layog shii ichua ayie rabo; nawai shii igang ruii bo.

23 Kho aniing bie rabo, jishii na bleb-bleb rad pha ji re-è nawai luiriie pha ji shii nong pha angurphuii ìujia niing magey bo.

24 Giak branthek ro layogthek ne miang doh, chiih-è ithek ro layogthek ne ibi hàne awaithek shii chua ruii phro; jishii giak ro layogthek ne dohrasey re-è doh bie ruii phro. 25 Ji duiine wie blia ne miang doh, chiih-è miang adoh pha ji ne a-ug mua phro.