1 हामु जे भगवानेन साजल्‌या*साजल्‌या सहकर्मी हयन ज्‌य बी समजाड़जे, की भगवानेन गीण-दया जे तुंद्‌रे पर हया, फालतु नी जाणे देजे। 2 काहाकी चु ते कह्‌वे,

3 हामु काहाली बी वात मां ठुकर खाणेन काय बी जागु नी देजे, काहाकी हामरी चाकरी पर कुय गुनु नी आयु। 4 बाकुन आखी वात सी भगवानेन चाकर्‌यान तसा आपणे वारलु गुणे†वारलु गुणेसदुगुणों काजे उजेंता करजे मटा गमे सी दुखे सी, गरीबी सी, पीड़ा, सी। 5 सपाटान मार खाणे सी, जेल मां बुजायणे हवणे सी माणसेन कचाटा सी काठी मेहनत सी जागला रवणे सी उपास करने सी। 6 चुखला सी, अक्‌कल सी, गम धरने सी, दया वाळा सी, चुखली-आत्‌मा ने छाचला परम सी। 7 छाचला रय्‌न ईसुन खरला बुले सी, भगवानेन ताकत सी; धरमेन हत्‌यार सी, जे जेवड़े ने डाखर्‌ये हात मां छे, 8 हामरी ईज्‌जत करे तेबी, ने ईज्‌जत नी करे तेबी, हामरी नाव-बद्‌दी करे, तेबी, हामु नाव साद्‌या हवजे तेबी भगवानेन सेवा करने तीयार छे। भले हामु दीसराक ठगण्‌या तसा लाग्‌जे तेबी छाचाय काजे उजेंता करजे। 9 हामु ईसुन नेवताळा छे जी वात जे नी समजे तींद्‌रे अगळ हामु अनजाण्‌यान तसा छे; तेबी जे हामुक समजे तींद्‌रे अगळ हामु नाव सादीन छे; माणसे हामुक मारीन नाखणे हय र्‌या, बाकुन तेबी देखु हय लग जीवता छे; हामु दीसरा माणसेन साहरे डंड भुक्‌ती र्‌या बाकुन तेबी हामु नी मरजे। 10 दुख करने वाळान तसा छे, बाकुन जलम खुसी करे, गरीबी तसा छे, बाकुन बेसका काजे पयस्‌या वाळा बणाय देय, असा छे जसा हामरे धड़े काय नी तेबी आखो काय राखजे।

11 ए कुरींथीयो, हामु खुलाम खुल्‌ला वात कर्‌या, हामरो मन तुंद्‌रे भीणी उगाड़्‌लो छे। 12 तुंद्‌रे वाटे हामरा मन मां काय खेचा ताण नी हय, बाकुन तुंद्‌रेत मन मां खेचा ताण छे। 13 बाकुन आपणा पुर्‌या जाणीन तुंद्‌रे सी कहो, की तुहुं बी हेरे बदला मां आपणा मन काजे उगाड़ देवु।

14 भुरसु नी करे, हींद्‌रे साते तुंद्‌रो जुड़ो नी लागे। हेरेसी हींद्‌रे भेळा मां साजल्‌या बणु, काहाकी धरम ने पाप मेळ खाय काय? नीते उजाळो ने आंदारलान काय मेळ? 15 ईसु मसी भुतड़ा साते दुस्‌ती करे काय? नीते भुरसु करन्‌या ने नी भुरसु करन्‌या सी काय नातो? 16 ने मुरत्‌या साते भगवानेन मंदीरेन काय नातो?

17 हेरेसी मालीक कवे,