1 Tiŋ tor nba din wei munlee ni tee Simeonn booru ni naakuut yente. Bi yent maŋ din tant ki saan kɔɔ Juda booru yent nie. 2 Li din kpab nan Beerseba nan Sieba nan Molada 3 nan Hasar Sual nan Bala nan Esem 4 nan Eltolad nan Betul nan Horma 5 nan Siklag nan Bef Maakabof nan Hasar Susa 6 nan Bef Lebaof nan Saruhenn: Ki li tee digbana piik nan ŋantaa, ki pukin doi nba kook lintir na.

7 Digbana nba na bia din pukin; ŋamme tee Ayinn nan Rimonn nan Eter nan Asann: ki li tee digbana ŋanna, ki pukin doi nba kook lintir na. 8 Linba na din kpab nan doi nba kur lint digbana nae ki saa baar Baalaf Beer (bi bia yir Rama-e), ki li be diitu po. Tiŋ nba nae ki Simeonn booru naakuut din gaar ki li tee bi yent. 9 Juda yent nba din yab ki gar baa loon biaŋinba na, bi din ŋmit tiŋ maŋe waan ki tur Simeonn booru.

10 Tiŋ tor muntaa ni din tee Sebulunn booru naakuut yare. Tiŋ nba ki bi din gaar na din saan ki saa baar Sarid. 11 Kpaar na din nyii leŋ ki saan yonbaa po ki saa baar Mareal, ki saa fiar Dabesef nan Jokneam yondo po kpenbik na. 12 Sarid bɔkleer na, kpaar maŋ din saan yondo po, ki saa baar Kislof Tabor, ki ŋmat saan Daberaf ki doo baar Jafia. 13 Li din nyii leŋ ki saan yondo po ki saa baar Gaaf Hefer nan Ef-kasinn ki ŋmat Nea yakir ki jiin Rimonn sɔnu po. 14 Ki gaŋ po kpaar mun ŋmant ki took Hanatonn po, ki saan dian If-tahel baauk. 15 Li din pukin Kataf nan Nahalal nan Simronn nan Idala nan Betlehem: Ki li tee digbana piik nan ŋanlee, ki pukin doi nba kook ki lintir na. 16 Digbana nba na nan li doie ki Sebulunn booru naakuut din gaar, ki li tee bi yent.

17 Tiŋ tor munna ni din saan Isakar booru naakuut boore. 18 Bi yent na din tee Jesreel nan Kesulof nan Sunem 19 nan Hafaraim nan Sionn nan Anaharaf 20 nan Rabif nan Kisionn nan Ebes 21 nan Remef nan En-ganim nan En-hada nan Bef-pases. 22 Kpaar maŋ din saan baar Tabor nan Sahasuma nan Bef Semes ki saan dian Jɔɔdann mɔkir. Li din tee digbana piik nan ŋanloobe, ki pukin doi nba kook ki lintir na. 23 Digbana na nan li doie ki Isakar booru naakuut din gaar, ki li tee bi yent.

24 Tiŋ tor nba pukin munŋmu ni din tee Aser booru naakuut yente. 25 Bi yent din tee Helkaf nan Hali nan Betenn nan Aksaf 26 nan Alam Melek nan Amad nan Misal. Li yonbaa po ki li fiar Kamel nan Sihor Libnaf. 27 Laa ŋmant yondo po, ki kpaar na saan baar Bef-dagonn, ki gar saan Sebulunn nan Ifta-el baauk, ki tɔkin saan gaŋ po ki baar Betemek nan Neyel. Li din tukin gaŋ po ki saa baar Kabul 28 nan Ebronn nan Rehob nan Hamonn nan Kana, ki saan ki saa baar Sidonn, 29 ki ŋmat saan Rama, ki gar baar digbann nba mɔk joonjouk, ki bi yir Taya na, ki ŋmat saan Hosa ki saa dian Sinsuuk ni mɔkgbeŋir na. Li digbana din tee Mahalab nan Aksib 30 nan Yuma nan Afek nan Rehob: Ki li tee digbana piinlee nan ŋanlee, ki pukin doi nba kook ki lintir na. 31 Digbana nba na nan li doie ki Aser booru naakuut din gaar, ki li tee bi yent.

32 Tiŋ tor nba pukin munloob ni din tee Naftali booru naakuut yente. 33 Li kpaar din nyii Helef ki saan baar tijakper nba din be Sananim na, ki gar baar Adami-nekeb nan Jamnia, ki saan ki saa baar Lakum, ki saan dian Jɔɔdann mɔkir. 34 Kpaar na din gɔnt leŋ ki saan yonbaa po ki baar Asnof Tabor, ki nyii leŋ ki baar Hukok ki gar fiar Sebulunn booru tiŋ niidiitu po, ki saan yonbaa po ki baar Aser booru tiŋ yonbaa po, ki ŋmant yondo po ki baar Jɔɔdann mɔkir. 35 Digbana nba ki bi maa joona ki lint na din tee Sidim nan Ser nan Hamaf nan Rakaf nan Kineref 36 nan Adama nan Rama nan Hasor 37 nan Kedes nan Edrei nan En-hasor 38 nan Yironn nan Migdal-el nan Horem nan Bef Anaf nan Bef Semes-e; ki li tee digbana piik nan ŋanyia, ki pukin doi nba kook lintib na. 39 Digbana nba na nan li doie ki Naftali booru naakuut din gaar, ki li tee bi yent.

40 Tiŋ tor nba pukin munlore ni din tee Dann booru naakuut yente. 41 Li yent din tee Sora nan Estaol nan Ir-semes 42 nan Saalbim nan Aijalonn nan Itla 43 nan Elonn nan Timna nan Ekronn 44 nan Elteke nan Gibetonn nan Baalaf 45 nan Jehud nan Bene-berak nan Gaf-rimonn 46 nan Me-jarkonn, nan Rakonn, ki pukin yent nba kook Jɔpa na. 47 Ŋaan Dann booru nba din kɔŋ tiŋ na, ki bi saan lek Lais, ki nyannir, ki kpii leŋ niib, ŋaan yent doo maŋ. Bi din kar leŋe ki lebit li sann ki yir Dann ŋaan piin Lais. Bi din purir ki gaan nan bi yeeja Dann-e. 48 Digbana nba na nan li doie ki Dann booru naakuut din gaar, ki li tee bi yent.

49 Israel teeb nba chent tiŋ na ki gbenn yoo nba, bi din tur Nunn bija Joosua tiŋ na waan ki li tee u yent. 50 Bi din turɔ doo nba ki u ganne, nan Yennu nba din senn na. Li sann din tee Timnaf Sera, ki li be Efraim booru kunkona yent na ni. U din ŋamm maa digbann maŋe ki kar leŋ.

51 Manntɔɔ Eleasar, nan Nunn bija Joosua, nan Israel booru na naakuut saakab din be Siiloe, Yennu lanbouŋ tammɔb ni, ki boi Yennu ŋaan tɔ naatɔɔt ki chent tiŋ na. Nna bannue ki bi din chent tiŋ maŋ ki gbenn.