1 Yennu din yet Moses nan Eleasar, wunba tee manntɔɔ Aarɔnn bija na, yiaryoonn nba din baa na poorpo a, 2 “Kanin ŋaak ŋaak nikant, ki lii tee Israel jab nba kur dii bina piinlee koo ki gar nna, ki jaŋ nan bin saan kunkɔnn.” 3-4 Ki Moses nan Eleasar sak ki yiin sɔɔ kur, jɔɔ nba kur baar bina maŋ, ki bi taan Moab paanu ni, ki li be Jɔɔdann mɔkir yakleer nba jiin Jeriko po na.

Israel teeb nba din nyii Ijipt-e na: 5 Rubenn booru (Rubenn-e din tee Jakɔb bikperik,) ki bi tee Hanok nan Palu, 6 nan Hesronn nan Karmi naakuut. 7 Naakuut na jab taan ki tee tusaa piinna nan ŋantaa nan kobii ŋanlore nan piintaa. 8 Palu bija din tee Eliab, 9 ki Eliab bonjai tee Nemuel nan Datann nan Abiram. (Datann nan Abiram nba nae ki niib na din gannib ki bi tee bi tɔɔndamm. Ki bi din tun kpikpiruk ki tur Moses nan Aarɔnn, ki din pukin Kora po ki bi yêt Yennu sennu. 10 Tiŋ din bɔkite ki nakib, ki bi kpo, ŋamm nan Kora, wunba ki muu din dii u niib kobii ŋanlee nan piinŋmu na. Ŋamme din tee kpaanii ki teen Israel teeb. 11 Ŋaan Kora waas ŋarin din ki kpo.)

12 Simeonn booru ni naakuute na: ŋamme tee Nemuel nan Jaminn nan Jakinn 13 nan Sera nan Sawul naakuut. 14 Naakuut na jab taan ki tee tusaa piinlee nan ŋanlee nan kobii ŋanlee.

15 Gaad booru ni naakuute na: ŋamme tee Sefonn nan Hagi nan Suni, 16 nan Osni nan Eri, 17 nan Arod nan Areli naakuut. 18 Naakuut na jab taan ki tee tusaa piinna nan kobii ŋanŋmu.

19-21 Juda booru ni naakuute na: ŋamme tee Sela nan Peres nan Sera nan Hesronn nan Hamul naakuut. (Juda bonjai banlee nba din tee Er nan Onann din kpo Keenann tiŋ niŋe.) 22 Naakuut na jab taan ki tee tusaa piinlore nan ŋanloob nan kobii ŋanŋmu.

23 Isakar booru ni naakuute na: ŋamme tee Tola nan Pua, 24 nan Jasub nan Simronn naakuut. 25 Naakuut na jab taan ki tee tusaa piinloob nan ŋanna nan kobii ŋantaa.

26 Sebulunn booru ni naakuute na: ŋamme tee Sered nan Elonn nan Jaleel naakuut. 27 Naakuut na jab taan ki tee tusaa piinloob nan kobii ŋanŋmu.

28 Joosef, wunba din mar bonjai banlee, ki bi tee Manase nan Efraim na boorue na.

29 Manase boorue na: Makir, wunba tee Manase bija na mun din mar Gilead. Gilead naakuute na: 30 ŋamme tee Yeser nan Helek 31 nan Asriel nan Sekem, 32 nan Semida nan Hefer naakuut. 33 Ki Selofehad, wunba tee Hefer bija na din ki mɔk bonjai, u din mɔk bonpoi kɔɔe; bi sana din tee Mala nan Nowa nan Hogla nan Milka nan Tirsa. 34 Naakuut na jab taan ki tee tusaa piinŋmu nan ŋanlee nan kobii ŋanlore.

35 Efraim booru ni naakuute na: ŋamme tee Sutela nan Beker nan Tahann naakuut. 36 Erann naakuuk ni niib nyii Sutela maaru nie. 37 Naakuut na jab taan ki tee tusaa piintaa nan ŋanlee nan kobii ŋanŋmu.

Naakuut na niib nyii Joosef niŋe.

38 Benjaminn booru ni naakuute na: ŋamme tee Bela nan Asbel nan Ahiram 39 nan Sefufam nan Hufam naakuut. 40 Ki Ard nan Naamann naakuut ni niib nyii Bela maaru ni. 41 Naakuut na jab taan ki tee tusaa piinna nan ŋanŋmu nan kobii ŋanloob.

42 Dann boorue na: Bi kur din tee Suham naakuuk ni niibe, 43 ki bi kann tee jab tusaa piinloob nan ŋanna nan kobii ŋanna.

44 Aser booru ni naakuute na: ŋamme tee Imina nan Isifi nan Beria naakuut. 45 Ki Heber nan Malkiel naakuut ni niib nyii Beria maaru ni. 46 Ki Aser mɔk bonpook ki bi yiu Sera. 47 Naakuut na jab taan ki tee tusaa piinŋmu nan ŋantaa nan kobii ŋanna.

48 Naftali booru ni naakuute na: ŋamme tee Jaseel nan Guni 49 nan Jeser nan Silem naakuut. 50 Naakuut na jab taan ki tee tusaa piinna nan ŋanŋmu nan kobii ŋanna.

51 Israel jab kur din taan ki tee tusaa kobii ŋanloob nan yenn nan kobii ŋanlore nan piintaa.

52 Ki Yennu yet Moses a, 53 “Bɔkitir tiŋ na kii teen booru booru na, kii jaŋit bi yabint nba tee, ki lii tee bi faar. 54-56 Bɔkitir tiŋ na kii gani kii teemm. A tuu jii tiŋ nba yab ki tur booru nba yab, ki jii tiŋ nba waar ki tur booru nba waar.”

57 Liifai booru nba ki bi din kamm naakuuk naakuuke na: ŋamme tee Gersonn nan Kohaf nan Merari naakuut. 58 Naakubis na nyii bi maaru nie: ŋamme tee Libni nan Hebronn nan Mali nan Musi nan Kora naakuut. Kohaf-e din tee Amram baa, 59 ŋɔɔe din kɔɔn Liifai bipoo nba tee Jokebed, ki bi din marɔ Ijipt na; ki Jokebed marɔ bonjai banlee nan bonpook, ki bi sana tee Aarɔnn nan Moses nan Miriam. 60 Aarɔnn din mar bonjai bannae, ki bi tee Nadab nan Abihu nan Eleasar nan Itamar. 61 Yennu din kpii Nadab nan Abihu, yoo nba ki bi mann mujoonu maruŋ nba ki took ki turɔ nae. 62 Bi din kan Liifai bonjai nba dii ŋmaarik koo ki gar nna, ki bi tee jab tusaa piinlee nan ŋantaa. Bi din ki kamm ki pukin Israel teleeb ni, kimaan ŋamm din ki gaar tiŋ faari.

63 Israel naakuut nba nae ki Moses nan manntɔɔ Eleasar din kamm nikant, yoo nba ki bi be Moab paanu ni, ki li be Jɔɔdann mɔkir yakleer nba jiin Jeriko po na. 64 Jab nba ki Moses nan Aarɔnn din kamm sinsinn nikant, Sainai kunkoouk paak na, bi sɔɔ ki biar nan yenɔkɔɔwa, 65 see Kaleb, wunba tee Jefune bija, nan Joosua, ki u mun tee Nunn bija na kuukɔɔ, kimaan Yennu din yet nan bileeb kur saa kpo kunkoouk na paaka.