1 Yennu, a bu n buut ki turin mɔnii,

kimaan n tuun linba ŋan, ki teena yada,

ki ki biris nana.

2 Yennu, fiitir n par ki bikinin,

katir n binbeŋ nan n dudukit,

3 kimaan a lomm yɔɔ be n tɔɔnn po,

ki a ŋant yɔɔ ŋmakitirin.

4 N ki tɔkii nan niyana,

5 N ki loon toonbiit damm maan,

n bia ki kaar nan nitont.

6 Yennu, n wuur n nii ki li want nan n ki mɔk biiti,

ki somm lintir a binbintir na ki jiantira,

7 ki yiin yanii ki dontir a sann,

ki want a bakitnauŋ toona kur.

8 Yennu, n loon ŋaak nba ki a be na;

ki li tee siaminba ki a baakir be na.

9 A daa biirin ki kpab nan yanbɔndammi.

Daa teen nan faa tee nikpiirit biaŋinba na.

10 Bi tee niib nba tuun toonbiite yoo kur,

ki tee damm nba gaan fobit piinii yoo kur.

11 Min ŋarin tuun linba ŋan. Tinin ninbaauk, ki tinnin.

12 N nyii ninbɔŋ kura niwa;

ki Yennu niib tintaanu niŋe ki n saa dont u sann.