6
1 Poo nba mantik fan ki gar poob kur na, a yɔɔk na saan lee.
A betit sɔnu nba ki a yɔɔk na tɔkin,
ki lin te tin fit somma ki a kpaanɔ.
Poo lomm yaŋ
2 N yɔɔk na saan u kpaab niŋa,
ki li tee siaminba ki tinunubit be na.
U kpaar u pei kpaab na nie, ki tikii puuk.
3 Mine yen n yɔɔk, ki u mun yenin;
u kpaar u pei titubira na nie.
Yaŋ nba pukin munŋmu sp Jɔɔ lomm yaŋ
4 N yɔɔk, a mantik fan nan Jerusalem nba fan biaŋinba nae;
ki bia fan nan Tirsa doo na, ki a fant na mantik teen yaarlituk.
5 Fi-i goriin, a niɔŋ tuu kɔɔme ki dian.
A yut na liane ki tee nan buunii nba tuu yab,
ki nyi Gilead kunkona paak ki siik biaŋinba na.
6 A nyana na peen, ki tee nan peburuŋ nba ki bi daa wurib nae;
ki nan nyan-yenn na ki fokiti, ki li kur tɔɔ leer paak.
7 A tankpina nba ki saarik dɔɔk na nyiriie.
8 Kpanbar-i lekii mɔk poosaakab piinloob nan poobis piinniin,
nan sapaamm nba kaa kanni,
9 ŋaan fin kɔɔe ki n loon, ki a mantik ŋan ki tee nan ŋmann na.
Fine tee a naa bonpoyemmir, ki tee a naa bilonkak.
Ki poob kur goriia ki piaka;
ki poosaakab nan poobis yiin yanii ki kpakitira.
10 Ŋmee na, ki tan nyirii nan sanyiɔk na?
U mantik fan, ki yeen, ki tee nan yonnu,
koo ŋmaarik nba tuu nyɔkit biaŋinba na.
11 N nyii tilontii boore ki sik maa n got tibis nba be baauk ni na,
ki bia got fapaant nba be daan tilontii paak na,
ki bia got tipuut nba be tilontlia paak na.
12 Fine te ki a niɔŋ kɔɔn,
ki n jekir nan taantoruk ŋmakit-tɔɔ nba teen siir nan tɔb na.
Poob lomm yaŋ
13 Waan waak, Sulam sapaamɔ,
ŋaant ki tii goriia, faa waa waak na.
Poo lomm yaŋ
Bee paake ki i loon mii waa waak niib sinsuuk ni, ki yii goriimi?
Jɔɔ lomm yaŋ