29 “Jadi jangan haur mamantingakan napa nang handak dimakan atawa napa nang handak dikinum haja. Kada usah gair manganai hal hal nitu tadi. 30 Bubuhan ikam jangan kaya urang kafir nang salalu gair manganai samunyaan nang itu tadi. Sualnya urang kafir kada baiman ka Allah wan kada yakin amun Allah maharagunya. Makanya baiman ja ka Abah Nang Di Atas. Inya gin sudah tahu napa nang ikam parlu. 31 Daripada haur mancariꞌi hal hal duniawi tadi haja, cariꞌi karajaan Allah. Allah gin cagar mambariꞌi samunyaan nang ikam parlu. 32 Ui bubuhan ikam nang cuma sadikit jumlahnya, kada usah gair kakurangan hal hal duniawi tadi. Sualnya bubuhan ikam sudah manjadi anggota karajaan Allah. 33 Juali harta ikam, lalu sadakahakan ka urang urang susah. Amun bubuhan ikam mamantingakan kahandak Allah nang kaya itu tadi, bubuhan ikam manabung harta kakal di surga nang kada bisa rusak. Harta itu kada cagar langlam. Sualnya maling kada kawa manyuntannya wan rayap kada kawa marusaknya. 34 Napa nang paling baharga gasan ikam, pasti rancak ikam ganang wan pikirakan, baik harta ikam di dunia atawa harta ikam nang kakal tadi di surga.”