Baư sư ꞌtan Pôn tẻm pay ha ꞌpi ꞌnọng
nẳng ꞌmướng Cô‑ꞌlô‑ꞌsai
1
Khỏi ꞌchư Pôn, ꞌtoi chaư Chảu Pua ꞌPhạ hảư khỏi pên ꞌlam ꞌchạư páo kháo Chảu ꞌGiê‑ꞌsu ꞌKha‑ꞌlịt, cắp Ti‑ꞌmô‑ꞌthiêu phủ pên ꞌpi ꞌnọng cuông ꞌhôm ꞌngáu Chảu ꞌGiê‑ꞌsu, ꞌmí sư ꞌmá ha ꞌpứng ꞌpi ꞌnọng nẳng ꞌmướng Cô‑ꞌlô‑ꞌsai pên dên ꞌpay mẳn chaư tó Chảu Pua ꞌPhạ cuông ꞌhôm ꞌngáu Chảu ꞌKha‑ꞌlịt. Khỏi đé so Chảu Pua ꞌPhạ phủ pên ꞌPo ꞌsúm ꞌháu phớng ꞌdứa hảư ꞌpi ꞌnọng đảy công#ꞌphún, dú súc sáng bang#chaư.
Đảy ꞌnghín kháo ꞌpi ꞌnọng ꞌchưa Chảu ꞌGiê‑ꞌsu
ꞌChớ đaư ꞌsúm khỏi đé so ꞌhọt Chảu Pua ꞌPhạ phủ pên ꞌPo ꞌGiê‑ꞌsu ꞌKha‑ꞌlịt Chảu Chom ꞌsúm ꞌháu ꞌpưa ꞌpi#ꞌnọng, ꞌcọ ꞌlớng ꞌchớ vảy so đảy ꞌdọn ꞌTan#chảu, ꞌpưa ꞌsúm khỏi đảy ꞌnghín kháo ꞌpi ꞌnọng pông chaư ꞌchưa Chảu ꞌGiê‑ꞌsu ꞌKha‑ꞌlịt, ꞌmí chaư ꞌhặc ꞌtếng#cá dên ꞌpay Chảu Pua#ꞌPhạ. Pên ꞌsướng ꞌnặn ꞌcọ ꞌpưa ꞌpi ꞌnọng ꞌcóng đảy ꞌnéo đi quí ꞌpéng nẳng Chảu Pua ꞌPhạ dom ꞌvạy hảư cá ꞌmướng#ꞌphạ. Nả ꞌviạk ꞌnặn ꞌpi ꞌnọng ꞌcọ đảy ꞌnghín ꞌquám ꞌmen#ꞌtẹ, ꞌsướng kháo ꞌhung saư ꞌviạk Chảu ꞌGiê‑ꞌsu ꞌKha‑ꞌlịt páo ꞌmá ꞌhọt ꞌpi#ꞌnọng. ꞌChu bón ꞌchu ꞌti nẳng ꞌmướng#ꞌlum, kháo ꞌhung saư ꞌnị đảy ꞌpe quảng#ók, đảy ꞌláng đi ꞌmá sú Chảu Pua#ꞌPhạ, ꞌcọ ꞌsướng dú cang mốt mú ꞌpi#ꞌnọng, tẳng té đảy ꞌnghín kháo ꞌhung saư ꞌnị chắng ꞌhụ chẻng ꞌviạk ꞌmen ꞌtẹ công ꞌphún Chảu Pua ꞌPhạ hảư#ꞌnặn. ꞌPứng ꞌpi ꞌnọng đảy ép ꞌhiến kháo ꞌhung saư nẳng ꞌtan Ê‑pa‑ꞌpha pên ꞌpi ꞌnọng ꞌhặc#ꞌpéng, phủ ꞌkhớng nả ꞌviạk Chảu ꞌKha‑ꞌlịt ꞌtoi ꞌsúm#khỏi, pên ꞌcốn ꞌnặm saư chaư ꞌsư ꞌchưa chaư đảy ꞌchoi ꞌviạk ꞌTan chảu ꞌpưa ꞌpi#ꞌnọng. ꞌLẹo ꞌtan ꞌcọ đảy bók hảư ꞌsúm khỏi#ꞌhụ, Chảu Khuôn Saư phớng ꞌdứa hảư ꞌpi ꞌnọng ꞌmí chaư ꞌhặc#căn.
ꞌTan Pôn đé so Chảu Pua ꞌPhạ ꞌpưa ꞌpi ꞌnọng
ꞌDọn ꞌsướng ꞌnặn ꞌsúm khỏi chắng đảy đé so Chảu Pua ꞌPhạ ꞌpưa ꞌpi ꞌnọng ꞌlớng#ꞌlớng. Tẳng té ꞌmự ꞌsúm khỏi đảy ꞌnghín kháo ꞌpi#ꞌnọng, chắng đảy đé so ꞌTan chảu phớng ꞌdứa hảư ꞌpi ꞌnọng ꞌhụ ꞌluống ꞌtáng chaư ꞌmặc khong ꞌTan chảu mết ꞌchu#ꞌnéo, ꞌtếng#cá ꞌquám ꞌhụ ꞌquám lắc ꞌtoi Chảu Khuôn Saư uôn ꞌpá hảư#ꞌhụ. 10 ꞌSúm khỏi đé so ꞌTan chảu ꞌcọ ꞌpưa hảư ꞌpi ꞌnọng ꞌhụ kin dú ꞌluống đi sôm đáng pên ꞌcốn hảư ꞌTan chảu sôm chaư ꞌchu#ꞌnéo, ꞌchu ꞌviạk đi hảư đảy ꞌláng đi ꞌmá sú ꞌTan#chảu, hảư ꞌhụ Chảu Pua ꞌPhạ lai tứm#khửn, 11 hảư ꞌmí phép ꞌhéng kheng cả ꞌtoi phép ꞌquiến ꞌhung ꞌhướng ꞌTan chảu ꞌchu#ꞌnéo, ꞌpưa ꞌpi ꞌnọng chắng ꞌchí cứ chaư#mẳn, ꞌmí chaư ứt dón ꞌchu#ꞌluống, 12 hảư ꞌmuôn ꞌmớng đảy ꞌdọn Chảu Pua ꞌPhạ phủ pên#ꞌPo, ꞌTan chảu hảư ꞌpi ꞌnọng ꞌmí ꞌphớn đảy ꞌnéo đi quí ꞌpéng cắp dên ꞌpay ꞌTan chảu dú ꞌmướng Chảu Pua ꞌPhạ bón ꞌhung#saư. 13 ꞌTan chảu đảy ꞌchoi hảư ꞌsúm ꞌháu khói sia phép ꞌquiến phi ꞌhại ꞌluống ꞌtáng ꞌmựt#đăm, ꞌlẹo ꞌpá ꞌháu ꞌmá sú ꞌhôm ꞌngáu Chảu ꞌGiê‑ꞌsu phủ pên ꞌLụk ꞌTan chảu ꞌhặc#sương. 14 ꞌDọn Chảu ꞌGiê‑ꞌsu đảy tháy au#ꞌháu, báp ꞌsội ꞌháu ꞌcọ đảy dáng ꞌdóm#hảư.
Chảu ꞌGiê‑ꞌsu ꞌKha‑ꞌlịt pên cốc ꞌchu ꞌnéo
15 Chảu ꞌGiê‑ꞌsu phủ ꞌháu hên đảy ꞌcọ pên ꞌsướng điêu Chảu Pua ꞌPhạ phủ báu hên#đảy. Chảu ꞌGiê‑ꞌsu ꞌmí cón ꞌsứa mết ꞌtếng#cá ꞌchu sính ꞌchu ꞌnéo sảng téng khửn#ꞌmá, 16 ꞌpưa#ꞌva ꞌchu sính ꞌchu ꞌnéo nẳng ꞌmướng ꞌphạ ꞌmướng ꞌlum ꞌmen Chảu ꞌGiê‑ꞌsu sảng téng#khửn, ꞌnéo ta hên đảy kéng ꞌnéo báu hên#đảy, ꞌpứng tiên ꞌchạư phủ ꞌmí chức ꞌmí#ꞌquiến, ꞌpứng phủ ꞌmí chức nháư ꞌquiến#luông, ꞌpứng phủ téng#đa ꞌtếng#mết, ꞌmen Chảu ꞌGiê‑ꞌsu pên phủ đảy sảng téng khửn ꞌpưa ꞌTan#chảu. 17 Chảu ꞌGiê‑ꞌsu ꞌmí cón ꞌchu sính ꞌchu ꞌnéo#ꞌlẹo, ꞌchu sính ꞌchu ꞌnéo ꞌcọ đảy ꞌTan chảu pảy che#ꞌvạy. 18 Chảu ꞌGiê‑ꞌsu pên hua ꞌmo#ꞌkính lỏ ꞌmen pên cốc mốt ꞌsúm#ꞌhốm ꞌTan chảu téng#khửn, pên phủ té ꞌkhoẹk tai ꞌlẹo đảy ꞌcứn ꞌhéng ꞌmá ꞌpưa ꞌTan chảu ꞌchí đảy pên cốc ꞌchu#ꞌnéo, 19 ꞌpưa#ꞌva Chảu Pua ꞌPhạ sôm chaư hảư Chảu ꞌGiê‑ꞌsu pên ꞌsướng Chảu ꞌPo mết ꞌchu#ꞌnéo. 20 ꞌDọn ꞌlượt Chảu ꞌGiê‑ꞌsu lay ók ꞌtếng ꞌmạy tháng#khen, Chảu Pua ꞌPhạ ꞌcọ sôm chaư hảư ꞌchu sính ꞌmá ꞌmen cắp ꞌTan#chảu, báu#ꞌva ꞌchu sính nẳng ꞌmướng ꞌlum ꞌmướng ꞌphạ ꞌcọ đảy kin dú ꞌmen cắp ꞌTan#chảu.
21 ꞌMưa cón ꞌnặn ꞌpi ꞌnọng đảy háng sia Chảu Pua#ꞌPhạ, ꞌmí chaư ngắm khắt ꞌchắng ꞌTan#chảu, ꞌpưa#ꞌva ꞌpi ꞌnọng ꞌmặc ꞌdệt ꞌnéo ác#ꞌhại. 22 ꞌKhạy ꞌdọn ꞌviạk tai phái ꞌmo ꞌkính Chảu ꞌGiê‑ꞌsu, Chảu Pua ꞌPhạ chắng hảư ꞌpi ꞌnọng đảy ꞌmá ꞌmen cắp ꞌTan#chảu, ꞌpưa hảư ꞌpi ꞌnọng đảy pên ꞌcốn ꞌpẹk#saư, báu#ꞌmí ꞌluống chê ꞌpi ꞌnọng dú tó nả ꞌTan#chảu. 23 Hák#ꞌva ꞌpi ꞌnọng ꞌchọ sứp tó tẳng lắc mẳn ꞌchưa Chảu ꞌGiê‑ꞌsu, cứ mẳn chaư ꞌcóng thả đảy ꞌnéo đi quí#ꞌpéng, ꞌnhá ꞌváng sia kháo ꞌhung saư ꞌtoi ꞌpi ꞌnọng đảy ꞌnghín ꞌmá ꞌlẹo#ꞌnặn. Kháo ꞌhung saư Chảu ꞌGiê‑ꞌsu ꞌnặn ꞌcọ đảy páo hảư ꞌchu ꞌcốn dú ꞌtua cỏng#ꞌphạ, khỏi ꞌchư Pôn pên phủ ꞌkhớng ꞌviạk páo kháo#ꞌnặn.
ꞌTan Pôn pên phủ ꞌchoi ꞌviạk mốt ꞌsúm ꞌhốm
24 ꞌKhạy khỏi ꞌcọ ꞌmuôn ꞌmớng đảy báp ꞌmo khó chaư ꞌpưa ꞌpi#ꞌnọng, ꞌviạk khổ khốn ꞌnặn báu#sút ꞌto Chảu ꞌKha‑ꞌlịt thôi cá#đaư, ꞌmo ꞌkính khỏi ꞌcọ ꞌnhắng ꞌchịu khổ#máư, ꞌpưa tủm ꞌpúa mốt ꞌsúm ꞌhốm phủ pên ꞌsướng ꞌmo ꞌkính ꞌTan#chảu. 25 Khỏi đảy ꞌmá pên phủ bớng đu ꞌchoi ꞌsúm ꞌhốm Chảu ꞌGiê‑ꞌsu, ꞌtoi ꞌquám Chảu Pua ꞌPhạ téng hảư khỏi au ꞌchu khót ꞌchu ꞌquám ꞌTan chảu ꞌmá bók son hảư ꞌpi ꞌnọng#ꞌhụ, 26 ꞌsướng ꞌquám ꞌlặp ꞌlợc Chảu Pua ꞌPhạ đảy dăm ꞌvạy té đaư té đai ꞌmá báu#hảư phaư#ꞌhụ, ꞌkhạy ꞌnị ꞌcọ hảư dên ꞌpay ꞌTan chảu ꞌhụ chẻng#ók. 27 Chảu Pua ꞌPhạ é hảư dên ꞌpay ꞌTan chảu ꞌhụ#ꞌva, ꞌquám ꞌlặp ꞌlợc ꞌnặn ꞌchí hảư ꞌpi ꞌnọng ꞌcốn táng ꞌphắn đảy ꞌnéo đi quí#ꞌpéng ꞌhuôm cắp dên ꞌpay ꞌTan#chảu, ꞌnặn ꞌcọ ꞌmen Chảu ꞌKha‑ꞌlịt dú cắp ꞌnặp pheng ꞌpi#ꞌnọng, ꞌpi ꞌnọng chắng mẳn chaư thả đảy ꞌhung#ꞌhướng. 28 ꞌSúm khỏi páo kháo ꞌviạk Chảu ꞌKha‑ꞌlịt, ꞌcọ đảy au ꞌquám ꞌhụ lắc ꞌchu ꞌnéo ꞌmá tít tơn hảư ꞌtoi ꞌluống ꞌmen ꞌtếng bók son ꞌchu#ꞌcốn, ꞌchớ đaư đảy ók nả Chảu Pua#ꞌPhạ, ꞌchí dao ꞌchu ꞌcốn pên ꞌcốn ké ꞌhụ đi sút ꞌtáng Chảu ꞌKha‑ꞌlịt hảư ꞌTan#chảu. 29 ꞌPưa ꞌdệt hảư đảy ꞌnéo ꞌnặn khỏi chắng ꞌdệt ꞌviạk nắc#na, chóng sáư chaư ꞌdọn ꞌhéng Chảu ꞌKha‑ꞌlịt đảy tủm ꞌpúa hảư khỏi#ꞌdệt.