Tai Dam Da‑cô‑bô 5

ꞌQuám tít tơn ꞌcốn ꞌhăng ꞌmí ꞌdệt ác

1 Phủ ꞌhăng ꞌmí ꞌphắng hảư đi ꞌnớ. Hảư ꞌtộc khôm khék#hảy, ꞌpưa#ꞌva ꞌquám khổ khốn nắc ꞌchí ꞌmá tốc sáư ꞌpứng#chảu. 2 ꞌNéo ꞌhăng ꞌmí chảu ꞌmí ꞌnặn đảy pưới ꞌnau#sia, ꞌchương ꞌnung ꞌpứng chảu ꞌcọ thứk ꞌméng cắt sia#ꞌlẹo. 3 ꞌNgớn ꞌcắm ꞌpứng chảu ꞌmí ꞌnặn ꞌcọ khảu niểng#ꞌlẹo. Khỉ niểng ꞌnặn ꞌchí ꞌdệt hảư Chảu Pua ꞌPhạ ꞌhụ hên ꞌlẹo sáư ꞌtội ꞌpứng chảu ꞌsướng ꞌpháy#mảy. ꞌNhám lả sút ꞌnị ꞌpứng chảu ꞌnhắng đảy hom ꞌngớn ꞌcắm ꞌchương khong ꞌvạy#dú. 4 ꞌPứng phủ ꞌdệt ꞌviạk hảư ꞌpứng chảu nẳng ꞌtông ꞌhay ꞌtông#ꞌná, ꞌpứng chảu báu#au ꞌca chảng hảư#sau, ꞌphắng sương sau khék ꞌkiện ꞌpứng chảu#ꞌí, sương khék khổ khốn ꞌpứng phủ kiếu khảu ꞌná ꞌcọ ꞌhọt hu Chảu Pua ꞌPhạ phủ pên Chảu#Chom, phủ ꞌmí phép nháư ꞌquiến#luông. 5 ꞌLới ꞌpứng chảu sướng kin sướng dú nẳng ꞌmướng ꞌlum ꞌtoi chaư ꞌpứng chảu#ꞌmặc, tủi ꞌpí ꞌmí ꞌnựa thả ꞌmự au pay#khả. 6 ꞌPứng chảu đảy sáư ꞌtội phủ báu#đảy ꞌdệt#phít, ꞌlẹo ꞌnhắng khả sau#máư, sau ꞌcọ báu#đảy tóp ꞌpứng chảu cá#đaư.

ꞌChớ chuốp báp ꞌmo khó chaư hảư cứ chaư mẳn

7 ꞌPi ꞌnọng ꞌhặc ꞌpéng, hảư ứt chaư chôm thả ꞌhọt ꞌchớ ꞌGiê‑ꞌsu phủ pên Chảu Chom táo ꞌlống#ꞌmá, ꞌsướng ꞌcốn ꞌdệt ꞌná thả ꞌhọt ꞌnhám ꞌchương púk nẳng đin ók pên co mák#ꞌchăn, sau ꞌcọ ứt chaư chôm thả ꞌhọt ꞌnhám ꞌphạ phôn hua ꞌmúa lả#ꞌmúa. 8 ꞌPi ꞌnọng ꞌcọ ꞌsướng#điêu, hảư ứt chaư#chôm, mẳn chaư#ꞌchưa, ꞌpưa#ꞌva ꞌmự ꞌGiê‑ꞌsu phủ pên Chảu Chom ꞌchí táo ꞌlống ꞌmá ꞌcọ chăm khảu ꞌmá#ꞌlẹo.

9 ꞌPi ꞌnọng ꞌhặc#ꞌpéng, ꞌnhá chốm ꞌhại hảư#căn, ꞌpi ꞌnọng chắng ꞌchí báu#chuốp sét#ꞌván. ꞌTan chảu phủ sét ꞌván ꞌnặn ꞌcọ ꞌmá chăm#ꞌlẹo. 10 ꞌPi ꞌnọng ꞌhặc#ꞌpéng, hảư ngắm bớng đu ꞌpứng ꞌlam páo phủ ꞌvạu tang nả Chảu Pua ꞌPhạ phủ pên Chảu#Chom, ꞌchớ sau chuốp báp ꞌmo khó chaư ꞌcọ ꞌmí chaư ứt#dón. 11 ꞌPi ꞌnọng ꞌcọ ꞌhụ#đi, phủ đaư cứ chaư#mẳn, ꞌháu ꞌcọ ꞌva phủ ꞌnặn đảy sáng#bang. ꞌPi ꞌnọng ꞌcọ đảy#ꞌnghín, pú Dốp ꞌmưa ꞌláng [ꞌchớ đảy báp ꞌmo khổ#khốn], pú ꞌcọ cứ chaư#mẳn, ꞌlẹo ꞌpi ꞌnọng ꞌcọ đảy#ꞌhụ, lả sút ꞌmá Chảu Pua ꞌPhạ phủ pên Chảu Chom hảư pú Dốp đảy sáng#bang, ꞌpưa#ꞌva ꞌTan chảu ꞌmí chaư ín đu ꞌhặc ꞌpéng phủ ꞌcốn#lai.

12 ꞌPi ꞌnọng ꞌhặc ꞌpéng, cón mết#ꞌló, ꞌnhá đảy chao mang#săng,* báu#ꞌva ꞌchị ꞌphạ ꞌchị đin ꞌhứ#ꞌva ꞌnéo ứn ꞌmá chao mang tó#căn. ꞌMen lỏ ꞌva#ꞌmen, báu#ꞌmen lỏ#ꞌva báu#ꞌmen, ꞌpi ꞌnọng chắng ꞌchí báu#đảy chuốp#ꞌtội.

ꞌViạk đé so ꞌhọt Chảu Pua ꞌPhạ

13 ꞌVa phủ đaư cuông ꞌpứng ꞌpi ꞌnọng chuốp ꞌdạk#ꞌchá, ꞌcọ hảư phủ ꞌnặn đé so ꞌhọt Chảu Pua ꞌPhạ ꞌchoi#dưa. ꞌVa phủ đaư ꞌmuôn#ꞌmớng, ꞌcọ hảư phủ ꞌnặn khắp sỏng ꞌnhó ꞌTan#chảu. 14 ꞌVa phủ đaư cuông ꞌpứng ꞌpi ꞌnọng chếp#pên, ꞌcọ hảư phủ ꞌnặn ꞌmới ꞌpứng thảu ké phủ bớng đu ꞌsúm ꞌhốm Chảu ꞌGiê‑ꞌsu ꞌmá đé so Chảu Pua ꞌPhạ hảư#chảu, kéng au ꞌnặm ꞌmắn ꞌtá sáư ꞌtoi ꞌchư siêng ꞌGiê‑ꞌsu phủ pên Chảu#Chom. 15 ꞌVa sau ꞌmí chaư#ꞌchưa, ꞌmá đé so Chảu Pua#ꞌPhạ, phủ chếp ꞌnặn ꞌcọ ꞌchí hóm#đi, ꞌGiê‑ꞌsu phủ pên Chảu Chom ꞌchí ꞌdệt hảư ꞌmắn hảo#ꞌkhặn. ꞌVa phủ ꞌnặn hák đảy ꞌdệt ꞌnéo báp#ꞌsội, ꞌTan chảu ꞌcọ ꞌchí dáng ꞌdóm#hảư. 16 ꞌSướng ꞌnặn phủ đaư đảy ꞌdệt ꞌnéo báp ꞌsội ꞌcọ hảư ꞌvạu ꞌsư sú căn#ꞌphắng, ꞌlẹo đé so ꞌhọt Chảu Pua ꞌPhạ hảư căn ꞌpưa ꞌpứng chảu chắng ꞌchí đảy hóm#đi. ꞌChớ phủ đi ꞌmí ꞌmen đé so ꞌhọt Chảu Pua ꞌPhạ#ꞌnặn, ꞌquám sau ꞌmí phép nháư ꞌdệt hảư pên ók#đảy. 17 ꞌSướng pú Ê‑ꞌli‑da pang ꞌchạu ꞌcọ pên ꞌcốn ꞌsướng điêu#ꞌháu. Pú ꞌhún chaư đé so ꞌhọt Chảu Pua ꞌPhạ báu#hảư#phôn, ꞌlẹo phôn ꞌcọ báu#tốc đảy sam pi hốc#bươn. 18 ꞌLẹo pú Ê‑ꞌli‑da ꞌcọ đé so hảư phôn#máư, ꞌphạ ꞌdiến#phôn, phén đin ꞌcọ chắng ꞌmí khảu ꞌmạk mák#ꞌtứ.

19 ꞌPi ꞌnọng ꞌhặc ꞌpéng, ꞌva phủ đaư cuông ꞌpứng ꞌpi ꞌnọng hák lông phít sia ꞌluống ꞌtáng ꞌmen ꞌtẹ Chảu Pua#ꞌPhạ, ꞌlẹo ꞌmí phủ#ꞌnưng đảy ꞌchoi bók phủ lông phít ꞌnặn ꞌcứn#ꞌmá, 20 hảư ꞌpi ꞌnọng ꞌhụ#ꞌva, phủ đảy ꞌchoi bók ꞌcốn báp ꞌsội ꞌnặn ꞌváng sia ꞌluống#phít, ꞌcọ ꞌchí ꞌchoi hảư ꞌcốn báp ꞌsội ꞌnặn ók khói sia ꞌvến#tai, lai ꞌnéo báp ꞌsội Chảu Pua ꞌPhạ ꞌcọ ꞌchí dáng ꞌdóm hảư ꞌcốn báp ꞌsội#ꞌnặn.

*5:12 5:12 ꞌNhá đảy chao mang săng: Bớng nẳng ꞌMặt‑ꞌthai 5:34-37.