Tai Dam ꞌMa‑ꞌla‑cô 7

Chảu ꞌGiê‑ꞌsu chê ꞌluống ꞌhịt ꞌkhóng phít

1-4 ꞌToi ꞌhịt bản ꞌkhóng ꞌmướng pảu pú ꞌcốn ꞌI‑ꞌsa‑ên đảy ꞌchiến#ꞌmá, ꞌchí kin khảu ꞌchớ đaư ꞌcọ hảư ꞌmứ ꞌpẹk saư sia ꞌlẹo chắng đảy#kin. Mốt ꞌcốn phái ꞌPha‑ꞌli‑ꞌsai ꞌtếng#cá ꞌcốn ꞌDiu phaư ꞌcọ kin dú ꞌtoi ꞌhịt ꞌkhóng#ꞌnặn. ꞌChớ pay ꞌchợ#ꞌmá, sau ꞌcọ ꞌchọ suối ꞌmứ sia#cón, chắng ꞌcoi#kin. ꞌPứng ꞌhịt ꞌkhóng ꞌchiến ꞌmá hảư sau ꞌtoi ꞌnhắng ꞌmí lai khu lai ꞌnéo ứn#máư, ꞌsướng cốc#chók, mỏ#hay, áng#ꞌtóng, sau ꞌcọ ꞌlạng suối#sia.

ꞌChớ ꞌnặn mốt ꞌcốn phái ꞌPha‑ꞌli‑ꞌsai cắp ꞌsán ꞌsáy bók ꞌluột ꞌláng phủ đảy ꞌmá té ꞌmướng ꞌGiê‑ꞌlu‑ꞌsa‑ꞌlêm ꞌnặn ꞌcọ tảu ꞌhốm ỏm Chảu ꞌGiê‑ꞌsu. Sau hên mốt ꞌtoi ꞌtáng ꞌTan chảu ꞌmí ꞌcốn kin khảu báu#suối ꞌmứ ꞌtoi ꞌhịt ꞌkhóng#sau. 5 Sau chắng tham Chảu ꞌGiê‑ꞌsu ꞌva, “Pên ꞌsướng đaư mốt ꞌtoi ꞌtáng chảu ꞌmứ báu#ꞌpẹk báu#đi lỏ#kin khảu ꞌsịn#ꞌlế? ꞌDệt ꞌnéo ꞌnặn ꞌcọ phít ꞌhịt ꞌkhóng pảu pú ꞌháu đảy ꞌchiến ꞌmá#ꞌvạy.”

6 Chảu ꞌGiê‑ꞌsu tóp sau#ꞌva, “ꞌPứng chảu pên ꞌcốn nả ꞌsư chaư#ꞌcột, ꞌmen ꞌquám pú Ê‑ꞌsa‑da pang ꞌchạu đảy cáo ꞌvạy cón#ꞌva:

ꞌQuám Chảu Pua ꞌPhạ sắng ꞌmá son ꞌvạy

ꞌPứng ꞌcốn ꞌnị ꞌmặc sỏng ꞌnhó ꞌháu ꞌto khót pák

Hák ꞌva chaư sau lỏ#dú đắc háng ꞌháu.

7 Sau vảy ꞌsớ ha ꞌháu báu ꞌmí lởi#săng

ꞌPưa ꞌva sau bók son ꞌtoi ꞌquám sắng phủ ꞌcốn ꞌdệt ók.

8 ꞌPứng chảu đảy ꞌváng sia ꞌquám sắng Chảu Pua#ꞌPhạ, ꞌmí ꞌto ꞌkhớng ꞌdệt ꞌtoi ꞌhịt ꞌkhóng phủ ꞌcốn#thôi.”

9 Chảu ꞌGiê‑ꞌsu ꞌvạu sú sau tứm máư#ꞌva, “Đi lo#ꞌnọ, ꞌpứng chảu ꞌváng sia ꞌquám sắng khong Chảu Pua ꞌPhạ ꞌpưa ꞌdệt ꞌtoi ꞌhịt ꞌkhóng khong ꞌpứng chảu#thôi. 10 Sủ ꞌsướng pú ꞌMô‑ꞌsê ꞌmưa ꞌláng đảy sắng son ꞌquám Chảu Pua ꞌPhạ#ꞌva, ‘Hảư ꞌhụ nể dăm ải ꞌếm#chảu.’ ꞌLẹo ꞌvạu#máư, ‘Phủ đaư khớn mang ải ꞌếm#chảu, phủ ꞌnặn ꞌmí ꞌtội ꞌchọ#khả.’ 11 ꞌQuám Chảu Pua ꞌPhạ đảy sắng ꞌvạy ꞌsướng#ꞌnặn, hák ꞌpứng chảu lỏ#ꞌvạu ꞌsướng#ꞌnị: Phủ đaư ꞌvạu sú ải ꞌếm#ꞌva, sính khong ꞌchí ꞌchoi dưa ải ꞌếm ꞌnặn ꞌcọ pên khong dao hảư Chảu Pua ꞌPhạ#thôi, 12 mai ꞌva, báu#hảư phủ ꞌnặn ꞌchoi dưa ải#ꞌếm. 13 ꞌSướng ꞌnặn ꞌpứng chảu thỉm ꞌváng sia ꞌquám Chảu Pua ꞌPhạ ꞌpưa ꞌmá ꞌdệt ꞌtoi ꞌhịt ꞌkhóng ꞌpứng chảu đảy ꞌchiến#ꞌvạy. ꞌLẹo ꞌpứng chảu ꞌnhắng phít lai ꞌnéo ứn pék ꞌnặn#máư.”

ꞌNéo ꞌdệt hảư phủ ꞌcốn uối ꞌhại

14 ꞌLẹo Chảu ꞌGiê‑ꞌsu khék phen ꞌcốn ꞌtếng lai ꞌnặn ꞌmá#máư, chắng bók son sau#ꞌva, “ꞌPi ꞌnọng ꞌtếng lai#ꞌhới, hảư sáư chaư ꞌphắng au hảư đi#ꞌnớ, 15-16 Báu#ꞌmí ꞌnéo đaư dú ꞌtáng ꞌnọk tô phủ ꞌcốn kin khảu pay ꞌdệt hảư chảu uối ꞌhại#đảy. ꞌMí ꞌto ꞌpứng ꞌnéo dú ꞌtáng cuông phủ ꞌcốn ók ꞌmá chắng ꞌdệt hảư pên ꞌcốn uối ꞌhại#ꞌló.”

17 ꞌMưa Chảu ꞌGiê‑ꞌsu khảu pay cuông ꞌhướn sia sau#ꞌlẹo, mốt ꞌcốn ꞌtoi ꞌtáng ꞌTan chảu dú hẳn chắng so hảư ꞌTan chảu kẻ ꞌquám ꞌlặp ꞌlợc ꞌnặn ꞌva ꞌnéo#đaư. 18-19 Chảu ꞌGiê‑ꞌsu ꞌdiến chê sau#ꞌva, “ꞌPứng ꞌnọng ꞌcọ chaư ꞌmựt chaư tăn ꞌcợn#ꞌlế. ꞌPứng ꞌnọng ꞌcọ ꞌhụ#ꞌlẹo, ꞌpứng ꞌchương dú ꞌtáng ꞌnọk phủ#ꞌcốn, kin khảu cuông pum pay#ꞌlẹo, ꞌcọ pay ꞌqua ꞌnọk ók sia#thôi, báu#khảu pay cuông#chaư, chắng báu#ꞌdệt hảư phủ ꞌcốn uối ꞌhại đảy cá#đaư.”

Chảu ꞌGiê‑ꞌsu ꞌvạu ꞌsướng ꞌnặn ꞌcọ ꞌmen#ꞌva, ꞌchương kin ăn đaư ꞌcọ ꞌpẹk saư#mết. 20 ꞌTan chảu chắng đảy ꞌvạu máư#ꞌva, “ꞌPứng ꞌnéo dú ꞌtáng cuông phủ ꞌcốn ók ꞌmá chắng ꞌdệt hảư pên ꞌcốn uối#ꞌhại. 21 ꞌMắn pên té cuông chaư phủ ꞌcốn đảy ngắm ꞌpứng khu uối ꞌhại ók#ꞌmá, sủ#ꞌsướng, ꞌdệt phít ꞌviạk ꞌnhính#ꞌchái, ꞌlặc#ꞌlếm, khả#ꞌcốn, đỉn#ꞌchụ, 22 húp#huôi, ꞌdệt ꞌnéo ác#ꞌhại, ꞌcột#chan, ꞌlạ#ꞌlốm, hơng#ken, ꞌvạu uối#sáu, cảo#nháư, ꞌdệt ꞌnéo bảư ꞌchạ báu#đi báu#ꞌmen. 23 ꞌPứng khu uối ꞌhại ꞌnị ꞌmen dú cuông chaư phủ ꞌcốn ók ꞌmá ꞌdệt hảư phủ ꞌcốn uối ꞌhại#ꞌló.”

Phủ ꞌnhính táng ꞌmướng ꞌchưa nẻn Chảu ꞌGiê‑ꞌsu

24 Chảu ꞌGiê‑ꞌsu đảy ók sia bón hẳn pay cá phổng ꞌlố ꞌmướng Ti‑ꞌlô. ꞌTan chảu khảu pay ꞌhướn#ꞌnưng, báu#é hảư phaư#ꞌhụ, hák#ꞌva bắt dú ꞌcọ báu#đảy. 25-26 ꞌDiến ꞌmí ꞌme ꞌpá#ꞌnưng pên ꞌcốn phén đin ꞌPhoi‑ꞌni‑kê tỉnh ꞌSi‑ꞌlia, báu#ꞌmen ꞌcốn ꞌI‑ꞌsa‑ên. ꞌMe ꞌpá ꞌnặn ꞌmí ꞌlụk ꞌnhính ꞌnọi phi ꞌhại ꞌtứ ꞌmắn#dú. Đảy ꞌnghín kháo Chảu ꞌGiê‑ꞌsu, ꞌdiến ꞌmá múp ꞌlạy ꞌlống sáư tin ꞌTan#chảu, so ꞌTan chảu sắp phi ꞌtứ ꞌlụk ꞌnhính ꞌmắn ók sia#hảư. 27 Chảu ꞌGiê‑ꞌsu ꞌva, “Hảư ꞌlụk ꞌnọi kin ím#cón, [mai#ꞌva, ꞌchọ ꞌchoi ꞌcốn ꞌI‑ꞌsa‑ên cón], khảu ꞌchí hảư ꞌlụk kin ꞌnặn lỏ#au pay thỉm hảư ma ꞌnọi kin ꞌchí báu#pên#ꞌquá.”

28 ꞌMe ꞌpá ꞌnặn tóp#ꞌva, “ꞌTan chảu ꞌvạu ꞌsướng ꞌnặn ꞌcọ ꞌmen#lo. Hák#ꞌva ma ꞌnọi dú cỏng ꞌpán ꞌcọ đảy kin khảu ꞌlụk ꞌnọi ꞌdệt tốc#ꞌlống. [So ꞌchoi khỏi đé#ꞌná].”

29 Chảu ꞌGiê‑ꞌsu chắng bók ꞌme ꞌpá ꞌnặn#ꞌva, “Chảu ꞌcứn ꞌmứa ꞌhướn#ꞌnớ. ꞌDọn ꞌquám chảu tóp#ꞌnặn, phi ꞌcọ ók sia ꞌlụk chảu#ꞌlẹo.”

30 ꞌMe ꞌpá ꞌnặn chắng ꞌcứn ꞌmứa#ꞌhướn, ꞌcọ hên ꞌlụk ꞌnọi ꞌnón đi dú nẳng ꞌtếng#ꞌdướng, phi ꞌtứ ꞌcọ ꞌpai ók pay sia#ꞌlẹo.

Chảu ꞌGiê‑ꞌsu ꞌchoi ꞌcốn hu nuák kéng pák báu ꞌmong

31 Chảu ꞌGiê‑ꞌsu đảy ók sia phổng ꞌlố ꞌmướng Ti‑ꞌlô pay ꞌtáng ꞌmướng ꞌSi‑đôn, ỏm pay ꞌtáng phén đin Đê‑ca‑pô‑ꞌli, pay sú ꞌhím nong luông ꞌKha‑ꞌli‑ꞌlê. 32 ꞌMí ꞌcốn ꞌpá phủ#ꞌnưng hu nuák kéng pák báu#ꞌmong ꞌmá so ꞌTan chảu pông ꞌmứ sáư#ꞌmắn. 33 Chảu ꞌGiê‑ꞌsu ꞌdiến ꞌpá ꞌmắn ók pay đắc sia ꞌcốn ꞌtếng#lai, chắng au ꞌnịu ꞌmứ nhé hu#ꞌmắn, ꞌlẹo tít ꞌnặm sa‑ꞌlái sáư ꞌlịn#ꞌmắn. 34 ꞌTan chảu hen nả khửn#ꞌphạ, ꞌcháng ha chaư ꞌhí ók ꞌlẹo pák [ꞌquám ꞌDiu] sú ꞌcốn hu nuák ꞌnặn#ꞌva, “Ếp‑ꞌpha‑ꞌtha,” mai#ꞌva, “Khay#ók.”

35 ꞌCốn hu nuák ꞌdiến đảy ꞌnghín siểng#ók, ꞌlịn ꞌcọ ón ꞌlống pák ꞌmong#đảy. 36 Chảu ꞌGiê‑ꞌsu hảm ꞌpứng ꞌcốn ꞌnặn ꞌnhá ꞌvạu hảư phaư#ꞌhụ. Hák#ꞌva ꞌnhương#hảm, sau ꞌnhương páo pay lai#máư. 37 ꞌCốn ꞌtếng lai đảy ꞌnghín pên ꞌviạk lák#ꞌhêng, chắng đảy ổ căn#ꞌva, “ꞌTan phủ ꞌnị ꞌdệt săng ꞌcọ đảy đi#mết, ꞌcốn hu nuák chao hảư ꞌnghín siểng#ók, ꞌcốn ꞌngạk ꞌcọ hảư ꞌhụ pák ꞌmong#đảy.”