Tai Dam Nả ꞌviạk ꞌchí ꞌchọ pên ók 1

Chảu ꞌGiê‑ꞌsu bók hảư ꞌtan Dô‑ꞌhăn ꞌhụ

nả ꞌviạk ꞌchí ꞌchọ pên ók ꞌpái nả

1 Khót ꞌquám Chảu ꞌGiê‑ꞌsu ꞌKha‑ꞌlịt hảư ꞌhụ ók chẻng ꞌnị Chảu Pua ꞌPhạ hảư ꞌTan#chảu, ꞌpưa hảư ꞌpứng ꞌcốn ꞌkhớng nả ꞌviạk ꞌTan chảu ꞌhụ nả ꞌviạk ꞌchí ꞌchọ pên ók cuông ꞌdan chăm#ꞌnị. Chảu ꞌGiê‑ꞌsu ꞌchạư tiên ꞌchạư chăm ꞌmứ ꞌTan chảu ꞌlống ꞌmá bók Dô‑ꞌhăn phủ ꞌkhớng nả ꞌviạk ꞌTan chảu ꞌnặn#ꞌhụ. 2 ꞌTan Dô‑ꞌhăn phủ pên chứng ꞌchu ꞌnéo ꞌtan đảy ꞌhụ#hên, ꞌquám Chảu Pua ꞌPhạ ꞌtếng#cá nả ꞌviạk Chảu ꞌGiê‑ꞌsu ꞌKha‑ꞌlịt đảy bók son ꞌdệt#ók. 3 ꞌChốm ꞌmớng hảư phủ đaư đu ꞌpặp sư ꞌquám Chảu Pua ꞌPhạ ꞌtan Dô‑ꞌhăn tẻm ꞌchiến ꞌvạy ꞌnị cắp ꞌpứng ꞌcốn ꞌphắng ꞌlẹo ꞌdệt#ꞌtoi, ꞌpưa#ꞌva ꞌchớ ꞌchí pên ók chăm ꞌmá#ꞌlẹo.

Tham kháo ha mết ꞌsúm ꞌhốm Chảu ꞌGiê‑ꞌsu dú chết ꞌmướng

4 Khỏi ꞌchư Dô‑ꞌhăn, ꞌmí sư ꞌmá ha ꞌpi ꞌnọng cuông mốt ꞌsúm ꞌhốm Chảu ꞌGiê‑ꞌsu dú chết ꞌmướng tỉnh ꞌA‑ꞌsia. So hảư ꞌpi ꞌnọng đảy công#ꞌphún, đảy súc sáng bang chaư ꞌmá#té:

Chảu Pua ꞌPhạ phủ ꞌmí dú ꞌkhạy ꞌnị

hák ꞌmí té đaư té đai ꞌmá

ꞌlẹo ꞌmí dú ꞌmứa#nả

ꞌTếng chết khuôn dú tó nả ꞌtến Chảu Pua ꞌPhạ.

5 ꞌLẹo ꞌtếng#cá Chảu ꞌGiê‑ꞌsu ꞌKha‑ꞌlịt pên chứng ꞌnặm saư chaư#ꞌsư, pên phủ thứ#ꞌnưng đảy tai ꞌlẹo ꞌcứn ꞌhéng#ꞌmá, pên Chảu Chom ꞌpứng pua nẳng phén đin ꞌmướng#ꞌlum.

Chảu ꞌGiê‑ꞌsu ꞌhặc ꞌsúm#ꞌháu, ꞌchịu hảư ꞌlượt lay ók tháy au báp ꞌsội ꞌsúm#ꞌháu, 6 ꞌlẹo ꞌcọ ꞌdệt hảư ꞌsúm ꞌháu pên dên ꞌpay cuông ꞌhôm ꞌngáu ꞌTan#chảu, hảư pên mo vảy ꞌháu ꞌviạk Chảu Pua ꞌPhạ Phủ pên ꞌPo ꞌTan#chảu. Phép nháư ꞌhung ꞌhướng so hảư pên khong Chảu ꞌGiê‑ꞌsu ꞌKha‑ꞌlịt ꞌmứa nả ꞌlới#ꞌlới, ꞌa‑ꞌmen.*

7 Bớng#ꞌnớ, Chảu ꞌGiê‑ꞌsu ꞌlống ꞌmá ꞌtoi piếng#phả

ꞌChu ꞌcốn ꞌchí ꞌlé hên ꞌTan chảu

ꞌTếng#cá phủ ꞌténg sảng ꞌTan chảu é

ꞌChu ꞌphắn ꞌcốn nẳng ꞌtếng đin ꞌchí khék hảy ꞌpộ ꞌTan

ꞌChí pên ꞌnéo ꞌnặn ꞌtẹ lo, ꞌa‑ꞌmen.

8 Chảu Pua ꞌPhạ phủ pên Chảu Chom ꞌvạu#ꞌva: “ꞌHáu ꞌmen phủ hák ꞌmí dú té ꞌkhoẹk ꞌtạu#pai, phủ ꞌmí dú ꞌkhạy#ꞌnị, hák ꞌmí té đaư té đai#ꞌmá, ꞌlẹo ꞌmí dú ꞌmứa#nả, phủ ꞌmí phép nháư ꞌquiến luông ꞌsứa#mết.”

Chảu ꞌGiê‑ꞌsu ꞌKha‑ꞌlịt ók hảư ꞌtan Dô‑ꞌhăn hên

9 Khỏi ꞌchư Dô‑ꞌhăn, pên ꞌpi ꞌnọng ꞌhuôm ꞌviạk chuốp khổ báp#ꞌmo, ꞌhuôm pên dên ꞌpay cuông ꞌhôm ꞌngáu Chảu ꞌGiê‑ꞌsu, ꞌhuôm ꞌviạk cứ chaư mẳn ꞌtoi ꞌluống ꞌtáng ꞌTan#chảu. Khỏi chuốp pắt ꞌvạy dú đon Bắt‑ꞌmô ꞌpộ páo ꞌquám Chảu Pua ꞌPhạ ꞌtếng#cá nả ꞌviạk Chảu ꞌGiê‑ꞌsu đảy bók son ꞌdệt#ók. 10 Cuông ꞌmự ꞌhốm căn vảy ꞌháu Chảu Pua ꞌPhạ phủ pên Chảu#Chom, Chảu Khuôn Saư hảư khỏi ꞌlứm ꞌmo#pay, đảy ꞌnghín sương khék ꞌsướng sương#tút ꞌtáng lăng khỏi#ꞌva, 11 “Ăn đaư ꞌnọng hên ꞌnị hảư tẻm sáư#chỉa, ꞌlẹo ꞌhắm phák pay hảư ꞌpứng mốt ꞌsúm ꞌhốm ꞌtếng chết ꞌmướng#ꞌsướng:

ꞌMướng Ê‑ꞌphê‑ꞌsô

ꞌMướng ꞌSa‑ꞌmi‑ꞌna

ꞌMướng Pê‑ꞌkha‑ꞌmô

ꞌMướng ꞌThua‑tê‑ꞌla

ꞌMướng ꞌSa‑đê

ꞌMướng ꞌPhi‑ꞌla‑đên‑ꞌphia

Cắp ꞌmướng ꞌLao‑đi‑kia.”

12 Khỏi chắng ꞌngoại nả pay bớng phủ pák ꞌmá sáư ꞌnặn ꞌcọ ꞌdiến hên chết thản ꞌcắm tẳng#ꞌlén. 13 Dú cang ꞌchơng thản ꞌlén ꞌmí phủ#ꞌnưng pék ꞌsướng phủ#ꞌcốn, ꞌnung sửa ꞌhí cuôm ꞌhọt#tin, ꞌmí phải ꞌvá ꞌcắm ꞌhạng#ớc. 14 Phôm ꞌTan đón ꞌsướng khôn tô#ꞌdo ꞌhứ#ꞌva ꞌnhóng#phải. Ta ꞌTan ꞌhung lưởn ꞌsướng peo#ꞌpháy. 15 Tin ꞌTan lưởn ꞌsướng ꞌtóng đảy ló ꞌpẹk saư ꞌlẹo đảy ꞌchệt hảư#lưởn. Sương ꞌTan pák ók ꞌnắn ổ ổ ꞌsướng ꞌnặm tốc#tát. 16 ꞌMứ khoa ꞌTan khắm chết đuông#đao. ꞌMí đáp lem song ꞌcốm ók ꞌmá nẳng sốp#ꞌTan. Nả ꞌTan ꞌhung lưởn ꞌsướng ta ꞌvến đét khẻm ꞌnặn#lo.

17 ꞌMưa khỏi hên ꞌTan, khỏi ꞌdiến ꞌlộm ꞌlống ꞌchơng tin#ꞌTan, pên ꞌsướng ꞌcốn tai#ꞌlẹo. ꞌTan chắng au ꞌmứ khoa khắm tô khỏi lỏ#ꞌva: “ꞌNhá dản#săng. ꞌHáu ꞌmen phủ té ꞌkhoẹk kéng phủ lả#sút, 18 phủ ꞌmí ꞌchua ꞌlới#dú. ꞌHáu tai ꞌlẹo ꞌcứn ꞌhéng#ꞌmá, ꞌmí ꞌchua ꞌlới dú báu#sút báu#ꞌtún, ꞌmí phép ꞌquiến ꞌvến tai cắp đen#tai. 19 ꞌSướng ꞌnặn ăn đaư ꞌnọng hên ꞌviạk ꞌkhạy ꞌnị ꞌhứ#ꞌva ꞌviạk ꞌchí pên ók ꞌpái#nả, hảư tẻm ꞌchiến#ꞌvạy. 20 Ăn ꞌnị ꞌquám mai chết đuông đao ꞌnọng đảy hên nẳng ꞌmứ khoa#ꞌháu, kéng chết thản ꞌcắm tẳng ꞌlén ꞌnặn ꞌsướng#ꞌnị: Chết đuông đao ꞌmen ꞌlam ꞌchạư tang nả ꞌpứng mốt ꞌsúm ꞌhốm ꞌtếng chết#ꞌmướng, ꞌlẹo chết thản tẳng ꞌlén ꞌmen chết ꞌsúm ꞌhốm ꞌnặn#lo.”

*1:6 1:6 ꞌA‑ꞌmen, mai ꞌva, so hảư pên ꞌnéo#ꞌnặn.