1 སྤུན་ཟླ༌རྣམས། ད་ལྟ་བདག་གིས་སྔོན་ཆད་ཁྱོད་རྣམས་ལ་བསྒྲགས་མྱོང་བའི་འཕྲིན་བཟང་ཁྱོད་རྣམས་ཀྱིས་རྟོགས་དགོས་པ་དེ་སྨྲ་བར༌བྱ་སྟེ། འཕྲིན་བཟང་དེ་ནི་ཁྱོད་ཅག་གིས་དང་དུ་བླངས་ཤིང་དེ་ལ་བརྟེན་ནས་དད་པ་བརྟན་པོར་གནས༌པ་ཡིན་ནོ།། 2 བདག་གིས་བསྒྲགས་པའི་འཕྲིན་བཟང་དེ་ཉིད་ཁྱོད་རྣམས་ཀྱིས་རྒྱུན་འཁྱོངས་བྱས༌ན། འཕྲིན་བཟང་དེ་ལ་བརྟེན་ནས་ཁྱོད་ཅག་ལ་ཐར་པ་འཐོབ་ངེས༌ཤིང༌། དེ་ལྟར་མ་ཡིན༌ན། ཁྱོད་ཅག་གིས་དད་པ་བྱས་པར་སྙིང་པོ་མེད༌དོ།།

3 དེ་ཡང་སྔོན་ཆད་བདག་གིས་འཕྲིན་བཟང་གལ་ཆེན་དེ་ཉིད་དང་དུ་བླངས་ཤིང་ཁྱོད་རྣམས་ལའང་བསྒྲགས་མྱོང༌སྟེ། གསུང་རབ་ལས་གསུངས་པ༌བཞིན། སྐྱབས་མགོན་མཱ་ཤི་ཀ་ནི་བདག་ཅག་གི་སྡིག་པའི་ཕྱིར་སྐུ་གྲོངས༌ཤིང༌། 4 སྐུ་གདུང་དུར་དུ་བཅུག་པ་ཡིན། ཡང་གསུང་རབ་ལས་གསུངས་པ༌བཞིན། ཉིན་གསུམ་པར་ཁོང་ཉིད་སླར་གསོན་དུ་མཛད་པར་མ༌ཟད། 5 ཀེ་ཕཱ་ལ་མངོན་པར་མཛད་པ༌དང༌། དེ་ནས་སྐུ་ཚབ་པ་བཅུ་གཉིས་ལ་མངོན་པར་མཛད་དོ།། 6 དེའི༌རྗེས་སུ། དུས་གཅིག་ཏུ་སྤུན་ཟླ་ལྔ་བརྒྱ་ལྷག་ལ་མངོན་པར་མཛད༌ཅིང༌། རྗེས་འབྲང་པ་དེ་དག་ལས་འགའ་ཞིག་ཚེ་ལས་འདས༌ཀྱང༌། མང་ཤོས་ནི་ད་ལྟའི་བར་དུ་བཞུགས༌པ་ཡིན། 7 དེའི་རྗེས༌སུ། ཡ་ཀོབ་ལ་མངོན་པར་མཛད་པ༌དང༌། དེ་ནས་སྐུ་ཚབ་པ་ཐམས་ཅད་ལའང་མངོན་པར་མཛད་ཅིང་། 8 མཇུག་མཐར་བདག་ནི་སྐྱེ་རན་ལ་མ་ཐོན་པར་སྐྱེས་པའི་ཕྲུ་གུ་དང་མཚུངས་པར་བདག་ལའང་མངོན་པར་མཛད་དོ།། 9 བདག་གིས་སྔོན་ཆད་དཀོན་མཆོག་གི་ཆོས་ཚོགས་ལ་གཉའ་གནོན་བྱས་མྱོང༌བས། བདག་ནི་སྐུ་ཚབ་པ་ཐམས་ཅད་ལས་ཆེས་ཆུང་བ་ཡིན༌ལ། སྐུ་ཚབ་པ་ཞེས་པའི་མིང་ཡང་ཐོགས་མི་འོས་སོ།། 10 འོན༌ཀྱང༌། ད་ལྟ་བདག་མི་ཅི་ལྟ་བུ་ཞིག་ཏུ་གྱུར་པ་ནི་དཀོན་མཆོག་གི་ཐུགས་རྗེའི་དབང་གིས་ཡིན༌ལ། ཁོང་གིས་བདག་ལ་གནང་བའི་ཐུགས་རྗེ་ནི་སྙིང་པོ་མེད་པ་ཞིག་མིན༌ཏེ། བདག་གིས་སྐུ་ཚབ་པ་གཞན་དག་ལས་ཀྱང་ངལ་དུབ་མང་པོ་མྱངས། དོན་དམ་དུ་ང་རང་མིན༌ཏེ། དཀོན་མཆོག་གི་ཐུགས་རྗེ་བདག་དང་ལྷན་དུ་གནས་པ་ལགས། 11 བདག་དང་སྐུ་ཚབ་པ་གཞན་སུ་ཞིག་ཡིན༌ཡང༌། ངེད་ཅག་གིས་དེ་ལྟར་ཆོས་བསྒྲགས་ཤིང་ཁྱོད་རྣམས་ཀྱིས་ཀྱང་དེ་ལྟར་དད་པ་བྱས༌སོ།།

12 དེ་ཡང་སྐྱབས་མགོན་མཱ་ཤི་ཀ་ནི་སྐུ་གྲོངས་པ་ནས་སླར་གསོན་པ་ཡིན་ཞེས་སྒྲོག་བཞིན་ཡོད༌ན། ཁྱོད་ཅག་གི་ཁྲོད་དུ་མི་ཁ་ཤས་ཀྱིས་གཤིན་པོ་རྣམས་སླར་གསོན་པར་འགྱུར་བའི་དོན་དེ་མེད་ཟེར་བ༌ཅི། 13 གལ༌ཏེ། གཤིན་པོ་རྣམས་སླར་གསོན་པར་མི་འགྱུར༌ན། སྐྱབས་མགོན་མཱ་ཤི་ཀའང་སླར་གསོན་པ་མིན། 14 སྐྱབས་མགོན་མཱ་ཤི་ཀ་སླར་གསོན་པ་མིན༌ན། ངེད་ཅག་གིས་ཆོས་སྒྲོག་པར་སྙིང་པོ་མེད༌ཅིང༌། ཁྱོད་ཅག་གིས་དད་པ་བྱས་པ་ལའང་སྙིང་པོ་མེད་དོ།། 15 ད་དུང་གཤིན་པོ་རྣམས་སླར་གསོན་པར་མི་འགྱུར་ཞེས་པ་དེ་བདེན་པ་ཡིན་ན། དཀོན་མཆོག་གིས་ཀྱང་སྐྱབས་མགོན་མཱ་ཤི་ཀ་སླར་གསོན་པར་མཛད་པ་མིན༌ལ། དཀོན་མཆོག་གིས་སྐྱབས་མགོན་མཱ་ཤི་ཀ་སླར་གསོན་པར་མཛད་པ་ལ་ངེད་ཅག་གིས་བདེན་དཔང་བྱས༌པས། ངེད་ཅག་ནི་དཀོན་མཆོག་ལ་རྫུན་གྱི་དཔང་པོ་བྱེད་མཁན་ཡིན་པ་གསལ་པོར་མངོན། 16 རྒྱུ་མཚན་ནི་གཤིན་པོ་རྣམས་སླར་གསོན་པ་མིན༌ན། སྐྱབས་མགོན་མཱ་ཤི་ཀའང་སླར་གསོན་པ་མ་ཡིན་པའི་ཕྱིར༌རོ།། 17 གལ༌ཏེ། སྐྱབས་མགོན་མཱ་ཤི་ཀ་སླར་གསོན་པ་མིན༌ན། ཁྱོད་ཅག་གིས་དད་པ་བྱས་པར་སྙིང་པོ་མེད༌ཅིང༌། ཁྱོད་རྣམས་ནི་ད་དུང་སྡིག་པའི་ནང་དུ་ཡོད༌དེ། 18 སྐྱབས་མགོན་མཱ་ཤི་ཀའི་དད་ལྡན་འདས་པོ་རྣམས་འཇིག༌པ་ཡིན་ནོ།། 19 གལ༌ཏེ། བདག་ཅག་གིས་ཚེ་འདི་ཁོ་ནའི་ཆེད་དུ་སྐྱབས་མགོན་མཱ་ཤི་ཀར་སྐྱབས་སུ་བཅོལ་བ་ཡིན༌ན། མི་ཐམས་ཅད་ལས་ཀྱང་བདག་ཅག་སྙིང་རེ༌རྗེའོ།།

20 འོན༌ཀྱང༌། སྐྱབས་མགོན་མཱ་ཤི་ཀ་སྐུ་གྲོངས་པ་ནས་སླར་གསོན༌ཏེ། དད་ལྡན་འདས་པོ་རྣམས་ཀྱི་འབྲས་བུ་ཐོག་མར་གྱུར་པ་ཡིན་ནོ།། 21 དེ་ཡང་མི་གཅིག་གི་རྐྱེན་ལས་འཆི་བ་བྱུང་བ༌བཞིན། མི་གཅིག་གི་རྐྱེན་ལས་གཤིན་པོ་རྣམས་སླར་གསོན་པའི་དོན་དེའང་བྱུང་སྟེ། 22 ཨ་དམ་བརྒྱུད་ནས་མི་ཐམས་ཅད་ཤི་བ༌ལྟར། སྐྱབས་མགོན་མཱ་ཤི་ཀ་བརྒྱུད་ནས་མི་ཐམས་ཅད་སླར་གསོན་པར་འགྱུར་ངེས༌ཡིན། 23 འོན༌ཀྱང༌། མི་ཐམས་ཅད་ནི་རིམ་པ་ལྟར་སླར་གསོན་ངེས༌ཏེ། འབྲས་བུ་ཐོག་མར་གྱུར་པ་ནི་སྐྱབས་མགོན་མཱ་ཤི་ཀ་ལགས༌ཤིང༌། ཕྱིས་སུ་ཁོང་ཉིད་ཕེབས་ཡོང་བའི་དུས་སུ། ཁོང་ལ་གཏོགས་པ་རྣམས་སླར་གསོན་པར་འགྱུར་ངེས༌ཡིན། 24 དེའི་རྗེས༌སུ། སྐྱབས་མགོན་མཱ་ཤི་ཀས་སྲིད་འཛིན་མཁན༌དང༌། དབང་འཛིན༌མཁན། ནུས་མཐུ་ཅན་ཐམས་ཅད་ཕམ་པར་མཛད༌དེ། རྒྱལ་སྲིད་དེ་ཉིད་ཡབ་དཀོན་མཆོག་ལ་འབུལ་བའི་སྐབས་སུ་མཐའ་མའི་དུས་ལ་སླེབས་པ་ཡིན། 25 ཅིའི་ཕྱིར་ཞེ་ན། དཀོན་མཆོག་གིས་དགྲ་བོ་ཐམས་ཅད་སྐྱབས་མགོན་མཱ་ཤི་ཀའི་ཞབས་འོག་ཏུ་གནོན་པའི་བར༌དུ། ཁོང་ཉིད་རྒྱལ་པོར་བཞུགས་པའི་ཕྱིར༌རོ།། 26 ཆེས་མཐའ་མར་མེད་པར་མཛད་པའི་དགྲ་བོ་ནི་འཆི་བ་ཡིན། 27 དེ་ལ་གསུང་རབ་ཀྱི་མདོ་ལས་ཇི་སྐད༌དུ། དཀོན་མཆོག་གིས་འཇིག་རྟེན་གྱི་དངོས་པོ་ཐམས་ཅད་ཁོང་གི་ཞབས་འོག་ཏུ་གནོན་པར་མཛད་ཅེས་གསུངས་པས། དངོས་པོ་ཐམས་ཅད་ཁོང་གི་ཞབས་འོག་ཏུ་གནོན་པར་མཛད་མཁན་དཀོན་མཆོག་ནི་དེའི་ནང་དུ་མི་འདུས་སོ།། 28 འཇིག་རྟེན་གྱི་དངོས་པོ་ཐམས་ཅད་ནི་སྐྱབས་མགོན་མཱ་ཤི་ཀའི་དབང་དུ་གཏོགས༌ཤིང༌། དེའི་དུས༌སུ། དཀོན་མཆོག་གི་སྲས་རང་ཉིད་ཀྱང་དངོས་པོ་ཐམས་ཅད་དབང་དུ་སྡུད་མཁན་དཀོན་མཆོག་གི་དབང་དུ་གཏོགས་པར་འགྱུར༌ཏེ། དཀོན་མཆོག་ནི་དངོས་པོ་ཐམས་ཅད་ལས་བླ་ན་མཐོ་ཞིང༌། དངོས་པོ་ཐམས་ཅད་ཀྱི་བདག་པོར་འགྱུར་བའི་ཕྱིར༌རོ།།

29 དེ་ལྟར་མ་ཡིན༌ན། འདས་པོ་རྣམས་ལ་ཁྲུས་གསོལ་བྱེད་མཁན་དག་ *ཡེ་ཤུའི་ཆོས་ལུགས་སུ་འདས་པོ་རྣམས་ལ་ཁྲུས་གསོལ་བྱེད་པའི་སྲོལ་མེད་མོད། དེ་ནི་སྐབས་དེའི་ཀོ་རིན་ཐུ་པ་རྣམས་ཀྱི་ལོག་པའི་ལུགས་སྲོལ་ཡིན་པར་གོ་དགོས། གིས་མ་འོངས་པར་ཅི་བྱེད༌དམ། འདས་པོ་རྣམས་དངོས་གནས་སླར་མ་གསོན༌ན། ཅིའི་ཕྱིར་དེ་རྣམས་ལ་ཁྲུས་གསོལ་བྱེད༌དམ། 30 ཅིའི་ཕྱིར་ངེད་ཅག་གིས་རྒྱུན་དུ་ཉེན་ཁར་ཁ་གཏོད༌དམ། 31 སྤུན་ཟླ༌རྣམས། ངས་བདག་ཅག་གི་གཙོ་བོ་མཱ་ཤི་ཀ་ཡེ་ཤུར་བརྟེན༌ནས། ཁྱོད་ཅག་གི་སྐོར་ལ་བསྔགས་བརྗོད་བྱས་པས། བདག་ནི་ཉིན་རེ་བཞིན་འཆི་བའི་ཉེན་ཁར་ཕྲད་ཡོད་ཅེས་བདེན་དཔང་བྱེད་པའོ།། 32 བདག་ནི་མི་ཕལ་བ་བཞིན་དུ་ཨེ་ཕེ་སི་ནས་གཅན་གཟན་དང་འཐབ༌ན། བདག་ལ་ཕན་ཐོགས་ཅི་ཡོད༌དམ། འདས་པོ་རྣམས་སླར་གསོན་པ་མིན༌ན། དེ་ལ་ཇི་སྐད་དུ།

35 འདས་པོ་རྣམས་ཅི་ལྟར་སླར་གསོན་པར་འགྱུར༌རམ། དེ་དག་གིས་ལུས་པོ་ཅི་ལྟ་བུ་ཞིག་ཁྱེར་ཡོང་ངམ་ཞེས་འདྲི་མཁན་ཡོད་སྲིད་ཅིང་། 36 ཀྱེ། བླུན་པོ༌ཁྱོད། ཁྱོད་ཀྱིས་བཏབ་པའི་ས་བོན་ནི་འཆི་བར་མ་གྱུར་ན་སྐྱེ་བར་མི་འགྱུར་རོ།། 37 ཁྱོད་ཀྱིས་བཏབ་པ་ནི་མ་འོངས་པར་སྐྱེ་བར་འགྱུར་བའི་གཟུགས་དེ་མིན༌ལ། གྲོའམ་འབྲུ་རིགས་གཞན་ལ་སོགས་པའི་འབྲུ་རྡོག་ཙམ་ཡིན། 38 འོན༌ཀྱང༌། དཀོན་མཆོག་གིས་རང་ཉིད་ཀྱི་ཐུགས་དགོངས་བཞིན་ས་བོན་དེ་ལ་གཟུགས་དབྱིབས་གནང་བ༌དང༌། འབྲུ་རྡོག་རེ་རེར་རང་རང་གི་གཟུགས་དབྱིབས་ཡོད་པར་མཛད་དོ།། 39 ལུས་ཕུང་ཐམས་ཅད་མི་འདྲ༌སྟེ། མི༌དང༌། ཕྱུགས་ཟོག འདབ༌ཆགས། ཉ་བཅས་ནི་རྣམ་པ་མི་འདྲ་བ་རེ་རེ་ཡིན། 40 ནམ་མཁའི་གཟུགས་དབྱིབས་ཡོད་པ༌དང༌། ས་གཞིའི་གཟུགས་དབྱིབས་ཀྱང་ཡོད། འོན༌ཀྱང༌། ནམ་མཁའི་གཟུགས་དབྱིབས་ཀྱི་གཟི་འོད་ནི་སྣ་གཅིག་ཡིན་ལ། ས་གཞིའི་གཟུགས་དབྱིབས་ཀྱི་གཟི་འོད་ཀྱང་སྣ་གཅིག་ཡིན། 41 ཉི་མ་ལ་ཉི་མའི་གཟི་འོད་ཡོད་པ༌དང༌། ཟླ་བ་ལ་ཟླ་བའི་གཟི་འོད་ཡོད༌ལ། སྐར་མ་ལ་སྐར་མའི་གཟི་འོད་ཡོད༌དེ། སྐར་མ་སོ་སོའི་གཟི་འོད་ལའང་ཁྱད་པར་ཡོད༌དོ།།

42 གཤིན་པོ་རྣམས་སླར་གསོན་པར་འགྱུར་བའང་དེ་བཞིན༌ཏེ། ས་འོག་ཏུ་བཅུག་པ་ནི་ངེས་པར་འཇིག་སྲིད༌ཅིང༌། སླར་གསོན་པའི་ལུས་པོ་ལ་འཇིག་པ་མེད་དོ།། 43 ས་འོག་ཏུ་བཅུག་པ་ནི་ངོ་གནོང་བ་ཡིན༌ཞིང༌། སླར་གསོན་པའི་ལུས་པོར་གཟི་བརྗིད་ལྡན་ལ། ས་འོག་ཏུ་བཅུག་པ་ཉམ་ཐག༌ཅིང༌། སླར་གསོན་པའི་ལུས་པོར་སྟོབས་དང་ལྡན་ནོ།། 44 ས་འོག་ཏུ་བཅུག་པ་ནི་ཤ་ཁྲག་གི་ཕུང་བོ་ཡིན༌ཞིང༌། སླར་གསོན་པའི་ལུས་པོ་ནི་སེམས་ཉིད་ཀྱི་ལུས་པོ་ཡིན། ཤ་ཁྲག་གི་ལུས་པོ་ཡོད་ན། སེམས་ཉིད་ཀྱི་ལུས་པོའང་ཡོད་ངེས་པ་ཡིན་ནོ།། 45 དེའི༌ཕྱིར། གསུང་རབ་ཀྱི་མདོ་ལས་ཇི་སྐད༌དུ། མིའི་ཐོག་མ་ཨ་དམ་ནི་སྲོག་དང་ལྡན་པའི་མི་ཞིག་ཏུ་གྱུར་པ་ཡིན་ཞེས་བཀོད་ཡོད། ཨ་དམ་ཕྱི་མ་སྟེ་སྐྱབས་མགོན་ཡེ་ཤུ་ནི་མི་རྣམས་གསོན་པར་མཛད་པའི་ཐུགས་ཉིད་ཅིག་ཏུ་གྱུར༌པ་ཡིན། 46 འོན༌ཀྱང༌། སེམས་ཉིད་ཡིན་པ་དེ་ནི་སྔ་མ་མིན༌ཏེ། ཤ་ཁྲག་ཡིན་པ་དེ་ནི་སྔ་མ་ཡིན༌ཞིང༌། ཕྱིས་སུ་སེམས་ཉིད་ཡིན་པ་དེ་ཉིད་བྱུང༌བ་ཡིན། 47 མིའི་ཐོག་མ་དེ་ནི་ས་ལས་བཟོས་ཤིང་ས་ལ་གཏོགས༌པ་དང་། མི་ཕྱི་མ་དེ་ནི་ནམ་མཁའི་ཞིང་ཁམས་ནས་བྱོན༌པ་ཡིན། 48 ས་ལ་གཏོགས་པ་དེ་ནི་ཅི་འདྲ་ཡིན༌ན། ས་ལ་གཏོགས་པའི་མི་ཐམས་ཅད་ཀྱང་དེ་ལྟར་ཡིན༌ལ། ནམ་མཁའི་ཞིང་ཁམས་ལ་གཏོགས་པ་ནི་ཅི་འདྲ་ཡིན༌ན། ནམ་མཁའི་ཞིང་ཁམས་ལ་གཏོགས་པའི་མི་ཐམས་ཅད་ཀྱང་དེ་ལྟར་ཡིན། 49 བདག་ཅག་ས་ལ་གཏོགས་པའི་གཟུགས་དབྱིབས་དང་ལྡན༌པས། མ་འོངས་པར་ནམ་མཁའི་ཞིང་ཁམས་ལ་གཏོགས་པའི་གཟུགས་དབྱིབས་ཀྱང་ངེས་པར་ཡོད་སྲིད༌དོ།།

50 སྤུན་ཟླ༌རྣམས། བདག་གིས་ཁྱོད་རྣམས་ལ་སྨྲ་བར་བྱ༌སྟེ། ཤ་ཁྲག་གི་ཕུང་བོར་དཀོན་མཆོག་གི་རྒྱལ་སྲིད་འཐོབ་མི་སྲིད༌ལ། ངེས་པར་འཇིག་སྲིད་པ་ལ་འཇིག་པ་མེད་པ་དེའང་འཐོབ་མི་སྲིད། 51 ལྟོས༌དང༌། ད་ལྟ་བདག་གིས་ཁྱོད་རྣམས་ལ་གསང་བའི་དོན་ཞིག་སྨྲ་བར༌བྱ། བདག་ཅག་ཐམས་ཅད་འཆི་བར་འགྱུར་བ་མིན༌ཏེ། 52 མཇུག་མཐའི་དུང་སྒྲ་གྲགས་པའི་དུས༌སུ། སྐད་ཅིག་མའམ་མིག་རྡེབ་དབང་ཙམ་ལ་བདག་ཅག་ཐམས་ཅད་ཀྱི་ལུས་པོ་འགྱུར་ངེས༌སོ།། དུང་སྒྲ་དེ་གྲགས་པ་དང་། འདས་པོ་རྣམས་སླར་གསོན་པར་མཛད་ཅིང་ནམ་ཡང་འཇིག་པར་མི་འགྱུར༌ཏེ། བདག་ཅག་གི་ལུས་པོའང་འགྱུར་ངེས་ཡིན། 53 འཇིག་པར་འགྱུར་བའི་ལུས་པོ་འདི་ཡིས་ནམ་ཡང་འཇིག་པ་མེད་པ་གྱོན་དགོས་ཤིང༌། འཆི་བར་འགྱུར་བའི་ལུས་པོ་འདི་ཡིས་ནམ་ཡང་འཆི་བ་མེད་པ་གྱོན་དགོས་སོ།། 54 ཡང་འཇིག་པར་འགྱུར་བའི་ལུས་པོ་འདི་ཡིས་ནམ་ཡང་འཇིག་པ་མེད་པ་གྱོན་པ་དང་། འཆི་བར་འགྱུར་བའི་ལུས་པོ་འདི་ཡིས་ནམ་ཡང་འཆི་བ་མེད་པ་གྱོན་པའི་ཚེ། གསུང་རབ་ཀྱི་མདོ་ལས་ཇི་སྐད༌དུ།

58 དེའི༌ཕྱིར། བདག་གི་སྙིང་ཉེ་བའི་སྤུན་ཟླ༌རྣམས། ཁྱོད་རྣམས་ངེས་པར་འགྱུར་མེད་བརྟན་པོར་སྡོད་པར༌གྱིས། གཙོ་བོའི་ནང་དུ་སྒྲུབ་པའི་ངལ་བའི་ལས་ནི་དོན་མེད་དུ་མི་འགྱུར་བ་ཤེས་པ་བཞིན། ཁྱོད་ཅག་གིས་གཙོ་བོའི་ལས་དོན་འབད་པས་སྒྲུབས་ཤིག །