1 དེ་ནས་ཕོལ་ལོལ་དང་སི་ལཱ་གཉིས་ཨམ་ཕི་པོ་ལི་དང་ཨ་པོལ་ལོན་ཡཱ་བརྒྱུད་ནས་ཐེ་སཱ་ལོ་ནེ་ཀེ་རུ་ཕྱིན་པ༌དང༌། དེ་རུ་ཡ་ཧུ་དཱ་པའི་ཆོས་ཁང་ཞིག་ཡོད༌ལ། 2 ཕོལ་ལོལ་ནི་རང་གི་རྒྱུན་གྱི་གོམས་སྲོལ་ལྟར་ཆོས་ཁང་དེར་ཕེབས༌ཤིང༌། ངལ་གསོ་བའི་ཉིན་མོ་གསུམ་ལ་བསྟུད་མར་གསུང་རབ་ལ་བརྟེན་ནས་མི་དེ་རྣམས་ལ་རྩོད་གླེང་བྱས་པ༌དང༌། 3 སྐྱབས་མགོན་མཱ་ཤི་ཀས་ངེས་པར་སྡུག་བསྔལ་མྱངས༌ཤིང༌། སྐུ་གྲོངས་པ་ནས་སླར་གསོན་པའི་སྐོར་འགྲེལ་བཤད་བྱས་པ་དང་རྒྱུ་མཚན་བསྟན་ཏེ་ཡང་འདི་སྐད༌དུ། ངས་ཁྱོད་རྣམས་ལ་སྨྲས་པའི་ཡེ་ཤུ་ཞེས་པ་འདི་ནི་སྐྱབས་མགོན་མཱ་ཤི་ཀ་ཡིན་ཞེས་གསུངས་སོ།། 4 མི་དེ་རྣམས་ལས་འགའ་ཞིག་ལ་སེམས་འགུལ་ཐེབས་ནས་ཕོལ་ལོལ་དང་སི་ལཱ་གཉིས་ཀྱི་རྗེས་སུ་འབྲངས་པ་དང་། གཞན་ཡང་དཀོན་མཆོག་ལ་དད་གུས་ཆེ་བའི་གྷི་རིག་པ་མང་པོ༌དང༌། བཀུར་འོས་པའི་བུད་མེད་ཀྱང་མི་ཉུང་བ་ཞིག་ཡོད་དོ།།

5 འོན༌ཀྱང༌། ཡ་ཧུ་དཱ་པ་རྣམས་ཕྲག་དོག་སྐྱེས་ནས་ཁྲོམ་སྲང་གི་མི་ངན་འགའ་བསྡུས་ཤིང་དཔུང་ཁག་བསྒྲིགས༌ཏེ། གྲོང་ཁྱེར་དེ་ལ་ཟིང་ཆ་བཟོས་པ་དང་ཡཱ་སོན་གྱི་ཁྱིམ་དུ་བཙན་གྱིས་འཛུལ༌ཏེ། ཕོལ་ལོལ་དང་སི་ལཱ་གཉིས་བཙན་བཟུང་བྱས་ནས་མི་རྣམས་ཀྱི་མདུན་དུ་འཁྲིད་འདོད༌ཀྱང༌། 6 ཁོང་གཉིས་བཙལ་ནས་མ་རྙེད་པས་ཡཱ་སོན་དང་སྤུན་ཟླ་ཁ་ཤས་བཟུང༌སྟེ། གྲོང་ཁྱེར་དེའི་དཔོན་རིགས་དག་གི་མདུན་དུ་བཙན་ཁྲིད་བྱས་ཏེ་སྐད་ཆེན་པོས་འདི་ལྟར་སྨྲས༌པ། གནམ་འོག་ཀུན་དཀྲུགས་པར་བྱེད་པའི་མི་དེ་རྣམས་རང་རེའི་ཡུལ་འདི་ལའང་སླེབས༌ཤིང༌། 7 ཡཱ་སོན་ཟེར་བ་འདིས་མི་དེ་རྣམས་ལ་སྣེ་ལེན་བྱས་ཏེ་སྡོད་དུ་བཅུག༌པ་རེད། མི་འདི་ཐམས་ཅད་སེ་བཟིར་གྱི་བཀའ་དང་འགལ༌ནས། ཡེ་ཤུ་བྱ་བའི་རྒྱལ་པོ་གཞན་ཞིག་ཡོད་ཟེར་ཞེས༌པའོ།། 8 དེ་ནས་མི་ཚོགས་དང་གྲོང་ཁྱེར་དེའི་དཔོན་རིགས་རྣམས་ཀྱིས་གཏམ་དེ་ཐོས་པ་དང་སེམས་འཁྲུགས་པར་གྱུར༌པས། 9 ཡཱ་སོན་དང་མི་གཞན་རྣམས་ལས་གཏའ་མ་བླངས་ཏེ་ཁོ་རྣམས་ཕྱིར་བཏང༌ངོ༌།།

10 དེ་ནས་སྤུན་ཟླ་རྣམས་ཀྱིས་མཚན་མོའི་དུས་ལ་སླེབས་མ་ཐག་ཕོལ་ལོལ་དང་སི་ལཱ་གཉིས་པུ་རེ་ཡཱ་རུ་འགྲོ་བར་བཅུག་གོ། ཁོང་གཉིས་གནས་དེར་སླེབས་པ་དང་ཡ་ཧུ་དཱ་པའི་ཆོས་ཁང་དུ་ཕྱིན༌ཅིང་། 11 གནས་འདིའི་མི་རྣམས་ནི་ཐེ་སཱ་ལོ་ནེ་ཀེའི་མི་རྣམས་དང་བསྡུར༌ན་སེམས་རྒྱ་ཆེ་བ་དང་། དཀོན་མཆོག་གི་བཀའ་ལ་མཉན་པར་ཤིན་ཏུ་དགའ༌ཞིང༌། ཉིན་རེ་བཞིན་ཕོལ་ལོལ་གྱིས་གསུངས་པ་དེ་ནི་གསུང་རབ་དང་མཐུན་མིན་ལ་བརྟག་ཅིང་དཔྱོད་པ་རེད། 12 དེ་བས་ཁོ་རྣམས་ལས་མི་མང་པོ་ཞིག༌དང༌། གྷི་རིག་གི་མི་རིགས་ལས་བཀུར་འོས་པའི་བུད་མེད་དང་སྐྱེས་པ་འགའ་ཤས་ཀྱང་དད་པར་གྱུར་ཏོ།། 13 འོན༌ཀྱང༌། ཐེ་སཱ་ལོ་ནེ་ཀེ་ཞེས་པའི་ཡ་ཧུ་དཱ་པ་རྣམས་ཀྱིས་ཕོལ་ལོལ་གྱིས་པུ་རེ་ཡཱ་རུའང་དཀོན་མཆོག་གི་བཀའ་སྒྲོག་བཞིན་པ་ཤེས༌ཏེ། ཡང་གནས་དེར་སོང་ནས་མི་ཚོགས་ལ་ངན་སྐུལ་བྱས་ཤིང་ཟིང་ཆ་བཟོས་སོ།། 14 དེ་ནས་སྤུན་ཟླ་རྣམས་ཀྱིས་ཕོལ་ལོལ་རྒྱ་མཚོའི་འགྲམ་དུ་བསྐྱལ་བ༌དང༌། སི་ལཱ་དང་ཐི་མོ་ཐེ་གཉིས་སྔར་བཞིན་པུ་རེ་ཡཱ་རུ་བསྡད། 15 དེ་ཡང་སྐྱེལ་མ་བྱེད་མཁན་རྣམས་ཀྱིས་ཕོལ་ལོལ་བྱ་བ་ཡ་ཏེན་དུ་བསྐྱལ་བ་དང་། ཕོལ་ལོལ་གྱིས་སི་ལཱ་དང་ཐི་མོ་ཐེ་གཉིས་ཀྱང་མྱུར་དུ་ཁོང་གི་དྲུང་དུ་ཡོང་དགོས་པའི་བཀའ་གནང་ཞིང་སྐྱེལ་མ་རྣམས་ཕྱིར་ལོག༌གོ།

16 དེ་ཡང་ཕོལ་ལོལ་གྱིས་ཡ་ཏེན་དུ་སི་ལཱ་དང་ཐི་མོ་ཐེ་གཉིས་ལ་སྒུག་པའི་དུས༌སུ། གྲོང་ཁྱེར་ཡོངས་སུ་ལྷ་སྐུ་སྣ་ཚོགས་ཀྱིས་གང་ཡོད་པ་མཐོང་སྟེ་སེམས་འཁྲུག་པར་གྱུར༌པས། 17 ཡ་ཧུ་དཱ་པའི་ཆོས་ཁང་ནས་ཡ་ཧུ་དཱ་པ་དང་དཀོན་མཆོག་ལ་དད་གུས་ཡོད་པའི་ཕྱི་ཕྱོགས་པ༌དང༌། གཞན་ཡང་ཉིན་རེ་བཞིན་ཁྲོམ་སྲང་ནས་ཕྲད་པའི་མི་རྣམས་ལ་རྩོད་གླེང་བྱས་སོ།། 18 ཡང་གནས་དེར་ཨེ་པི་ཀུར་དང་སི་ཏོ་ཀེ་ཞེས་གྲགས་པའི་མཚན་ཉིད་རིག་པའི་གྲུབ་མཐའི་ལྟ་བ་འཛིན་མཁན་འགའ་ཞིག་གིས་ཕོལ་ལོལ་ལ་རྩོད་གླེང་འདི་ལྟར་བྱས་པ༌སྟེ། ལ་ལ་ན༌རེ། མི་བཤད་དགུ་བཤད་བྱེད་མཁན་འདིས་ཅི་སྨྲའམ་ཞེས་ཟེར་བ༌དང༌། ཡང་ལ་ལ་ན༌རེ། ཁོས་ཕལ་ཆེར་ཕྱི་ཕྱོགས་ཀྱི་ལྷའི་སྐོར་སྨྲ་བ་རེད་ཅེས་སྨྲས་སོ།། དེ་ནི་ཕོལ་ལོལ་གྱིས་སྐྱབས་མགོན་ཡེ་ཤུ་དང་ཁོང་གྲོངས་པ་ནས་སླར་གསོན་པའི་སྐོར་གྱི་ཆོས་བསྒྲགས་པའི་རྐྱེན་ཡིན་ནོ།། 19 དེ་ནས་མི་དེ་རྣམས་ཀྱིས་ཕོལ་ལོལ་ཁོང་ཉིད་ཨེ་རུ་ཕ་ཀའོ་ཚོགས་པ་དེར་ཁྲིད་དེ་ན༌རེ། ཁྱོད་ཀྱིས་སྨྲ་བཞིན་པའི་ལྟ་བ་གསར་པ་འདི་དག་ངེད་ཅག་གིས་ཤེས་རུང༌ངམ། 20 རྒྱུ་མཚན་ནི་ཁྱོད་ཀྱི་ངོ་མཚར་བའི་དོན་འགའ་ངེད་རྣམས་ཀྱི་རྣ་བས་ཀྱང་ཐོས་བྱུང༌བས། ད་ལྟ་དོན་དེ་ཅི་ཡིན་པ་ཤེས་འདོད་ཅེས་སྨྲས་སོ།། 21 སྤྱིར་ཡ་ཏེན་གྱི་མི་དང་ཡུལ་དེར་གནས་སྐོར་དུ་ཡོང་བའི་མི་རྣམས་ཀྱིས་དོན་གཞན་ཅི་ཡང་མི་སྒྲུབ་པར་གཏམ་གསར་པ་ཁོ་ནར་ཉན་ཞིང༌སྨྲའོ།།

22 དེ་ནས་ཕོལ་ལོལ་ཁོང་ཉིད་ཨེ་རུ་ཕ་ཀའོ་ཚོགས་པའི་དབུས་སུ་ཡར་བཞེངས་ཏེ་འདི་སྐད༌དུ། ཡ་ཏེན་གྱི་མི༌རྣམས། ངས་ཁྱོད་རྣམས་ཕྱོགས་ཀུན་ནས་ཆོས་ལ་ཤིན་ཏུ་དགའ་བ་མཐོང༌། 23 ང་རང་ཕྱོགས་བཞིར་འགྲིམས་པའི་དུས༌སུ། ཁྱོད་རྣམས་ཀྱིས་བསྙེན་བཀུར་བྱེད་པའི་རྟེན་དེ་དག་ལ་བལྟས༌ཚེ། མཆོད་ཁྲི་ཞིག་གི་སྟེང་དུ་རྒྱུས་མི་མངའ་བའི་དཀོན་མཆོག་གི་ཕྱིར་ *རྒྱུས་མི་མངའ་བའི་དཀོན་མཆོག་གི་ཕྱིར་ཞེས་པ་འདི་ནི་གནའ་བོའི་གྷི་རིག་པའི་སྲོལ་རྒྱུན་གྱི་ལྟ་ཚུལ་ཞིག༌སྟེ། དེ་རྣམས་ལ་ལྷ་འདྲེ་གདོན་བགེགས་ཀྱི་བཤད་རྒྱུན་ཡོད་ཅིང་ལྷ་འདྲེ་སོགས་ལ་ཆེས་ཆེར་འཇིགས་པས་རང་ལ་གནོད་པ་མི་འབྱུང་བའི་ཆེད༌དུ། རྒྱུས་མི་མངའ་བའི་དཀོན་མཆོག་གི་ཕྱིར་ཞེས་རྡོ་ལ་ཡི་གེ་བརྐོས༌ཏེ། མཆོད་སྦྱིན་དང་དད་གུས་ལ་བརྟེན་ནས་རང་ཉིད་སྐྱབས་སུ་འཛིན་པར་རེ་བའི་བྱེད་ཐབས་ཤིག༌ཡིན། མཁས་པ་རྣམས་ཀྱིས་དོན་དམ་དུ་གྷི་རིག་པ་རྣམས་ཀྱིས་དཀོན་མཆོག་ཉིད་ཀྱི་དགོངས་པ་དང་མཐུ་སྟོབས་སོགས་མི་ཤེས་པར༌བཤད། ཞེས་ཡི་གེ་བརྐོས་འདུག་པ་མཐོང༌བྱུང༌། ཁྱོད་ཅག་གིས་མ་ཤེས་པར་བསྙེན་བཀུར་བྱེད་ཅིང་བདག་གིས་དོན་དེ་ཁྱོད་རྣམས་ལ་སྨྲ་བར༌བྱ་སྟེ། 24 དེ་ཡང་འཇིག་རྟེན་ཁམས་དང་གནས་དེར་ཡོད་པའི་དངོས་པོ་ཐམས་ཅད་སྐྲུན་མཁན་དཀོན་མཆོག་ནི་གནམ་ས་གཉིས་ཀྱི་བདག་པོ་ཡིན༌པས། ཁོང་ནི་མིའི་ལག་པས་བཟོས་པའི་མཆོད་ཁང་དུ་བཞུགས་པ་མིན་ནོ།། 25 ཡང་ཁོང་གིས་མི་རྣམས་ལ་ཚེ་སྲོག༌དང༌། དབུགས། དངོས་པོ་ཐམས་ཅད་བཅས་གནང༌བས། ཁོང་ལ་དགོས་མཁོ་ཅི་ཡང་མེད་ཅིང་མིའི་ལག་པས་ཁོང་ལ་ཞབས་ཕྱི་ཅི་ཡང་བསྒྲུབ་མི་དགོས་སོ།། 26 ཁོང་གིས་མི་གཅིག་ནས་མིའི་རིགས་ཐམས་ཅད་བསྐྲུན་ཏེ་ས་གཞིའི་སྟེང་དུ་ཡོངས་སུ་གནས་པར་མཛད༌ཅིང༌། དེ་རྣམས་ཀྱི་ཚེ་ཚད་དང་སྡོད་མཚམས་ཀྱང་སྔར་ནས་ཐག་གིས་བཅད༌པ་ཡིན། 27 དཀོན་མཆོག་གིས་དེ་ལྟར་མཛད་དོན་ནི་མི་རྣམས་ཀྱིས་ཁོང་ཉིད་འཚོལ་ཞིང་ཡང་ཡང་བཙལ་ན་རྙེད་སྲིད་པའི་ཕྱིར་ཡིན༌ལ། དོན་དམ་དུ་ཁོང་ནི་བདག་ཅག་མི་རེ་རེ་དང་རྒྱང་ཐག་མི་རིང་བའི་གནས་སུ་བཞུགས་ཡོད། 28 དེ་ཡང་ཇི་སྐད༌དུ།

32 མི་དེ་རྣམས་ཀྱིས་གྲོངས་པ་ནས་སླར་གསོན་པའི་གཏམ་དེ་ཐོས་ནས་མི་འགའ་ཞིག་གིས་འཕྱ་ཞིང་སྨོད་པ༌དང༌། ཡང་མི་འགའ་ཞིག་གིས་ཁྱོད་ཀྱི་གཏམ་དེ་ལ་ངེད་ཅག་གིས་ཡང་བསྐྱར་མཉན་པར་བྱའོ་ཞེས་སྨྲས་སོ།། 33 དེ་ནས་ཕོལ་ལོལ་མི་ཚོགས་ཀྱི་ཁྲོད་ནས་ཕྱི་རོལ་ཏུ་ཕེབས་སོ།། 34 འོན༌ཀྱང༌། མི་ཁ་ཤས་ཁོང་དང་འགྲོགས་ཤིང་གཙོ་བོ་ལ་དད་པར་གྱུར་ཏོ།། དེ་དག་གི་ཁྲོད་དུ་ཨེ་རུ་ཕ་ཀའོ་ཚོགས་པ་ལ་གཏོགས༌ཤིང༌མིང་ལ་ཏཱ་ཨོ་ནེ་སི་ཞེས་འབོད་པ་དེ༌དང༌། ཡང་མིང་ལ་ཏཱ་མ་རོས་ཞེས་འབོད་པའི་བུད་མེད་ཅིག༌དང༌། གཞན་ཡང་མི་འགའ་ཤས་ཡོད༌དོ།།