1 དེ་ཡང་ཆུ་ལོག་བྱུང་བའི་རྗེས་སུ་ནོ་ཨའི་བུ་ཤེམ་དང་ཧཱམ་དང་ཡ་ཕེད་བཅས་ལའང་བུ་སྐྱེས༌སོ། །ནོ་ཨའི་བུ་སོ་སོའི་རིགས་རྒྱུད་རྣམས་ནི་འདི་ལྟ༌སྟེ།

2 ཡ་ཕེད་ཀྱི་བུ་རྣམས་ནི་གོ་མེར༌དང༌། མ༌གཱོག མཱ་ཏི། ཡཱ༌ཝན། ཐུ༌བཱལ། མེ༌ཤེག ཐི་རཱ་བཅས༌སོ།། 3 གོ་མེར་གྱི་བུ་རྣམས་ནི་ཨ་ཤ་ཀེ་ནཱ༌དང༌། རི༌ཕད། ཐོ་གར་མཱ་བཅས༌སོ།། 4 ཡཱ་ཝན་གྱི་བུ་རྣམས་ནི་ཨི་ལི་ཤཱ༌དང༌། ཐཱར༌ཞིས། ཀི༌ཐིམ། དོའུ་དཱ་ནིམ་བཅས༌སོ།། 5 དེ་རྣམས་ལས་མཚོ་འགྲམ་དུ་སྡོད་པའི་མི་རིགས་དེ་དག་ནི་སོ་སོའི་སྐད་རིགས༌དང༌། ཁྱིམ༌རྒྱུད། རྒྱལ་ཕྲན་ལྟར་རང་རང་གི་ཡུལ་དུ་དར་བར་གྱུར༌ཏོ།།

6 ཧཱམ་གྱི་བུ་རྣམས་ནི་གུ་ཤ༌དང༌། མུས་རཱ༌ཡིམ *མུས་རཱ་ཡིམ་ཞེས་པ་མི་ཞིག་གི་མིང་ཡིན༌ལ། དེ་ནི་རྗེས་སུ་ཨེ་ཅིབ་རྒྱལ་ཁབ་ཀྱི་མི་རྣམས་ཀྱི་མེས་པོར་གྱུར་པ་ཡིན་པས་མཁས་པ་ལ་ལས་ཨེ་ཅིབ་ཅེས་ཀྱང་བྲིས༌ཡོད། ། ཕུ༌ཏཱ། ཀ་ན་ཨན་བཅས༌སོ།། 7 གུ་ཤ་ཡི་བུ་རྣམས་ནི་སེ་བཱ༌དང༌། ཧ་བེ༌ལཱ། སཱབ༌ཐ། རཱ་ཨེ༌མཱ། སཱབ་ཐེ་ཀཱ་བཅས༌སོ། །རཱ་ཨེ་མཱའི་བུ་ནི་ཤེ་བཱ་དང་དི་དན་ཞེས་བྱ༌བའོ།།

8 དེ་ནས་གུ་ཤ་ཞེས་པ་ལས་ནིམ་རོད་མཆེད་ཅིང༌། དེ་ནི་འཇིག་རྟེན་གྱི་དཔའ་རྒོད་ཐོག༌མའོ།། 9 ཁོ་ནི་དཀོན་མཆོག་ཡ་ཝཱེའི་དྲུང་དུ་རྔོན་པ་དཔའ་བོ་ཞིག་ཡིན༌པས། ཁ་དཔེ༌ལ། དཀོན་མཆོག་ཡ་ཝཱེ་དྲུང་གི་རྔོན་པ་དཔའ་བོ་ནིམ་རོད་དང་འདྲ་བ་ཡིན་ཞེས་བརྗོད༌དོ།། 10 ནིམ་རོད་ཀྱི་རྒྱལ་སྲིད་ཐོག་མ་ནི་ཤིན་ཨར་ཡུལ་གྱི་པཱ་པེལ༌དང༌། ཨེ༌རེགས། ཨ༌ཁཱད། ཀལ་ནེ་བཅས༌ཡིན། 11 ཁོ་རང་གནས་དེ་ནས་ཨ་སུར་ཡུལ་དུ་སོང༌སྟེ། ནིན་ཝེ༌དང༌། རེའེ་ཧོ་པེད༌ཨིར། ཀ་ལཱ་བཅས་བཞེངས་པ༌དང༌། 12 ནིན་ཝེ་དང་ཀ་ལཱ་གཉིས་བར་དུ་གྲོང་ཁྱེར་ཆེན་པོ་ཞིག་བཞེངས་པ་ནི་རེའེ་སཱན་ཞེས་པ་དེ་ཡིན༌ནོ།།

13 དེ་ནས་མུས་རཱ་ཡིམ་ལས་ལུ་དཱ་པ༌དང༌། ཨ་ནཱམ༌པ། ལེ་ཧ༌པ། ནཱབ་ཐུ༌པ། 14 ཕཱད་རུའུ༌པ། ཀཱ་སི་ལི༌པ། ༼འདི་བརྒྱུད་ནས་ཕེ་ལེ་ཤེད་མི་རིགས༌བྱུང༌།༽ ཀབ་ཐོར་པ་བཅས༌མཆེད་དོ།།

15 དེ་ནས་ཀ་ན་ཨན་ལས་བུ་སྐྱེས་འགོ་ཚི་ཏུན་དང་། ཡང་ཧེད་དང་། 16 ཡེ་བུ་སི་པ། ཨེ་མོར༌པ། གིར་གས༌པ། 17 ཧེ་བི༌པ། ཨར་ཀི༌པ། སི་ནེ༌པ། 18 ཨར་ཝཱ་དིའུ༌པ། ཚཱ་མཱ་རེའེ༌པ། ཧ་མཱད་པ་བཅས་མཆེད་དོ། །ཕྱིས་སུ་ཀ་ན་ཨན་གྱི་རིགས་རྒྱུད་འཐོར་བར་གྱུར༌ཏོ།། 19 ཀ་ན་ཨན་པའི་ས་མཚམས་ནི་ཚི་ཏུན་ནས་གེ་རཱར་གྱི་ཕྱོགས་སུ་འགྲོ་བའི་ལམ་ནས་གཱ་ཟཱ་བར་ཡིན་པ༌དང༌། དེ་ནས་སཱ་དོམ༌དང༌། གཱ་མོ༌ར། ཨད༌མཱ། ཚཱ་བོ་ཡིམ་བཅས་ཀྱི་ཕྱོགས་སུ་འགྲོ་བའི་ལམ་ནས་ལཱ་ཤཱ་ཞེས་པའི་བར་ཡིན༌ནོ།།

20 དེ་དག་ནི་ཧཱམ་གྱི་བུ་རྒྱུད༌དེ། སོ་སོའི་ཁྱིམ་རྒྱུད༌དང༌། སྐད༌རིགས། ཡུལ༌ལུང༌། རྒྱལ་ཕྲན་བཞིན་དུ་ཡིན༌ནོ།།

21 དེ་ཡང་ཡ་ཕེད་ཀྱི་ཕུ་བོ་ཤེམ་ནི་ཨེ་བེར་†ཨེ་བེར་ཞེས་པ་ནི་དེང་སང་གི་ཡ་ཧུ་དཱ་མི་རིགས་ཀྱི་འབྱུང་ཁུངས་ཡིན་པར༌གསུངས།ཞེས་པའི་རིགས་རྒྱུད་རྣམས་ཀྱི་མེས་པོ་ཡིན༌ལ། ཁོ་ལ་བུ་སྐྱེས༌སོ།། 22 ཤེམ་གྱི་བུ་རྣམས་ནི་ཨེ་ལཱམ༌དང༌། ཨ༌ཤུར། ཨར་པག༌ཤད། ལུ༌ཏི། ཨ་རམ་བཅས༌སོ།། 23 ཨ་རམ་གྱི་བུ་རྣམས་ནི་ཨུ་ཟཱ༌དང༌། ཧུལ། གེ༌ཐེར། མཱ་ཤཱ་བཅས༌སོ།། 24 ཨར་པག་ཤད་ལས་ཤེ་ལཱ་མཆེད་པ་དང༌། ཤེ་ལཱ་ནས་ཨེ་བེར་མཆེད་དོ།། 25 ཨེ་བེར་ལས་བུ་གཉིས་མཆེད་ཅིང། གཅིག་ལ་ཕེ་ལེག་ཅེས་བྱ༌སྟེ། རྒྱུ་མཚན་ནི་དེའི་དུས་སུ་ས་གཞིའི་མི་རྣམས་ཁག་སོ་སོར་གྱེས་པའི་ཕྱིར་རོ། །ཁོའི་ནུ་བོའི་མིང་ལ་ཡོག་ཏན་ཞེས་བྱའོ།། 26 ཡོག་ཏན་ལས་ཨལ་མོ་དཱད༌དང༌། ཤེ་ལཱ༌ཕཱ། ཧ་ཚཱར་མ༌ཝེད། ཡཱ༌ར། 27 ཧ་དོ༌རམ། ཨུ༌ཟཱལ། དིག༌ལཱ། 28 ཨོ༌བཱལ། ཨ་བི་མཱ༌ཨེལ། ཤེ༌བཱ། 29 ཨོ་ཕིར། ཧ་བེ༌ལཱ། ཡོ་བཱབ་བཅས༌མཆེད་ཅིང་། དེ་ཐམས་ཅད་ཡོག་ཏན་གྱི་བུ་རྣམས་སོ།། 30 ཁོ་རྣམས་ཀྱི་སྡོད་གནས་ནི་མེ་ཤཱ་ཡུལ་ནས་སེ་ཕཱར་ཡུལ་གྱི་ཤར་ཕྱོགས་ཀྱི་རི་ཁུལ་བར༌དུའོ།། 31 དེ་དག་ནི་ཤེམ་གྱི་བུ་རྒྱུད༌དེ། སོ་སོའི་ཁྱིམ་རྒྱུད༌དང༌། སྐད༌རིགས། ཡུལ༌ལུང༌། རྒྱལ་ཕྲན་བཞིན་དུ་ཡིན༌ནོ།།

32 དེ་དག་ནི་ནོ་ཨའི་བུ་རྣམས་ཀྱི་རྒྱུད་པ༌སྟེ། སོ་སོའི་རིགས་རྒྱུད་དང་རྒྱལ་ཕྲན་བཞིན་དུ༌ཡིན། ཆུ་ལོག་བྱུང་བའི་རྗེས༌སུ། དེ་རྣམས་ལས་ས་སྟེང་གི་རྒྱལ་ཕྲན་རྣམས་སོ་སོའི་གནས་སུ་དར་བར་གྱུར༌ཏོ།།