1 དེ་ནས་དཀོན་མཆོག་ཡ་ཝཱེས་བདག་ལ་འདི་སྐད་དུ། ལྷ་གཞན་རྣམས་ལ་དད་ཅིང་རྒུན་འབྲུམ་སྐམ་པོ་ལེབ་མོར་ཆགས་པའི་ཡེས་ར་ཨེལ་པ་རྣམས་ལ་དཀོན་མཆོག་ཡ་ཝཱེས་བྱམས་བརྩེ་གནང་བ་ལྟར། ཁྱོད་ཡང་སོང་ལ་མོའི་དགའ་རོགས་ཀྱིས་གཅེས་པར་འཛིན་པའི་བུད་མེད་གཡེམ་མ་དེ་ལ་གཅེས་ཤིག་ཅེས་གསུངས་པ་དང་། 2 དེ་ནས་ངས་དངུལ་སྲང་བཅོ་ལྔ་དང་ནས་ཁལ་གཅིག་དང་ཕྱེད་ཀ་ཡིས་མོ་རང་གི་ཕྱིར་དུ་ཉོས་ནས། 3 ངས་མོ་ལ། ཁྱོད་ཉིན་ཞག་མང་པོར་ངའི་དོན་དུ་གཅིག་པུར་སྡོད་དགོས་ཏེ། ལོག་གཡེམ་བྱེད་མི་རུང་ལ་སྐྱེས་པ་གཞན་པའི་ཆུང་མ་ཡང་མ་བྱེད་ཅིག ང་རང་ཡང་ཁྱོད་ལ་དེ་བཞིན་ཡིན་ནོ་ཞེས་སྨྲས་སོ། ། 4 ཅིའི་ཕྱིར་ཞེ་ན། ཡེས་ར་ཨེལ་པ་རྣམས་ཀྱང་ཡུན་རིང་པོར་རྒྱལ་པོ་དང་འགོ་དཔོན། མཆོད་པ། རྡོ་རིང་། བེར་ཐུལ། ཐེ་ར་ཕིམ་ *ཐེ་ར་ཕིམ་ཞེས་པ་ནི་ཁྱིམ་ལྷ་ཡིན།བཅས་དང་བྲལ་ནས་འཚོ་ངེས་ཡིན། 5 དེའི་རྗེས་སུ་ཡེས་ར་ཨེལ་པ་རྣམས་ཕྱིར་ལོག་ནས་རང་གི་དཀོན་མཆོག་ཡ་ཝཱེ་དང་རང་གི་རྒྱལ་པོ་དཱ་བིད་བཙལ་ནས། མཐའ་མའི་ཉིན་མོ་དག་ལ་ཁོ་རྣམས་ཀྱིས་ཡ་ཝཱེ་ལ་གུས་ཤིང་འཇིགས་པའི་སྒོ་ནས་ཁོང་གི་ཐུགས་རྗེའི་སྐྱབས་སུ་མཆི་བར་འགྱུར་རོ། །