༄༅། །ལོ་ཀུའི་འཕྲིན་བཟང་།
ལོ་ཀུའི་འཕྲིན་བཟང་གི་ངོ་སྤྲོད་མདོར་བསྡུས།
ཁ་བྱང་དང་ལོ་རྒྱུས་རྒྱབ་ལྗོངས།
ལོ་ཀུའི་འཕྲིན་བཟང་འདི་ལ་ཡི་གེར་བཀོད་ཡོད་པ་རྣམས་ལས་ཆེས་ལེགས་པའི་གཞུང་ཞེས་འབོད་ཅིང་། ལོ་ཀུས་གྷི་རིག་གི་རིག་གནས་ནས་ཡི་གེར་བཀོད་པའི་ཉམས་ལ་བལྟས་ན་ཁོང་ནི་ཡོན་ཏན་པ་ཆེན་པོ་ཞིག་ཡིན་པ་མཚོན་ཐུབ། ཁོང་གིས་དམིགས་བསལ་དུ་ཕྱི་ཕྱོགས་པ་རྣམས་སེམས་སུ་བཅངས་ནས་གཞུང་འདི་ཉིད་ཡི་གེར་བཀོད་པ་དང་། ཡ་ཧུ་དཱ་པའི་ལུགས་སྲོལ་ལ་འགྲེལ་བསྐྱོན་པ་དང་། སྐྱབས་མགོན་ཡེ་ཤུའི་གདུང་རྒྱུད་ནི་མིའི་ཐོག་མ་ཨ་དམ་ཞེས་བྱ་བའི་བར་དུ་གཏུགས་ནས་ཡི་གེར་བཀོད།
ཡི་གེར་འགོད་མཁན་དང་འགོད་དུས།
གཞུང་དངོས་སུ་ཡི་གེར་འགོད་མཁན་སུ་ཡིན་པ་གསལ་པོར་བྲིས་མེད་ཀྱང་། འཛོལ་བ་མེད་པའི་རྒྱུ་མཚན་མང་པོ་ཞིག་གིས་ཡི་གེར་འགོད་མཁན་ནི་ལོ་ཀུ་ཡིན་པ་བསྟན་ཡོད་པ་རེད། ལོ་ཀུའི་འཕྲིན་བཟང་འདི་སྐུ་ཚབ་པ་རྣམས་ཀྱི་མཛད་འཕྲིན་དང་འབྲེལ་བ་ཟབ་མོ་ཡོད་པ་དང་། གཞུང་འདི་གཉིས་ཀྱི་ཐ་སྙད་བཀོལ་སྟངས་དང་གྲུབ་ཚུལ་ལ་བལྟས་ན། གཞུང་དེ་གཉིས་ཀ་ཡི་གེར་འགོད་མཁན་ནི་མི་གཅིག་ཡིན་པ་གསལ་པོར་རྟོགས་ཐུབ། ལོ་ཀུ་ནི་ཧ་ལམ་ཕྱི་ཕྱོགས་ནས་སྐྱེས་པ་ཞིག་ཡིན་ལ། ཁོང་ནི་གྷི་རིག་གི་རིག་གནས་ལ་མཁས་པའི་ཡོན་ཏན་པ་ཞིག་ཡིན་པར་མ་ཟད། ད་དུང་སྨན་པའི་ལས་ཀ་གཉེར་མྱོང་མཁན་དང་། ཕོལ་ལོལ་གྱི་དུས་སྔ་མའི་ཆོས་གྲོགས་བཅས་ཀྱང་ཡིན། གཞུང་འདི་ཉིད་ཧ་ལམ་སྤྱི་ལོ་59ནས་63གྱི་བར་དུ་གྲུབ་པ་རེད།
བརྗོད་སྙིང་དང་གསུང་འཕྲིན།
གཞུང་འདིའི་འགོ་བརྩམས་མ་ཐག་ལོ་ཀུས་བདག་ཅག་ལ་སྐྱབས་མགོན་ཡེ་ཤུའི་རྣམ་ཐར་ཆ་ཚང་ཞིག་བརྗོད་པའི་ཕྱིར་འཕྲིན་བཟང་འདི་ཡི་གེར་བཀོད་པ་ཡིན་པར་གསུངས། འཕྲིན་བཟང་གཞན་དག་དང་བསྡུར་ན། ཁོང་གིས་སྐྱབས་མགོན་ཡེ་ཤུའི་རྣམ་ཐར་ཆ་ཚང་ཞིང་གོ་རིམ་ལྡན་པ་ཞིག་ཡི་གེར་བཀོད་ཡོད་པ་དང་། ལོ་ཀུས་གཞུང་འདི་ཡི་གེར་བཀོད་པའི་རེ་འདུན་གཅིག་ནི་སྐྱབས་མགོན་ཡེ་ཤུ་མི་ཐམས་ཅད་ལ་ཐུགས་དགྱེས་ཚུལ་བསྟན་ཡོད་པ་དེ་ཡིན། སྐྱབས་མགོན་ཡེ་ཤུས་མི་ཉམས་ཆུང་དང་བཙན་གནོན་ཐེབས་མཁན་སུ་ཡིན་ཡང་ཐུགས་ཁུར་གནང་ཡོད་དེ། ལོ་ཀུས་དམིགས་བསལ་དུ་སྐྱབས་མགོན་ཡེ་ཤུས་གསུངས་པའི་དཔེ་རྣམས་དྲངས་ནས་ཡང་ནས་ཡང་དུ་བརྗོད་ཡོད། སྐྱབས་མགོན་ཡེ་ཤུ་འཇིག་རྟེན་འདིར་ཕེབས་པས་སྡིག་ཅན་གྱི་འཇིག་རྟེན་ཡོངས་ལ་དགའ་སྤྲོ་དང་རེ་བ། ཐར་པ་བཅས་གནང་བ་བཞིན། དགའ་སྤྲོ་ཅན་གྱི་བརྗོད་བྱ་དེ་གཞུང་ཧྲིལ་པོ་ནས་ཉམས་སུ་མྱོང་ཐུབ།
འཆར་ཟིན།
1. གླེང་གཞི། ༼1:1-4༽
2. སྐྱབས་མགོན་ཡེ་ཤུ་འཇིག་རྟེན་དུ་ཕེབས་པའི་སྐོར། ༼1:5-2:52༽
3. སྐྱབས་མགོན་ཡེ་ཤུའི་ཕེབས་ལམ་ལ་སྟ་གོན་མཛད༌པའི་སྐོར། ༼3:1-4:13༽
4. སྐྱབས་མགོན་ཡེ་ཤུས་ག་ལིལ་ཡུལ་ནས་ཆོས་བསྒྲགས་པའི་སྐོར། ༼4:14-9:9༽
5. སྐྱབས་མགོན་ཡེ་ཤུ་ག་ལིལ་ཡུལ་དང་ཁ་བྲལ་བའི་དུས། ༼9:10-50༽
6. སྐྱབས་མགོན་ཡེ་ཤུས་ཡ་ཧུ་དཱ་ཡུལ་ནས་ཆོས་བསྒྲགས་པ། ༼9:51-13:21༽
7. སྐྱབས་མགོན་ཡེ་ཤུས་ཡོར་དན་གཙང་པོའི་ཕར་ཕྱོགས་སུ་ཆོས་བསྒྲགས་པ། ༼13:22-19:27༽
8. སྐྱབས་མགོན་ཡེ་ཤུ་ཤིང་རྒྱ་གྲམ་གྱི་སྟེང་དུ་བརྡབས་པ་དང་འཆི་བ་ལས་རྒྱལ་བ། ༼19:28-24:53༽
ལེའུ་དང༌པོ།
གླེང་གཞི།
1-2 གུས་པར་འོས་པའི་ཇོ་བོ་ཐེ་འོ་ཕེ་ལུ༌ལགས། དེ་ཡང་དཀོན་མཆོག་གི་བཀའ་ཡི་ཞབས་ཏོག་པ་རྣམས་ཀྱིས་ཐོག་མ་ནས་མིག་གིས་མཐོང་ཞིང་བདག་ཅག་ལ་གང་ཞིག་གསུངས་པ་བཞིན༌དུ། མི་མང་པོ་ཞིག་གིས་བདག་ཅག་གི་ཁྲོད་དུ་གྲུབ་པའི་དོན་རྣམས་ཡི་གེར་འགོད་འགོ་བརྩམས༌པས། ངས་ཀྱང་ཐོག་མ་ནས་དོན་དེ་ཐམས་ཅད་ལ་བརྟག་ཅིང་དཔྱད༌དེ། ཁྱེད་ལ་གོ་རིམ་བཞིན་དུ་ཡི་གེར་འགོད་པར་ཐག་གིས༌བཅད་དོ།། ཅིའི་ཕྱིར་ཞེ༌ན། དེ་སྔར་ཁྱེད་ལ་བསྟན་པའི་བཀའ་རྣམས་ནི་བདེན་པ་དངོས་ཡིན་པ་རྟོགས་སུ་འཇུག་པའི་ཕྱིར༌རོ།།
ཁྲུས་གསོལ་མཁན་ཡོ་ཧ་ནན་སྐུ་འཁྲུང་བའི་ལུང༌བསྟན།
ཧེ་རོ་དཱ་ཞེས་བྱ་བ་ཡ་ཧུ་དཱའི་ཡུལ་གྱི་རྒྱལ་པོ་ཡིན་པའི་དུས༌སུ། ཨ་བི་ཡཱའི་སྡེ་ཚན་དུ་ཟཱ་ཀར་ཡ་ཞེས་པའི་མཆོད་དཔོན་ཞིག་ཡོད༌དེ། དེའི་ཆུང་མ་ནི་ཨ་རོན་གྱི་བུ་རྒྱུད་ཡིན་ཞིང་མིང་ལ་ཨེ་ལི་སཱ་བེད་ཟེར། དེ་གཉིས་ནི་དཀོན་མཆོག་གི་དྲུང་དུ་མི་གཞུང་དྲང་གཉིས་ཡིན༌ཏེ། གཙོ་བོའི་བཀའ་དང་ཁྲིམས་ཐམས་ཅད་འཕྱུགས་མེད་དུ་བསྲུངས་པ་ཡིན། འོན་ཀྱང་ཨེ་ལི་སཱ་བེད་ནི་ཕྲུ་གུ་སྐྱེ་མི་ནུས་པས་ཁོ་གཉིས་ལ་བུ་ཕྲུག་མེད་པར་རྒས༌སོ།།
ནམ་ཞིག་གི་དུས༌ལ། ཟཱ་ཀར་ཡས་རང་གི་སྡེ་ཚན་གྱི་གོ་རིམ་བཞིན་དཀོན་མཆོག་གི་དྲུང་ནས་མཆོད་དཔོན་གྱི་འོས་འགན་སྒྲུབ་པའི་སྐབས་སུ། མཆོད་དཔོན་གྱི་ལུགས་སྲོལ་ལྟར་རྒྱན་བླངས་ཤིང་སྤོས་སྒྲོན་པའི་བྱ་བའང་ཁོ་ལ་བབས༌པས། ཁོ་རང་གཙོ་བོའི་མཆོད་ཁང་དུ་སོང་ངོ༌།། 10 ཁོས་སྤོས་སྒྲོན་པའི་སྐབས༌སུ། མི་ཚོགས་ཐམས་ཅད་ཀྱིས་མཆོད་ཁང་གི་ཕྱི་ནས་གསོལ་བ་བཏབ་ཅིང་བསྡད། 11 གཙོ་བོའི་ཕོ་ཉ༌ཞིག་སྤོས་ཁྲིའི་གཡས་ཕྱོགས་སུ་ཀྲོང་ངེར་བྱུང་སྟེ་ཁོའི་མིག་ལ་མངོན༌ཞིང༌། 12 ཟཱ་ཀར་ཡས་ཕོ་ཉ་དེ་མཐོང་ནས་སེམས་འཚབས་ཏེ་འཇིགས་ཤིང་སྐྲག་པར་གྱུར་ཏོ།། 13 འོན་ཀྱང་། ཕོ་ཉས་ཁོ་ལ་འདི་སྐད༌དུ། ཟཱ་ཀར༌ཡཱ། ཁྱོད་རང་སྐྲག་མི་དགོས༌ཏེ། ཁྱོད་ཀྱི་སྨོན་ལམ་ནི་དཀོན་མཆོག་གིས་གསན་བྱུང༌བས། ཁྱོད་ཀྱི་ཆུང་མ་ཨེ་ལི་སཱ་བེད་ལ་བུ་ཞིག་སྐྱེ་བར༌འགྱུར། ཁྱོད་ཀྱིས་བུའི་མིང་ལ་ཡོ་ཧ་ནན་ཞེས་ཐོགས༌ཤིག 14 ཁྱོད་གཉིས་ལ་བུ་སྐྱེས་པས་དགའ་སྤྲོ་འབྱུང་ཞིང་མི་མང་པོའང་དགའ་བར་འགྱུར༌ཏེ། 15 ཁོ་རང་གཙོ་བོའི་དྲུང་ནས་མི་ཆེན་པོར་འགྱུར༌ཞིང༌། རྒུན་ཆང་དང་ཨ་རག་ནམ་ཡང་མི་འཐུང༌ལ། མའི་མངལ་དུ་ཡོད་པ་ནས་བཟུང་དམ་པའི་ཐུགས་ཉིད་ཀྱིས་ཁྱབ་པར་འགྱུར་རོ།། 16 ཡང་ཁོས་ཡེས་ར་ཨེལ་གྱི་བུ་རྒྱུད་མང་པོ་ཞིག་གཙོ་བོ་སྟེ་ཁོ་རྣམས་ཀྱི་དཀོན་མཆོག་གི་ཕྱོགས་སུ་ཕྱིར་འགུག་པར་འགྱུར༌ཞིང༌། 17 ཁོ་རང་ལ་ཨེ་ལི་ཡཱ༌* ཨེ་ལི་ཡཱ་ཞེས་པ་ནི་ཡ་ཧུ་དཱའི་མི་རིགས་ཀྱི་གནའ་བོའི་ལུང་སྟོན་པ་ཞིག༌ཡིན།དང་འདྲ་བའི་སེམས་དང་ནུས་མཐུ་ལྡན་ཞིང་གཙོ་བོ༌ གཙོ་བོ་ཞེས་པར་མ་ཕྱི་ལས་ཁོང་ཞེས་ཁོ་ན༌མཐོང༌། འདིར་སྐྱབས་མགོན་ཡེ་ཤུ་ལ་གོ༌དགོས། མདོ་རྗེས་མར་འབྱུང་བའི་གཙོ་བོ་ཞེས་པ་སྐབས་འགར་ཡབ་དཀོན་མཆོག་ལ་གོ་བ༌དང་། སྐབས་འགར་སྐྱབས་མགོན་ཡེ་ཤུ་ལ༌གོ་བ་ཡིན། ཕེབས་པའི་སྔོན་དུ་བསྐྱོད༌ནས། ཕ་རྣམས་ཀྱི་སེམས་བུ་ཡི་ཕྱོགས་ལ་འགུག་པ༌དང༌། དཀོན་མཆོག་གི་བཀའ་ལ་མི་ཉན་པ་རྣམས་མི་གཞུང་དྲང་གི་ཤེས་རབ་དང་བསྟུན་པར་བྱ༌སྟེ། གཙོ་བོ་ལ་འཚམ་པའི་མི་སྡེ་སྟ་གོན་བྱེད་པར་འགྱུར་ཞེས་གསུངས༌སོ།།
18 ཟཱ་ཀར་ཡས་ཕོ་ཉ༌ལ། ང་རང་རྒས་ཤིང་ངའི་ཆུང་མ་ཡང་རྒས་ཟིན་པས་ངས་དོན་དེ་ཇི་ལྟར་ཤེས་ཐུབ་ཅེས་དྲིས་པ༌ལ། 19 ཕོ་ཉས་འདི་སྐད༌དུ། ང་རང་ནི་དཀོན་མཆོག་གི་དྲུང་དུ་སྡོད་པའི་ཕོ་ཉ་གེབ་རི་ཨེལ་ཡིན༌ཏེ། ཁྱོད་ལ་གཏམ་སྨྲ་བ་དང་འཕྲིན་བཟང་འདི་འཆད་པར་མངགས་པ་ཡིན༌ལ། 20 ལྟོས༌དང༌། དུས་དེར་སླེབས་ཚེ། ངས་སྨྲས་པ་བཞིན་དུ་འགྲུབ་པར་འགྱུར་རོ།། འོན་ཀྱང་བདག་གིས་སྨྲས་པ་ལ་ཁྱོད་རང་ཡིད་མི་ཆེས་པས་དོན་དེ་འགྲུབ་པའི་བར་དུ་ཁྱོད་རང་ལྐུགས་པར་འགྱུར་ཞེས་གསུངས་སོ།། 21 མི་ཚོགས་ཀྱིས་ཟཱ་ཀར་ཡ་ལ་བསྒུགས་ནས་བསྡད་ཅིང་ཁོ་རང་མཆོད་ཁང་ནས་ཡུན་རིང་འགོར་བས་དོགས་པ་སྐྱེས༌པ་རེད། 22 ཁོ་རང་ཕྱི་ལ་ཐོན་དུས་སྐད་ཆ་སྨྲ་མི་ཐུབ་པས་ཁོས་མཆོད་ཁང་ནས་ཞལ་གཟིགས་ཤིག་མཐོང་བ་མི་དེ་རྣམས་ཀྱིས་ཤེས་སོ།། ཡང་ཁོས་མི་དེ་རྣམས་ལ་ལག་བརྡ་བྱས་ནའང་ལྐུགས་པར་གྱུར་ནས་བསྡད། 23 མཆོད་དཔོན་གྱི་འོས་འགན་སྒྲུབ་པའི་དུས་མཇུག་རྫོགས་རྗེས་ཁོ་རང་ཕྱིར་ཡུལ་དུ་ལོག་གོ།
24 དེའི་རྗེས༌སུ། ཁོའི་ཆུང་མ་ཨེ་ལི་སཱ་བེད་ལ་མངལ་སྦྲུམ་སྟེ་ཟླ་བ་ལྔའི་རིང་ལ་ཡིབས་ནས་བསྡད༌ཅིང༌། 25 གཙོ་བོས་ང་ལ་གཟིགས་སྐྱོང་མཛད་དེ་མི་ཚོགས་ཀྱི་ཁྲོད་ནས་ངའི་ངོ་ཚ་བསལ་བའི་ཕྱིར་འདི་ལྟར་མཛད་ཅེས་སྨྲས་སོ།།
སྐྱབས་མགོན་ཡེ་ཤུ་སྐུ་འཁྲུང་བའི་ལུང༌བསྟན།
26 དེ་ནས་ཟླ་བ་དྲུག་ལ་སླེབས་པའི་དུས༌སུ། དཀོན་མཆོག་གིས་ཕོ་ཉ་གེབ་རི་ཨེལ་བྱ་བ་ག་ལིལ་ཡུལ་གྱི་ནཱ་ཙ་རེལ་ཞེས་པའི་གྲོང་རྡལ༌དུ། 27 མིར་ཡམ་ཞེས་འབོད་པའི་ན་ཆུང་བུ་མོ་དེའི་གམ་དུ་མངགས༌ཤིང༌། ན་ཆུང་བུ་མོ་དེ་ནི་དཱ་བིད་ཀྱི་རིགས་རྒྱུད་ཡིན་པའི་ཡོ་སེབ་དང་གཉེན་རྟགས་བརྒྱབ་ཡོད་པ༌ཡིན། 28 ཕོ་ཉ་དེ་ཉིད་བུ་མོའི་གམ་དུ་སོང་ནས་འདི་སྐད༌དུ། དཀོན་མཆོག་གི་ཐུགས་རྗེ་ཆེན་པོ་ཐོབ་པའི་བུ༌མོ། ཁྱོད་རང་བདེ་བར་གྱུར༌ཅིག གཙོ་བོ་ཁོང་ཉིད་ཁྱོད་དང་མཉམ་དུ་བཞུགས་ཞེས་གསུངས་པ༌དང༌། 29 བུ་མོ་མིར་ཡམ་གྱི་སེམས་ཤིན་ཏུ་འཚབས་ཤིང་གཏམ་འདི་ཅི་ཡིན་ནམ་ཞེས་ཡང་དང་བསྐྱར་དུ་བསམས་སོ།། 30 ཡང་ཕོ་ཉས་འདི་སྐད༌དུ། མིར༌ཡམ། མ་འཇིགས༌ཤིག ཁྱོད་ལ་དཀོན་མཆོག་གི་ཐུགས་རྗེ་ཐོབ༌ཅིང་། 31 ལྟོས༌དང༌། ཁྱོད་ལ་མངལ་སྦྲུམ་ནས་བུ་ཞིག་སྐྱེ་བར༌འགྱུར། དེའི་མཚན་ལ་ཡེ་ཤུ་ཞེས་ཐོགས༌ཤིག 32 ཁོང་ནི་སྐྱེས་ཆེན་དམ་པར་འགྱུར༌ཏེ། བླ་ན་མེད་པའི་དཀོན་མཆོག་གི་སྲས་ཞེས་གསོལ་བ་དང་། གཙོ་བོ་དཀོན་མཆོག་གིས་ཁོང་ལ་རང་གི་མེས་པོ་དཱ་བིད་ཀྱི་བཞུགས་ཁྲི་གནང༌བར་འགྱུར་ཞིང༌། 33 ཡུན་ནས་ཡུན་དུ་ཡ་ཀོབ་ཀྱི་རིགས་རྒྱུད་ལ་དབང་བསྒྱུར་བ༌དང༌། ཁོང་གི་རྒྱལ་སྲིད་ཀྱང་མཐའ་མེད་པར་འགྱུར་ཞེས་གསུངས་པ༌ན། 34 མིར་ཡམ་ན༌རེ། ང་ནི་སྐྱེས་པ་སུ་ལའང་འགྲོགས་མ་མྱོང་བས་དོན་འདི་ནི་ཇི་ལྟར་འབྱུང་སྲིད་དམ་ཞེས་ཞུས་པ༌ལ། 35 ཡང་ཕོ་ཉས་འདི་སྐད༌དུ། དམ་པའི་ཐུགས་ཉིད་ཁྱོད་ཀྱི་སྟེང་ལ་ཁྱབ་ངེས་ཤིང་བླ་ན་མེད་པའི་དཀོན་མཆོག་གི་ནུས་མཐུ་ཡིས་ཀྱང་ཁྱོད་རང་བསྲུང་བར་འགྱུར༌བས། ཁྱོད་རང་ལས་འཁྲུང་ངེས་པའི་བུ་དམ་པ་དེ་ལ་དཀོན་མཆོག་གི་སྲས་ཞེས་གསོལ་བར་འགྱུར་རོ།། 36 ལྟོས༌དང༌། ཁྱོད་ཀྱི་གཉེན་ཉེ་ཨེ་ལི་སཱ་བེད་རྒས་ཤིང་ཕྲུ་གུ་སྐྱེ་མི་ནུས་ཀྱང༌། ད་ལྟ་མངལ་དུ་བུ་སྦྲུམ་ནས་ཟླ་བ་དྲུག་ལ་སླེབས༌ཡོད། 37 རྒྱུ་མཚན་ནི་དཀོན་མཆོག་ལ་མི་འགྲུབ་བྱ་བ་ཅི་ཡང་མེད་པའི་ཕྱིར་ཡིན་ཞེས་གསུངས་སོ།། 38 ཡང་མིར་ཡམ་ན༌རེ། ང་ནི་གཙོ་བོའི་གཡོག་མོ་ཡིན༌ཏེ། ཁྱེད་ཀྱིས་གསུངས་པ་བཞིན་ངའི་སྟེང་དུ་འགྲུབ་པར་སྨོན་ཞེས་ཞུས་པ་དང་ཕོ་ཉ་ཕྱིར་ཕེབས༌སོ།།
མིར་ཡམ་ནི་ཨེ་ལི་སཱ་བེད་ཀྱི་གམ་དུ་ཕྱིན༌པ།
39 སྐབས༌དེར། མིར་ཡམ་ལམ་ལ་ཆས་ཏེ་ཡ་ཧུ་དཱའི་ཡུལ་གྱི་རི་ཁུལ་དུ་ཡོད་པའི་གྲོང་རྡལ་ཞིག་ལ་མྱུར་དུ་སོང༌ཞིང༌། 40 ཟཱ་ཀར་ཡའི་ཁྱིམ་དུ་སོང་ནས་ཨེ་ལི་སཱ་བེད་ལ་འཚམས་འདྲི་བྱས། 41 ཨེ་ལི་སཱ་བེད་ཀྱིས་མིར་ཡམ་གྱི་འཚམས་འདྲི་ཐོས་པ་དང་རང་གི་མངལ་གྱི་ཕྲུ་གུའང་གློ་བུར་འགུལ་ཞིང་ཁོ་མོ་ལ་དམ་པའི་ཐུགས་ཉིད་ཀྱིས་ཁྱབ་པར་གྱུར་ཏོ།། 42 ཨེ་ལི་སཱ་བེད་ཀྱིས་སྐད་གསང་མཐོན༌པོས། བུད་མེད་རྣམས་ཀྱི་ཁྲོད་དུ་ཁྱོད་ལ་དཀོན་མཆོག་གི་བྱིན་རླབས༌ཆེན་པོ་ཐོབ་པ་ཡིན། ཁྱོད་ཀྱི་མངལ་དུ་སྦྲུམ་པའི་བུ་ལའང་དཀོན་མཆོག་གི་བྱིན་རླབས༌ཆེན་པོ་ཐོབ་པ་ཡིན། 43 བདག་གི་གཙོ་བོའི་མ་ཡུམ་ངའི་གམ་དུ་ཕེབས་པའི་དོན་འདི་ངའི་སྟེང་དུ་ཅིའི་ཕྱིར་བྱུང་ངམ། 44 ལྟོས༌དང༌། ཁྱོད་ཀྱིས་འཚམས་འདྲི་བྱེད་པའི་སྐད་དེ་ངས་ཐོས་ཙ༌ན། ངའི་མངལ་གྱི་ཕྲུ་གུའང་དགའ་སྟེ་འགུལ༌བྱུང་། 45 གཙོ་བོས་ཁྱོད་ལ་ཅི་གསུང་ཐམས་ཅད་ཇི་བཞིན་འགྲུབ་པར་ཡིད་ཆེས་པའི་བུ་མོ་ཁྱོད་རང་བདེ་བར་སྨོན་ཞེས་སྨྲས༌སོ།།
མིར་ཡམ་གྱི་བསྟོད༌གླུ།
46 དེ་ནས་མིར་ཡམ་གྱིས་གླུ་འདི་ལྟར་བླངས༌ཏེ།
ཕྲན་གྱིས་སྙིང་ནས་གཙོ་བོ་ལགས་ལ༌བསྟོད།།
47 སྐྱབས་མགོན་དཀོན་མཆོག་ཉིད་ལ་སེམས་དགའོ།།
48 ཁོང་གིས་དམན་ཆུང་གཡོག་མོ་བདག་ལ༌གཟིགས།།
གཟིགས་དང་དེང་ཕྱིན་མི་རབས་ཐམས་ཅད༌ཀྱིས།།
བདག་ལ་བདེ་ལེགས་ཡིན་ཞེས་བརྗོད་པར༌འགྱུར།།
49 ཀུན་དབང་མཆོག་གིས་བདག་ལ་མཛད་པ༌མཚར།།
ཁོང་གི་མཚན་ནི་དམ་པ་ཡིན་ལགས༌སོ།།
50 ཁོང་གི་ཐུགས་རྗེ་མི་རབས་ཡོངས་ལ༌གནས།།
ཁོང་ལ་གུས་ཤིང་འཇིགས་པ་ཀུན་ལ༌གནང༌།།
51 མཚར་མཚར་གང་གི་ཕྱག་གིས་མཛད༌པ་མཚར།།
ལེགས་ལེགས་རང་རློམ་ཅན་རྣམས་བདས་པ༌ལེགས།།
52 ལེགས་ལེགས་རྒྱལ་ངན་ཁྲི་ལས་ཕབ་པ༌ལེགས།།
མཚར་མཚར་གཉོམ་ཆུང་ཅན་རྣམས་སྐྱོང་བ༌མཚར།།
53 དོན་བཟང་གིས་ནི་བཀྲེས་རྣམས་འགྲངས་མཛད༌ཅིང༌།། འདིར་དཀོན་མཆོག་གིས་དྲང་བདེན་གྱི་ལས་ལ་བརྩོན་པ་རྣམས་ཀྱི་ཡིད་ཚིམ་པར་མཛད་ངེས་པར༌གོ
འབྱོར་བ་ཅན་རྣམས་སྟོང་བར་ཕུད་པ་ལགས།།
54-55 གང་གིས་མེས་པོ་ཨབ་ར་ཧམ་སོགས༌ནི།།
རྟག་ཏུ་དྲན་ཞིང་སྙིང་རྗེ་དགོངས་པའི༌ཕྱིར།།
སྔར་ནས་བདག་ཅག་མེས་པོར་གསུངས་པ༌བཞིན།།
ཞབས་ཕྱི་པ་སྟེ་ཡེས་ར་ཨེལ་ལ་ནི༎
རོགས་སྐྱོར༌གནང༌བ་ཡིན་ཞེས་གྲགས་པ་འོ༎
ཞེས༌པའོ།། 56 མིར་ཡམ་ཟླ་བ་གསུམ་ཙམ་ལ་ཨེ་ལི་སཱ་བེད་དང་མཉམ་དུ་བསྡད་རྗེས་ཕྱིར་རང་ཡུལ་དུ་ལོག༌གོ།
ཁྲུས་གསོལ་མཁན་ཡོ་ཧ་ནན་འཁྲུངས༌པ།
57 ཨེ་ལི་སཱ་བེད་བཙའ་རན་པའི་དུས་ལོངས་པ་དང་བུ་ཞིག་སྐྱེས༌ཤིང༌། 58 ཁྱིམ་མཚེས་དང་གཉེན་ཉེ་རྣམས་ཀྱིས་ཨེ་ལི་སཱ་བེད་ལ་གཙོ་བོས་ཐུགས་རྗེ་ཆེན་པོ་དགོངས་པ་ཐོས་ནས་ཁོ་མོ་དང་མཉམ་དུ་དགའ་བར་གྱུར་ཏོ།། 59 ཉིན་བརྒྱད་པ་ལ། ཁོ་རྣམས་ཕྲུ་གུའི་མཚན་སྐྱི་གཅོད་པར་བལྟ་རུ་ཡོང༌སྟེ། ཕྲུ་གུའི་མིང་ལ་ཡབ་ཀྱི་མིང་ལྟར་ཟཱ་ཀར་ཡ་ཞེས་འདོགས་པར་བསམས༌ནའང༌། 60 བུའི་མ་ཡིས་མིང་དེ་ལྟར་གདགས་མི་ཆོག་པར་ཡོ་ཧ་ནན་འདོགས་དགོས་ཞེས་སྨྲས་པ༌ན། 61 དེ་རྣམས་ན༌རེ། ཁྱོད་ཀྱི་གཉེན་ཉེའི་ཁྲོད་དུ་མིང་དེ་འདྲ་ཞིག་སུ་ལའང་མེད་ཅེས་སྨྲས་པ༌དང༌། 62 བུའི་མིང་ལ་ཅི་ཞིག་འདོགས་འདོད་དམ་ཞེས་བུའི་ཕ་ལ་ལག་བརྡ་བྱས་པ༌ན། 63 ཁོས་ཤིང་ལེབ་ཅིག་ཁྱེར་འོང་དུ་བཅུག་ནས་བུའི་མིང་ལ་ཡོ་ཧ་ནན་ཟེར་ཞེས་བྲིས་པས་མི་ཐམས་ཅད་ངོ་མཚར་བར་གྱུར། 64 དེ་མ་ཐག་ཏུ་ཟཱ་ཀར་ཡས་ཁ་གདངས་ཤིང་ལྕེ་ཡང་གྲོལ་ནས་སྐད་ཆ་སྨྲས་པ་དང་དཀོན་མཆོག་ལ་བསྟོད་བསྔགས་བརྗོད་དོ།། 65 ཁྱིམ་མཚེས་ཚང་མའང་ངོ་མཚར་བ༌དང༌། དོན་དེ་རྣམས་ཡ་ཧུ་དཱའི་ཡུལ་གྱི་རི་ཁུལ་ཀུན་ཏུ་ཁྱབ་པར་གྱུར། 66 གནས་ཚུལ་དེ་ཐོས་པ་ཐམས་ཅད་ཀྱིས་ཀྱང་དོན་དེ་ཡིད་ལ་བཟུང༌ཞིང༌། གཙོ་བོའི་ཕྱག་གིས་ཕྲུ་གུ་དེར་སྐྱབས་འཇུག་གནང་ཡོད་པས་མ་འོངས་པ་ན་ཁོ་ནི་ཅི་ལྟ་བུ་ཞིག་ཏུ་འགྱུར་རམ་ཞེས་སྨྲས༌སོ།།
ཟཱ་ཀར་ཡའི་ལུང༌བསྟན།
67 དུས༌དེར། ཕྲུ་གུའི་ཕ་ཟཱ་ཀར་ཡ་ལ་དམ་པའི་ཐུགས་ཉིད་ཀྱིས་ཁྱབ་པར་གྱུར་ནས་འདི་སྐད་དུ་ལུང་བསྟན་གནང༌ངོ༌།།
68 གཙོ་བོ་ལགས་ཏེ་ཡེས་ར་ཨེལ་གྱི་དཀོན་མཆོག་ལ།།
བསྟོད་པ་དང་ནི་བསྔགས་བརྗོད་ཀུན་ནས་འབུལ་འོས་སོ།།
གནས་འདིར་ཕེབས་ཤིང་རང་གི་མི་སྡེ་ཐར་བར་མཛད།།
69 ཁོང་གིས་ཞམ་རིང་དཱ་བིད་ཅེས་པའི་ཁྱིམ་རྒྱུད༌ནས།།
བདག་ཅག་ཆེད་དུ༌ཐར་པའི་རྭ་དུང་བསྩལ་པ་ལགས།།
70 གནའ་ནས་ལུང་སྟོན་དམ་པའི་ངག་བརྒྱུད་གསུངས་པ༌བཞིན།།
71 བདག་ཅག་དགྲ་དང་སྡང་སེམས་ཀུན་ལས་ཐར་མཛད༌དེ།།
72 ཁོང་གིས་དམ་པའི་ཞལ་ཆད་དེ་ཉིད་དྲན་པ༌དང༌།།
བདག་ཅག་མེས་པོ་རྣམས་ལ་ཐུགས་རྗེ་གནང་ལགས༌སོ།།
73 དེ་ནི་མེས་པོ་ཨབ་ར་ཧམ་ལ་དམ་བཅས༌ཏེ།།
74-75 ཁོང་གིས་བདག་ཅག་ལ་ནི་དགྲ་ལས་སྐྱོབ་ཕྱིར༌དང༌།།
གང་གི་དྲུང་དུ་ཚེ་གཅིག་དུས་ཀུན༌འཇིགས་མེད་ངང་།།
དྲང་བདེན་དམ་པའི་སྒོ་ནས་ཁོང་ལ་བསྙེན་བཀུར༌བྱེད།།
76 བདག་གི་བུ་ཁྱོད་གཙོ་བོའི་སྔོན་དུ་འགྲོ་བ༌དང༌།།
ཁོང་གི་གཤེགས་ལམ་སྟ་གོན་བྱེད་ཕྱིར་ཁྱོད་ལ་ནི།།
བླ་མེད་དཀོན་མཆོག་ཉིད་ཀྱི་ལུང་སྟོན༌པ་ཞེས་སྒྲོག །
77 མི་སྡེ་ཀུན་གྱི་སྡིག་པ་བསལ་ནས་ཐར་བའི༌དོན།།
ཁྱོད་ཀྱིས་ཁོང་གི་མི་སྡེ་ལ་ཡང་ཤེས་སུ༌འཇུག །
78 རང་རེའི་དཀོན་མཆོག་ལ་ནི་ཐུགས་རྗེ་ཆེ་བའི༌ཕྱིར།།
ཞོགས་པའི་ཉི་འོད་དགུང་ནས་ངེད་ལ་འཆར་བའི༌ཚེ།།
79 འཆི་ཁའི་སྨག་རུམ་ཆེན་པོར་སྡོད་པའི་མི་ཀུན༌ལ།།
འོད་སྣང་འཕྲོ་ཞིང་གོམ་པ་བདེ་བའི་ལམ་དུ༌འཇུག །
ཅེས༌པའོ།། 80 ཕྲུ་གུ་དེ་རིམ་བཞིན་ནར་སོན་པ༌དང༌། སེམས་སུ་སྟོབས་ཤུགས་འཛོམས་ཤིང་། ཡེས་ར་ཨེལ་མི་རིགས་ཀྱི་མདུན་ལ་མངོན་པར་བྱེད་པའི་བར་དུ་དབེན་སྟོང་གི་ཡུལ་དུ་གནས༌སོ།།

*ལེའུ་དང༌པོ།:17 ཨེ་ལི་ཡཱ་ཞེས་པ་ནི་ཡ་ཧུ་དཱའི་མི་རིགས་ཀྱི་གནའ་བོའི་ལུང་སྟོན་པ་ཞིག༌ཡིན།

ལེའུ་དང༌པོ།:17 གཙོ་བོ་ཞེས་པར་མ་ཕྱི་ལས་ཁོང་ཞེས་ཁོ་ན༌མཐོང༌། འདིར་སྐྱབས་མགོན་ཡེ་ཤུ་ལ་གོ༌དགོས། མདོ་རྗེས་མར་འབྱུང་བའི་གཙོ་བོ་ཞེས་པ་སྐབས་འགར་ཡབ་དཀོན་མཆོག་ལ་གོ་བ༌དང་། སྐབས་འགར་སྐྱབས་མགོན་ཡེ་ཤུ་ལ༌གོ་བ་ཡིན།

ལེའུ་དང༌པོ།:53 འདིར་དཀོན་མཆོག་གིས་དྲང་བདེན་གྱི་ལས་ལ་བརྩོན་པ་རྣམས་ཀྱི་ཡིད་ཚིམ་པར་མཛད་ངེས་པར༌གོ