1 ༼ཡར་གནས་མཇལ་དུ་འགྲོ་བའི་མགུར༌མ།༽ རི་རྣམས་ཕྱོགས་སུ་ང་ཡི་མིག་ཟུང༌འདེགས། །ང་ཡི་སྡོངས་གྲོགས་གང་ནས་འབྱོན་འགྱུར༌རམ།། 2 མ་གཞི་དེ་ནི་གནམ་སའི་བྱེད་པོ༌སྟེ། །ཡ་ཝཱེའི་ཕྱོགས་ནས་ང་ལ་འཐོབ་པ༌ཡིན།། 3 ཁོང་གིས་ཁྱོད་ཀྱི་རྐང་པ་འཁྱར་མི༌འཇུག །ཁྱོད་རང་སྲུང་མཁན་ཁོང་ཉིད་གཟིམ་མི༌བྱ།། 4 ལྟོས་དང་ཡེས་ར་ཨེལ་ནི་སྲུང་མཁན༌ཁོང༌། །གཉིད་ཅོག་མི་རྒྱག་མནལ་དུ་ཡང་མི༌གཟིམ།། 5 ཡ་ཝཱེ་ཁྱོད་རང་སྲུང་མཁན་ཡིན་པ༌ལགས། །ཁོང་ཉིད་ཁྱོད་ཀྱི་གཡས་སུ་གྲིབ་སོ༌ཡིན།། 6 ཉིན་མོར་ཉི་མས་ཁྱོད་ལ་གནོད་མི༌བསྐྱལ། །མཚན་མོར་ཟླ་བས་ཁྱོད་ལ་འཚེ་མི༌བྱ།། 7 ཡ་ཝཱེས་ཁྱོད་རང་གནོད་འཚེ་ཀུན་ལས༌བསྲུང༌། །ཁྱོད་ཀྱི་ཚེ་སྲོག་ཀྱང་ནི་བསྲུང་བར༌འགྱུར།། 8 ད་ལྟའི་དུས་ནས་ཇི་སྲིད་འཚོ་བའི༌བར། །ཁྱོད་ནི་ཐོན་ནམ་འགྲོ་དུས་ཡ་ཝཱེས༌བསྲུང༌།།