1 ༼ཡར་གནས་མཇལ་དུ་འགྲོ་བའི་མགུར༌མ།༽ ཡ་ཝཱེ་བདག་གིས་གཏིང་ནས་ཁྱེད་ཉིད་འབོད།། 2 ཀྱེ་ཀྱེ་གཙོ་བོ་ང་ཡི་སྐད་ལ༌གསོན། །ང་ཡི་འོ་དོད་ཞུ་བར་སྙན་གཏོད༌རོགས།། 3 ཡ་ཝཱེ་ཁྱེད་ཀྱིས་ཉེས་པ་རྩད་བཅད༌ན། །དེ་ནས་སུ་ཞིག་ཚུགས་ནུས་ཀྱེ་གཙོ༌བོ།། 4 འོན་ཀྱང་ཁྱེད་ལ་གུས་ཤིང་འཇིགས་ཕྱིར༌དུ། །སྡིག་ཉེས་བསལ་བའི་བཀའ་དྲིན་ཁྱེད་ལ༌ཡོད།། 5 ང་ཡིས་ཡ་ཝཱེར་སྒུག་ཅིང་སེམས་ཀྱིས༌སྒུག །ཁོང་གི་བཀའ་ལ་བདག་གིས་རེ་བར༌བྱེད།། 6 ང་ཡི་སེམས་ཀྱིས་གཙོ་བོར་སྒུག་པ༌ནི། །མེལ་ཚེས་སྐྱ་རེངས་ཤར་བར་སྒུག་ལས༌ལྷག །མེལ་ཚེས་སྐྱ་རེངས་ཤར་བར་སྒུག་ལས༌ལྷག། 7 ཡེས་ར་ཨེལ་ཁྱོད་ཡ་ཝཱེར་རེ་སྒུག༌གྱིས། །ཅི་ལ་ཞེ་ན་ཁོང་ལ་བྱམས་བརྩེ༌དང༌། །བླུ་ཐབས་ཡོངས་སུ་རྫོགས་པ་ལྡན་པས་སོ།། 8 དེ་ནས་ཉེས་པ་ཀུན་ལས་ཡེས་ར༌ཨེལ། །ཁོང་གིས་སྒྲོལ་བར་མཛད་པར་གདོན་མི༌ཟ།།