Ⅰ Ade Yesu Kristo kĩ ɛnyɛ Dawid ɔwa, kĩ Dawid lɛmɛ nyɛ Abraham ɔwa a bawanyɔ kasinu buĩ nɛ awĩ a.

Ⅱ Kito Abraham akũ kɛyawo Lɛgã Dawid akũ bawanyɔ a kama kamɛ nyɛ Abraham ma Isak, Isak ma Yakob, Ⅲ ade Yakob ma Yuda mɔ bawaɛ̃nyole a. Yuda mɔ ɔtsɔ̃ Tamai ma Perez mɔ Zera. Perez ma Hezron, Hezron lɛmɛ ma Aram. Ⅳ Aram ma Aminadab, Aminadab ma Naheson, Ⅴ ade Naheson ma Salmon a. Salmon mɔ Rahab ma Boaz, ade Boaz mɔ Rut ma Obed a. Obed ma Isai, Ⅵ ade Isai lɛmɛ ma Lɛgã Dawid a.

Kito Dawid akũ kɛnawo lɔkɔ a kĩ bipili Israelfɔ ndom bɛnamɛna Babilonia tite akũ a ni, ade bawanyɔ a kasinu buĩ nɛ awĩ a.

Dawid mɔ otsole a kĩ kufɛ ɛnyɛ Uria ɔtsɔ̃ a ma Salomo. Ⅶ Salomo ma Rehoboam, Rehoboam ma Abiya, Abyia ma Asa. Ⅷ Asa ma Yosafat, Yosafat ma Yoram, Yoram ma Uziya. Ⅸ Uziya ma Yotan, Yotan ma Ahaz, Ahaz lɛmɛ ma Hezekiya. Ⅹ Hezekiya ma Manase, Manase ma Amon, Amon ma Yosiya, Ⅺ ade Yosiya ma Yekoniya mɔ ye bawaɛ̃nyole a.

Ⅻ Kito Israelfɔ kamuniki kato Babilonia kɛyawo Yesu kama lɔkɔ a, bawanyɔ a kasinu buĩ nyɛ Yekoniya ma Sealtiel, Sealtiel ma Zerubabel, ⅩⅢ Zerubabel lɛmɛ ma Abihud. Abihud ma Elyakim, Elyakim ma Azur, ⅩⅣ ade Azur ma Zadok, Zadok ma Akim, Akim lɛmɛ ma Elihud. ⅩⅤ Elihud ma Eleazar, Eleazar ma Matan, ade Matan ma Yakob. ⅩⅥ Yakob ma Yosef a kĩ ɛkɔã Maria a, kĩ ɛma Yesu a kĩ bavɛ Kristo a.

ⅩⅦ Foesũ kito Abraham akũ kɛyawo Dawid akũ ni, bawanyɔ ewua-ana lɛna nɛ kasinu a kamɛ. Ade kĩ kito Dawid akũ kɛnawo lɔkɔ a kĩ Babiloniafɔ pili Israelfɔ ndom bɛnamɛna be tite akũ a, bawanyɔ ewua-ana lɛna nɛ kasinu a kamɛ. Kĩ kito lɔkɔ a na kɛyawo Kristo kama ni, bawanyɔ ewua-ana lɛna nɛ kasinu a na lɛmɛ kamɛ.

ⅩⅧ Ade ayekĩ Yesu Kristo kama fɔlɛtsa a ya nɛ foe kamɛ a nɛ awĩ a. Bitinya ɔma Maria bɛkpa Yosef, lɛmɛ fɔmɔ baapi ye a, Maria mɔ́ eyi ɔsũ kĩ ɛtsɛ̃mɔ kɔma kĩ kuto Hũhũ Kpalɛwa a kamɛ. ⅩⅨ Ayekĩ Yosef nyɛ oti kpĩĩ nɛ Baguma anɛ, ade ɛtáwɛ kĩ yado Maria kɔnyɔã nɛ bati anɛ sũ ni, ɛwɛ kĩ yasĩ ye nɛ kabɛla kamɛ. ⅩⅩ Kĩ ɛkakɔna fukĩĩ akũ a, boe Ɔlate a ode fɔtɔ ɔnyanɛ odi nyɛ ye akũ ɛtsa ye nɛ kɔda kamɛ, ebi ye kĩ, “Yosef, Dawid obi, tavila Maria kakɔã, kitonɛkĩ Hũhũ Kpalɛwa a kamɛ kɔma a to. ⅩⅪ Yaama obinyole, ote ye dĩ kĩ Yesu, kitonɛkĩ ye aanyɛ ye bati etomɛna tɔkpa kamɛ.”

ⅩⅫ Fɔlɛtsa kĩĩ flee ya nɛ foe kamɛ, ayekĩ lɛtsa a kĩ Baguma lɛ eyi ɛtsãmɛna ye onukpɛ̃ ɔnyɛnɛ akũ a fɔya nɛ foe kamɛ kĩ, ⅩⅩⅢ “Oyitsɔ̃ kĩ enyína onyole aatsãmɔ kɔma, ɛma obinyole. Baavɛ ye Imanuel,” kĩ de kayɔ nyɛ, “Baguma deĩ mɔ boe.”

ⅩⅩⅣ Foesũ kĩ Yosef nyinya a, ɛkɔã Maria ndɛ ayekĩ Baguma ode fɔtɔ ɔnyanɛ bi ye a. ⅩⅩⅤ Lɛmɛ Yosef mɔ Maria táta mɔ akũ ndɛ ɔtsɔ̃ mɔ ɔnyɔ aye, kɛnawo lɔkɔ a kĩ ɛma ye obinyole a. Ade Yosef te ye dĩ kĩ Yesu a.