Salmo 67
67
Kdayen i kafye Dwata
Ani satu lingag.
1 E Dwata, kandom gami, na blém di gami kafye;
toom fite i klehewam gami;
2 du fye gadè kdee to i knayeam,
na i dad to di klamang banwe, gadèla i kagalwà mdà di ge.
3 E Dwata, mulà moon ku dnayen ge i dad to;
i kdee to moon too dmayen ge.
4 Flehew moon i dad to di sahal dad banwe na mlingag di klehewla,
du i kebem i dad to too matlu na ge i mebe i kdee banwe.
5 Dnayen ge moon i kdee to, Dwata;
too ge moon dnayen.
6 Na nun kadang bong ulê mdà di tanà du Dwata, kenen i Dwataito,
na kenen sa i mlé gito kafye.
7 Hae, du Dwata sa i mlé kafye,
taman i kdee to di kdee banwe nun klikòla moon di kenen.