49
Yakↄbu sa'olɛkɛa a nɛ́ↄnɛ
Yakↄbu a nɛ́ↄ sìsi, ↄ̃ à mɛ̀: À kãaamazi, mí yã́ pↄ́ a á le gbɛzã oɛ́.
À kↄ̃ kãaa ma nɛ́ↄ, à swã́kpa,
í á mae Isaili yãma.
Lubɛni ma yoa, ma gbãa,
ma gↄ̃sakɛ nɛ́ sɛ̃́ia,
n gawi ń n ikoo dɛ ń gbɛ̃́ↄla.
Ń pãsĩ lán ísↄ̃wa,
kási ńyↄ̃ↄ dɛńlao,
asa n dɛdɛ n da n mae wúlɛkĩia,
n gbadà ma nↄↄ dowaɛ.* Daa 35.22
Simɛↄ ń Leviio mɛ́ kↄ̃gbɛ̃ↄ ũ,
aa pãsĩ ń fɛ̃ndao.
Ma lɛ́ kú an lɛkpaaĩ guuo,
ma bàa kúńnↄo.
Asa aa gbɛ̃́ↄ dɛ̀dɛ ń pↄkũmao, Daa 34.25
aa zuↄ kĩzã zↄ̃̀zↄ̃ lán kↄ̃̀ↄ yã́wa.
Lua láaikɛmá ń pↄkũma zↄ̃ↄ yã́i,
aà lɛkɛnɛ́ ń pↄfɛ̃ pãsĩ yã́i.
Má ń kɛ̃kↄ̃wa Yakↄbu buiↄ guuɛ,
mí ń buiↄ fãaa Isailiↄ guu.
Yuda, n gbɛ̃́ↄ n sáaukpa.
Ńyↄ̃ n ibɛɛↄ kṹ ń nↄ̀ɛ,
n mae nɛ́ↄ kúlɛnɛ.
Yuda dɛ lán nↄ̀ↄmusuwa. Zia 5.5
Ma nɛ́pi ì su ń toekao,
ì gaɛ ì wúlɛ a tòou.
Démɛ a fↄ̃ aà vui?§ Nao 24.9
10 Kpala a go Yudalao,
aà buiↄ mɛ́ aaↄ lípana kũa
e kpalade àↄ mↄ́,
bui píi i misiilɛɛ̀.
11 A a zàa'ĩna dↄ vɛ̃ɛliwa,
a a zàa'ĩn nɛ́ ye vɛ̃ɛli maawa.
Vɛ̃ɛ aↄ diaàziɛ, iↄ pↄ́ píò,
iↄ a ula pí ń vɛ̃ɛbɛ'io.
12 Vɛ̃ɛ a aà wɛ́ tɛ̃akũ,
vĩ i aà swaa puakũ.
13 Zabulↄni aↄ ku ísia saɛ,
aà bùsu aↄ dɛ gó'ilɛnadↄdↄkĩi ũ.
Aà buiↄ bùsu lɛ́n Sidↄ̃ lɛ́u.
14 Isakaa dɛ lán zàa'ĩn gbãawa,
ìↄ wúlɛa asoↄ zãnguo.
15 Tó aà buiↄ è an kã́mabokĩi maa,
mɛ́ an bùsu na,
aa koo ń aso zíɛɛ, aai zↄzĩkɛnɛ́.
16 Dã a a gbɛ̃́ↄ yã́gↄ̃gↄ̃ a zɛ́wa,
aↄ dɛ Isaili buiↄ do ũ.
17 Dã buiↄ aaↄ dɛ lán mlɛ̃ pↄ́ kú zɛ́ lɛ́wa,
lán sↄ̀gbalawa zɛ́wɛwɛna saɛ.
Aa sↄ̃́ só a koewa,
sↄ̃de i bↄlɛlɛ kpaanla.
18 Dii, ma wɛ́ dↄnzi ǹ ma suaba.
19 Gada buiↄ sↄ̃, zĩgↄ̃ↄ ãnamá,
kási aali pɛ́lɛńziɛ.
20 Asɛɛ buiↄ blɛá blɛ nísideɛ,
blɛ pↄ́ dɛ kía blɛ maa ũ ↄ̃ aali kɛ ń bùsuu.
21 Nɛfatali buiↄ dɛ lán banawa sɛ̃u,
aa nɛ́ kɛfɛnaↄ i.
22 Yosɛfu buiↄ dɛ lán lí nɛ'ina pↄ́ kú nibↄna saɛwa,
aà gↄ̃naↄ fɛlɛ da gĩa fↄ̀ↄↄ.
23 Kàzunaↄ íbɛlɛsɛńnↄ,
aa ń yá ń kao.
24 Aaↄ ń sá kũa deesai
Yakↄbu Lua Gbãade sabai,
an ↄ gbãa mɛ́ a gↄ̃i vĩ
Isailiↄ Gbɛ pↄ́ ì dↄaanɛ́ yã́i.
25 N mae Luapi mɛ́ a dↄnlɛ,
Gbãapiidepi mɛ́ a báaadangu
ń lou'i pↄ́ ì bↄ musuo,
ń ɛ̀fãai pↄ́ kálɛa tↄↄlɛ zíɛo.
N nↄↄ ń n pↄ́ↄ aaↄ dɛ nɛadeↄ ũɛ.
26 Sa'olɛ pↄ́ n mae n gba
zↄ̃ↄ dɛ ma deziↄ pↄ́a,
a zↄ̃ↄ dɛ gbɛ̀sĩsĩ ziↄla.
Lua to pↄmaaↄ su Yosɛfu miwa,
asa ↄ̃mɛ bɛɛɛ vĩ a gbɛ̃́ↄ guu.
27 Bɛ̃yãmɛɛ buiↄ aaↄ dɛ
lán àwalɛwan pãsĩwa,
aa lɛ́lɛ gbɛ̃́ↄwa kↄↄ,
aai ń pↄ́ↄ naaa oosi.
28 Isaili bui mɛ̀n kuɛplaↄn we píi. Sa'olɛ pↄ́ an mae ń gbán we, baade ń a pↄ́o.
Yakↄbu gaa ń aà vĩao
29 Ɔ̃ a ònɛ́: Tó ma ã́nuatò, à ma vĩ ma deziↄ gbɛ̀'ɛ pↄ́ kú Iti bui Ɛfↄ̃nↄ bua guu. 30 Gbɛ̀'ɛpi ku Mapelaɛ, Mamale gukpɛ oi Kanaa bùsuu, bua pↄ́ Ablahaũ lù Iti bui Ɛfↄ̃nↄwa gɛvĩkĩi ũ.* Daa 23.16-17 31 We wà Ablahaũ vĩ̀u ń a na Salao. Daa 25.10 We wà Izaaki vĩ̀u ń a na Lɛbɛkao. Daa 35.29 We ma Lea vĩ̀u. 32 Wà búpi ń a gbɛ̀'ɛo lù Itiↄwaɛ. 33 Kɛ́ Yakↄbu lɛ́pi dìlɛ a nɛ́ↄnɛ a làa, à ɛ̀a wùlɛ, ↄ̃ à gà.

*49:4 Daa 35.22

49:6 Daa 34.25

49:9 Zia 5.5

§49:9 Nao 24.9

*49:30 Daa 23.16-17

49:31 Daa 25.10

49:31 Daa 35.29