1 Gbáa ń gugiio a pↄnakɛ,

guwaiwai a yáalↄ,

kpaa a bↄlɛu.

2 A vukɛ ń pↄna zↄ̃ↄo, a gulakɛ.

Libã gawi a gↄ̃ɛ̀,

Kaamɛli ń Salↄnao maa a pisiwà,

wi Dii wá Lua gawi ń a zↄ̃ↄkɛo e.

3 À á gã̀sĩ pↄ́ gↄ̃̀ dↄáziↄ zu,

à á gbá pↄ́ gↄ̃̀ tèeeↄ sɛ́.*Ɛbɛ 12.12

4 À o gbɛ̃́ pↄ́ an kã́ gàↄnɛ:

À sↄ̃dilɛ, ásu to vĩa á kũo.

À gwa! Á Lua lɛ́ mↄ́ tↄsiiɛ́,

àlɛ mↄ́ fĩaboinɛ́, i á suaba.

5 Vĩ̀aↄ wɛ́ a kɛ̃́,

swãdoↄ swã́ a wɛ̃,

6 ɛɛↄ vĩvĩ lán banawa,

lɛ́nanaalɛadeↄ gulakɛ,†Mat 11.5

asa gbáa a pũna ń ío,

gugii a li swa ũ.

7 Tↄↄlɛ wãa a li íkalɛkĩi ũ,

gugii a gↄ̃ nibↄna ũ.

Gbɛ̃gbonaↄ kálɛkĩi a vↄ̃́ ń wáao ń swamↄeo bↄlɛ.

8 Wa zɛda bↄ we,

wa mɛ zɛ́piɛ zɛ́ pↄ́ a kua adoa.

Gbã̀lɛnaↄ sɛo,

sↄũ a bɛbɛ kpa a ãao,

zɛ́pi aↄ dɛ a sɛnaↄ pↄ́ ũɛ ńtɛ̃ɛ.

9 Nↄ̀ↄmusu aↄ ku weo, wàie a sↄ̃io,

wa wɛsi wàilɛ weo.

Gbɛ̃́ pↄ́ Lua ń suabàↄ mɛ́ aaↄ bɛ we,

10 gbɛ̃́ pↄ́ Dii ń bópiↄ ɛa su,

aa gɛ̃ Siↄna ń kúkuakɛao,

pↄna láasai kú ń musu,

pↄna ń yaalↄo gɛ̃ńzi,

pↄsia ń wɛ̃nao gɛ̃zɛa.