Bibeli Luayãtaalá Soũↄ 53

53

Mìsaide yã'oa

(Soũ 14)

1 Davidi lɛ.

2 Mìsaideↄ ì o ń sↄ̃ guu Lua kuo,

aa ↄ̃̀ↄkpà, an yãkɛa vãi,

yãmaakɛna kú ń guuo.

3 Za musu Lua ì wɛ́tɛ gbɛ̃nazĩnaↄzi,

ì gwa tó gbɛ̃e ↄ̃nↄ kà a kĩ́i wɛɛlɛa.

4 Aa sã̀sã píi aa gↄ̃̀ dↄ̀ↄsai míↄmiↄ,

yãmaakɛna kú ń guuo, baa do.*

5 Vãikɛnaↄ wɛ́ lí gu'eo lé?

Aaì ma gbɛ̃́ↄ mↄ́mↄ lán úwa,

aali lɛzu Luazio.

6 Vĩa ń kṹ maamaa,

vĩa pↄ́ↄ ku we sↄ̃o.

Lua tò gbɛ̃́ pↄ́ lɛ̀lɛwáↄ gↄ̃̀ kálɛa gɛↄ ũ,

a widàmá kɛ́ Lua gìńzi yã́i.

7 Lua, bↄ Siↄna mↄ ǹ Isailiↄ suaba!

Tó Lua sù ń a gbɛ̃́ↄ ń pá ziu,

Yakↄbu buiↄ pↄnakɛ,

Isailiↄ yáalↄ.

*53:4 Lom 3.10-12