1 Yↄ̃nkↄ dì o a swɛ̃̀n Luda kunlo.

Gbɛ̃nↄ yàku kpà, ń yãkɛna vãni,

yãmanakɛri ke kú ń tɛ́ro.

2 Zaa musu Dikiri dì bisãsirinↄa tàasi ká

à gwa tó gbɛ̃ke ↄ̃ndↄ̃ kà à a ki wɛtɛ.

3 Ò sã̀tɛ ń pínki ò gↄ̃̀ dↄ̀rↄↄ sari míↄmiↄ,

yãmanakɛri ke kú ń tɛ́ro, bee mɛ̀n do.

4 Vãnikɛrinↄn dↄ̃na vĩnloo?

Òdi ma gbɛ̃nↄ mↄ́mↄ lán ú bà,

òdi Dikiri sísiro.

5 Gwen vĩna ń kũn manamana,

zaakũ Luda kú kũ gbɛ̃ mananↄ.

6 Òdi kpá takasidenɛ a pↄyeinakɛnaa,

ama Dikirimɛ a utɛki ũ.

7 Luda, ǹ bo Zaiↄ̃ ǹ mↄ́ ǹ Isarailanↄ sura ba!

Tó Dikiri sù kũ a gbɛ̃nↄ ń gwena zĩn,

Yakubu burinↄ ni pↄnna kɛ,

Isarailanↄ ni yáa dↄ.