Luda yã takada kũ Bisã yão ZABURA 54

Gbɛ̃ kũ òtɛn wɛ́ tãa aduakɛnaa

Lɛ̀ kũ Dauda dà gↄrↄ kũ Zifidenↄ gɛ̀ɛ ò pì Solunɛ, Dauda utɛna ń bùsun.

1 Luda, ǹ ma sura ba n tↄ́ yãi,

ǹ yã símɛnɛ kũ n gbãnao.

2 Luda, ǹ ma aduakɛna ma,

ǹ sã kpá ma yã'onaai.

3 Zaakũ buri pãndenↄ fùtɛmai,

gbɛ̃ pãsĩnↄ tɛni ma wɛ ò ma dɛ,

òdi Luda yã daro.

4 Ludamɛ ma kpanyĩri ũ,

Dikiri mɛ́ à ma kũna.

5 Ǹ ma zãngurinↄ vãni ɛraḿma,

ǹ ń dúgu zↄ̃ n náani yãi.

6 Mani sa omma kũ ma pↄyeinaao,

mani n tↄ́ bo Dikiri, zaakũ ń mana.

7 À ma bo ma warinↄ gũn pínki,

à tò ma yↄ̃̀gↄ̃ kɛ̀ ma ibɛrɛnↄa.