114
Vĩnla dikpɛ lɛ̀ɛ
Kũ Isarailanↄ bò Misila,
kũ Yakubu burinↄ bò gbɛ̃ zĩ̀tↄnↄ tɛ́,
Yudanↄ bùsuu gↄ̃̀ Dikiri kúki ũ,
Isarailanↄ bùsuu gↄ̃̀ a kíbleki ũ.
 
Isira Tɛ̃ra wɛ́ sìńlɛ à bàa lɛ̀,
Yoda í ɛ̀ra kpɛ.
Kpinↄ vĩ̀vĩ lán sãkaronↄ bà,
sĩ̀sĩnↄ kↄrↄ lɛ̀ lán sãnɛnↄ bà.
 
Ísira, bↄ́ mɛ́ à n le n bàa lɛ̀ɛ?
Yoda, à kɛ̀ dera n ɛ̀ra kpɛɛ?
Kpinↄ, bↄ́yãin a vĩvĩ lán sãkaronↄ bàa?
Sĩ̀sĩnↄ, à kɛ̀ dera a kↄrↄ lɛ̀ lán sãnɛnↄ bàa?
 
Andunia, ǹ yĩgãyĩgã Dikiri arɛ,
Yakubu Luda arɛ.
À gbɛ̀si kɛ̀ íkatɛki ũ,
à gbɛ̀pu lì ísɛ̃boki ũ.