Luda yã takada kũ Bisã yão ZABURA 120

120

Kunna yãketedenↄ tɛ́

Gɛna Yurusalɛmu lɛ̀ɛ.

1 Ma warikɛnaa gũn ma Dikiri sìsi,

akũ à wèma.

2 Ǹ ma sí yãsiradenↄ ↄĩ

kũ manafikidenↄ lɛ́o.

3 Manafikide, deran Luda ni kɛ nà kũnwoo?

Ke bↄ́n ani kɛnnɛɛ?

4 Ani wɛ́ tãma kũ gↄ̃sa kà lɛ́ nnanↄ

kũ sɛ̃ lí sĩsĩ wãnao.

5 Waiyoo makũ kũ má kú Mɛsɛkinↄ tɛ́,

má vutɛna Kedanↄ bizakutan.

6 Ma vutɛ à gìi kɛ̀ manamana

kũ gbɛ̃ kũ ò zã̀ aafianↄ.

7 Vutɛna aafiaan má yei,

ama tó ma yã ò, fìtiin òdi futɛomai.