1 Tó adi kɛ Dikiri mɛ́ à kpɛ́ bòro,

a bòrinↄ tɛn zĩ pã kɛmɛ.

Tó adi kɛ Dikiri mɛ́ à wɛ̃tɛ dã̀kpãro,

a dãkpãrinↄ tɛn ibɛ̃nɛ kɛ pãmɛ.

2 Futɛna kↄnkↄkↄnkↄ, wutɛna lizãndo,

zĩkɛna bã̀mbãm pↄ́ble yãi bi pãmɛ,

zaakũ Dikiri dì a gbɛ̃ yenyĩdenↄ gba ĩampanaa.

3 Nɛ́gↄ̃gbɛ̃nↄ bi Dikiri gbamɛ,

nɛ́nↄ bi a láadamɛ.

4 Lákũ kànↄn de nà zĩ̀kari ↄĩ,

lɛn kɛfɛnnakɛgↄrↄ nɛ́gↄ̃gbɛ̃nↄn de lɛ.

5 Arubarikaden gbɛ̃ kũ a gbàta pana kũńwo ũ,

tó a ibɛrɛnↄ a lè gãnulɛa, wé'i ni a kũro.