3
Sɑkɑri u yɑ̃ku kowo wɑ
kɑ̃siru sɔɔ
1 Sɑkɑri u Yosue yɑ̃ku kowo tɔnwero wɑ u yɔ̃ Yinni Gusunɔn gɔrɑdon*Yinni Gusunɔn gɔrɑdo - Kɑ Heberum bɑ yoruɑ Yinni Gusunɔ tɔnɑ. wuswɑɑɔ. Mɑ Setɑm†Setɑm - Win sɔmburɑ u kɑ tɑɑrɛ dɑ Gusunɔn wuswɑɑɔ. u yɔ̃ win nɔm geuɔ u kɑ nùn tɑɑrɛ wɛ̃. 2 Mɑ Yinni Gusunɔn gɔrɑdo u Setɑm sɔ̃ɔwɑ u nɛɛ, Gusunɔ u nun gerusi wi, wi u Yerusɑlɛmu gɔsɑ. A ǹ yɛ̃ mɑ Yosue u sɑ̃ɑwɑ nge dɑ̃ɑ nɔɔ ge bɑ wunɑ dɔ̃ɔn di?
3 N deemɑ yɑ̃ɑ disinuginɑ Yosue u sebuɑ u kɑ yɔ̃ gɔrɑdo win wuswɑɑɔ. 4 Mɑ gɔrɑdo wi, u be bɑ yɔ̃ win wuswɑɑɔ sɔ̃ɔwɑ u nɛɛ, bu Yosuen yɑ̃ɑ disinugii ni wunɔ. Mɑ u Yosue sɔ̃ɔwɑ u nɛɛ, wee nɑ nun wunɛn torɑnu wunɑ. Mɑ nɑ nun tɔ̃ɔ bɑkɑ yɑ̃nu sebusiɑ.
5 U mɑɑ woodɑ wɛ̃ u nɛɛ, bu nùn dɑwɑni ye yɑ dɛɛre bɔkusio. Mɑ bɑ nùn ye bɔkusiɑ. Mɑ bɑ nùn yɑ̃nu sebusiɑ. Sɑɑ ye sɔɔ, gɔrɑdo wi, u yɔ̃ mi. 6 U Yosue gɑri yini sɔ̃ɔwɑ u nɛɛ, 7 ɑmɛniwɑ wi, Gusunɔ wɔllu kɑ tem Yinni u geruɑ. U nɛɛ,
ɑ̀ n sĩimɔ win swɛɛ sɔɔ,
mɑ ɑ win woodɑbɑ mɛm nɔɔwɑmmɛ,
wunɑ kɑɑ win sɑ̃ɑ yeru kɑ ten yɑɑrɑn sɔmburu kpɑrɑ.
U koo nun kowɑ be bɑ win sɔmburu mɔ̀n turo.
Yinni Gusunɔ
u koo win sɔm kowo nɑɑwɑ
8 Yosue, wunɛ yɑ̃ku kowo tɔnwero,
wunɛ kɑ wunɛn tɔn be bɑ sɔ̃ wunɛn wuswɑɑɔ,
i swɑɑ dɑkio i nɔ.
Tɔn be, bɑ ko n ginɑ sɑ̃ɑwɑ yĩreru wi u sisin sɔ̃.
Domi Yinni Gusunɔ u koo win sɔm kowo gɔrimɑ wi u sɑ̃ɑ kpii pɔturɑ.
9 Wunɛ Yosuen wuswɑɑɔ, u kperu gɑru yiimɔ.
Wuswɛɛ nɔɔbɑ yiruwɑ tɑ mɔ.
Win tiiwɑ u koo yore te sɔɔ.
Kpɑ u tem mɛn torɑnu wunɑ sɔ̃ɔ teeru.
10 Wi, Gusunɔ wɔllu kɑ tem Yinni u nɛɛ,
yen tɔ̃ɔ te, i ko i sokunɑ i nuku dobu ko bɔri yɛndun sɔ̃ bɛɛn dɑ̃ɑ gbɑɑnɔ.