1 Chơ Bil-dat tễ vil Suah ta‑ỡi neq: 2 “Yiang Sursĩ Sốt Toâr Lứq yỗn dũ tỗp cũai yám noap án; án táq yỗn ien khễ tâng ntốq án sốt tâng paloŏng. 3 Bữn noau noâq rơi ngih máh ranễng tâng paloŏng ca táq ranáq án? Bữn ntốq aléq ma poang tễ Yiang Sursĩ tỡ bữn aclaq? 4 Bữn cũai aléq táq tanoang o choâng moat án? Bữn noau noâq têq rabán mứt pahỡm yỗn cỡt bráh o choâng moat Yiang Sursĩ? 5 Khân talĩ cớp án, rliang casâi tỡ bữn poang ntrớu, cớp mantỗr la tỡ bữn poang tê; 6 khân ngkíq, ntrớu cũai hái bữn kia choâng moat Yiang Sursĩ, hái la samoât mpang tỡ la prưi miat sâng?”