114
Cansái Ũat Bữn Racláh
1 Toâq cũai I-sarel loŏh tễ cruang Ê-yip-tô,
la tŏ́ng toiq Yacốp ca loŏh tễ cutễq cũai mpha parnai.
2 Tangái ki tỗp Yuda la tỗp ca sang Yiang Sursĩ,
cớp nheq tỗp I-sarel cỡt cũai proai án.
3 Dỡq mưt Cusâu cỡt samoât án nhêng, chơ án lúh tễ alới.
Cớp crỗng Yôr-dan tangứt hoi cớp hoi atứng loah chu clĩ.
4 Máh cóh la samoât án lúh tamprũol ariang tỗp mbễq,
cớp máh dũal la tamprũol ĩn tỗp cữu cớt,
yuaq ngcŏh lứq.
5 Ơ dỡq mưt ơi! Yuaq nŏ́q mới lúh ngkíq?
Ơ crỗng Yôr-dan ơi! Yuaq nŏ́q mới tangứt hoi?
6 Ơ máh cóh ơi! Yuaq nŏ́q mới lúh tamprũol ĩn mbễq?
Ơ máh dũal ơi! Yuaq nŏ́q mới lúh tamprũol ĩn cữu cớt?
7 Ơ cốc cutễq ơi! Bo Yiang Sursĩ toâq,
cóq mới cacưt cangcoaih yáng moat Yiang Sursĩ ca Yacốp sang.
8 Lứq án khoiq táq yỗn tamáu cỡt amống dỡq,
cớp táq yỗn côl tamáu cỡt mec dỡq hoi.