1 Cóq sa‑ỡn Yiang Sursĩ, yuaq án táq o níc.

2 Cóq sa‑ỡn Yiang Sursĩ,

3 Cóq sa‑ỡn Ncháu,

4 Ống Ncháu toâp têq táq ranáq salễh toâr lứq.

5 Án khoiq tễng paloŏng la nhơ tễ sarnớm roan rangoaiq án bữm.

6 Án khoiq tễng cốc cutễq nâi yỗn ỡt pỡng dỡq yarũ.

7 Án khoiq tễng moat mandang cớp rliang casâi.

8 Án yỗn moat mandang cỡt sốt tâng tangái.

9 Án yỗn rliang casâi cớp máh mantỗr cỡt sốt tâng sadâu.

10 Án khoiq cachĩt máh con samiang clúng cũai Ê-yip-tô.

11 Án khoiq dững cũai I-sarel loŏh tễ cruang Ê-yip-tô.

12 Án táq ranáq ki nhơ tễ atĩ bữn chớc cớp ngcŏ́ng rêng lứq.

13 Án khoiq cayoah dỡq mưt Cusâu cỡt bar coah.

14 Án khoiq dững máh cũai I-sarel pỡq mpứng dĩ dỡq mưt ki.

15 Ma án táq yỗn puo cớp máh tỗp tahan cruang Ê-yip-tô dớp nheq tâng dỡq mưt.

16 Án khoiq dững proai án pỡq cớp loŏh tễ ntốq aiq.

17 Án khoiq cachĩt máh puo ca bữn chớc lứq.

18 Án khoiq cachĩt máh puo ca bữn ramứh ranoâng.

19 Án khoiq cachĩt Si-hôn, puo tỗp Amô-rit.

20 Án khoiq cachĩt Oc, puo cruang Basan.

21 Án khoiq chiau yỗn proai án ndỡm cutễq máh puo ki.

22 Án khoiq chiau cutễq ki yỗn cỡt mun cũai I-sarel, la máh cũai táq ranáq án.

23 Ncháu tỡ nai khlĩr tỗp hái toâq hái rachíl ma cỡt pê.

24 Án khoiq chuai hái bữn racláh tễ máh cũai par‑ũal hái.

25 Án chứm siem dũ ramứh ca tamoong.

26 Cóq sa‑ỡn Yiang Sursĩ ca ỡt tâng paloŏng.