1 bilenke, bilenke, ma yi komti, wo na dobo yiloko yaken klan kwamero nineri, la co kwi kange nureri, nii wo nii kwiye kange nii werka. 2 wo do nure co nii mobka kwama ko 3 nii yiloko an wom cinen, kwama nuwa dircero ti, co ki co kwama ki dencir, na ya ki ci kale. 4 kambo co bo ki kale gwame, co tiken kab, kwama bwancinententi, kweri ci nyomom dircero. 5 mani ciya bwang ten fabeti, cwa co, wori ci nyombo dir faber. 6 Yeecu yi ci kero ki dangke, di la ci nyombo dike borombo co yi ci tiye. 7 Yeecu yila yiten ci. bilenke, bilenke, ma yi kom ti mo yilok kwameko. 8 kangem bo nimde mori, nob kub, kange nob werka, la kwama nuwa ci bo. 9 mo yiloko, wo gwam wo alo fiye ma wiye di an fiya fukma, can do co ceri, can fiya fiye cana. 10 nii kwiye mani bower, ki bo kan kwii, co twallum kange kanka. ma bo na ci fiya dume, take na ci fiya dutce. 11 mo nii biyuware kendo, nii biyuware kendo ne dume ceu dor kwamarce. 12 wo bwe tomange, kebo nii biyuware wo kebo nii kwame, tono to bicwara bo tiri an cwa dobti kwame wii, la bicwara tam, kwame, yalumten ci. 13 cwo wori con nii nangen kiyeme, take yo co bo kange kwameru. 14 mo nii biyuware kendo, ma nyomom mi, wo mi nyomom ye. 15 te nyomom ye, mo ken ma nyomom te ma ne dume mi ker kwame. 16 mi wi ki kwame, kebo mor kilan do wo. birombo tam, bo ki ci, ciken ciyan nuwa dirmiro, beri ciya yila kilando win kange nii biyuware win. 17 nyo won co dike te cwiye tiye ma ne dume mi, beri na fiyaten co. 18 kange mani na wo a tum co ti minene, di la miki ne ki beimi. mi wi ki bi kwan ne kako, miwi ki kwan tuka ceko tok. ma you ciya kako te nin? 19 yalkako yila kweni tiber yahudawa dor kero woro 20 dutce more ciye ciki wiki kelkeli, takeu twelum, ye bwi ko nuwa co tiye? 21 kangem bo ki wurombo kebo ker nii ki kelkeli an wumom nuwe fukma? 22 duklume wucakke mor urcalima lau. 23 la miyalale, Yeecu yakenti wi karak bikurwabe culaimanu. 24 Yahudawa kentangum co, cin yi co fiyan mwa dob nyo ti mor nyomanka, tano mo mwa Almanciya di nyim nyo nyanglang.” 25 Yeecu yi ci, “ma yi kom di kom ne bo bilenke. nangen do ma ma tiye mor den te mir, ci, ciwarkeroti dor mire. 26 kang wo kom ne bo bilenke, dike bwiye kom kebo kwame mi. 27 kwame mi nuwa dir miroti, ma nyomom ci, ci bwang mententi ken. 28 mi ni ci dumeti diri, mani ciya bwiyati, ni mani a yociti kanmik. 29 te mi wo ne ye ciye, la nobo gwam duwi ka, ni mani a yociti kan temi. 30 mo kange te mi win. 31 la Yahudawa tu tero na cin mobang co ciko. 32 Yeecu ciya la yi ci ki, man nung kumen nangendo yoryori dute fiye te mi wiye la co nangendo wini mor nangendo ma mane, kom mobanye tiye? 33 Yahudawa kari ciya, kebo ki ker nangenero ken nyo cwiti, nyo mobangene, dila ker dilaka, mon nifir dila mo to dor mwero mo yilaken na kwama.” 34 Yeecu ciya ciki mani mulangum mulange ka, mor bolange kume, nace kom bwel ka? 36 tano co ci ki bweldi, la wurombo ker kwamaro bo cinene (mani a dolti ki kero mor bifumere) 36 kom ki yi niwo te cuki, tungu fo dorbitinereu, mon dillam, wori ma yi miki ma bebwe kwama ka'? 37 tano mani ma, ma nange temiro tiri kom nere bilenke. 38 tano mati mairi, bwen kom ne bo bilenke ki nangendo wori kom nyomom kom futangum kom ki te more mi, mi kenneu ma more te.” 39 cin maten na ci tam co, di la ta yamcem, cirum kangcik. 40 taka yamcem, yaken kab kange caji urdun, fiye Yahuda yum mwem bo wucakke tiye, yiken wii. 41 nobo ki la ci bo fiye co wiye. ciki bilenke Yahuda mabo kange yirom, di la gwam dike Yahuda to ki dor mi wuro bilenke. 42 nobo dutce ne bilengke cinen fiye co.