1 nyo na nyim de bi caro cuwam bwireu kiritti nyimom kume ce an dim wuro ca dubom kale wotiye cwi nubo buro fo kaleweu cwici gwam. 2 bwekelkele kwerin dor ner Yafuda Ikarouti bi bwe Caminu ne ken kiritti 3 nyimom te kwama neken digero fo kancek di ci bou tenin di ci ki yang tenin. 4 con kwenem caka cari konin con cukom bellece cin tu yilangko con kwarum bwici ciko 5 la con bwi mwembo ki kwel mwengye com ter nirka na bi bei yolo ceu co wamti ki yilangko wo co kwarum bwici cike. 6 cin bo Bitru, Caminu, la Bitru yico ki teluwe mwaten nirmin naka? 7 kiritti ciya yico ki dige mi ma tiyeu mani mwa nyomti can nawonyo di la ki mwan nyimom 8 Bitru yi co ki mani mwa nirmer nati kiritti nyi co ki no mi nirmwen bori mu man ki teluwe ke bo ka namik koni mwa nirtiye la kange kang miko kange nami ko.” 10 kiritti nyi co ki gwam ni wo yum mwengeu di nyo ka na la com manki dwiti cuko win kom nirum dor kumero la kebo gwam ki me. 11 di la bwiye kiritti nyimom niwo aneken co tiye co dige bwi ci tokke kebo gwam ki me man ki dwi tiye.” 12 kambo kiritti nir cinen nakeri tubellece nyinken tak yi ci ki kom dige mi makime na? 13 kom cuwo yeti kom ki teluwe kange kwama kom tok dong dong mina conyo 14 tana teno teluwe kange kwama nir kimen natiri daten kom keneu ki nir bwiti ki min na. 15 nyori min nyikom ki dangke kom ma kambo mi maki meneu. 16 tano nyori mi yi komti canga mani labo teluwe ce ki dwira bwe tomange labo ni wo tomuce ki dwika. 17 no kom nyimom dige buro kom nob lumam tano kom manangen cukori. 18 ke bo dor ki mer gwam mi tok kero tiye mi nyimom niwo ma cikeu dina kero.' di dor cer co ni wure cakwel mwengye win kange mowe con kungmen ker. 19 mi yi kom ti can nawo na nimde fiye kom tano fiya komdii kom ne bilengke mo. 20 bilengke mi yi kom tiye ni wo yo wuro mi tomuweri yomo niwo yeri yo ni tomu yere.” 21 kambo kiritti tok ki nyeri yuwa tangbe kwom co cuwa ci yici bilengke mi yi komti win tiber atin neken ye.” 22 bi bei loceu torangti bwitici la ci nyimangti keno dor we ci tok tiyeri. 23 win mwo bi beiloce wuro kiritti cwitiye wi to kombo nin bimumwi can kiritti. 24 ci mon Bitru yi tangnim bibeiyo lo yinyo mu tok kange weri. 25 di yila bimtibwici kiritti nin ci tokki teluwe weno le?” 26 co la kiritti ciya co niwo ma dokten cari to bikwen nanne co kom co dokti carito wiyeri la cin ne Yafuda bi bwe cimon Ikariyoti. 27 kambo ci cam carito weri, bwekelkele do co di kiritti yico ki dige mu matiye ma wolom.” 28 ni kange mani mwor caritonin wo nyimom dige bwi co yi co nyowe. 29 kangebo kwatiri tamwi Yafuda tamki cwaye kiyeme kiritti yi ce mun tiyen dige nyi cwitiye na toka nuwece kangeri me diger ki den celeb. 30 kanbo Yafuda yo cariton di can do wo cerum ki kume. 31 kambo Yafuda cuwe kiritti tokki cin duktong bibwe niifit morece. 32 kwama an dugtang co. co ki bwici yila na dugtung co can na wo. 33 bibei bi dwadti nubo mi wari kange kom nyo bi dob kan doye tak na wuro miyi Yafudawa. fiye ka dolyakati can na weu min yi kom. 34 mi ne kom werfunero fwirti kom cwi bwiti na wuro mi cwi komme dila nyo kom cwibuti. 35 na curo nyo nubo a nyimom kom bi beiyo lomiye no kom cwi bwitiri.” 36 cin mon Bitru nyi co teluwe mu ki yangfe? kiritti ciya cari fiye mi yakentiyeu mani mwa dolyakiti can nawo dila ki bwi mwan bwang menti 37 Bitru nyi co ki teluwe nye bwi mani ma dol bwangka mwerti can nawe? man ne dume mi ki den mwer.” 38 kiritti nyi co ki mwan ne dume mwe ki mwan ki den mirdi? kibi cuwom mi yinenti cire bar bi cake mob ki yeri mwan kanangyi kiritti ta'ar.”