1 ሃንሱን ጎራታ ክጫሩን ኦብሳና ማንኮዋኔን ታአቴና ካታማይ ካለ ሄሳኖካን ካእዳንክ ኣን ሌ ኖን ሙተ። ኦፋ. ፈ. 17፡15። 2 አማኖክስኒ ጎጎꬋቢስሮና ጎጎአታይስሮን አብካንና ካክርስቶሳ ዎንጋላኮኒዕ ፈሎይ ኖኔ ዎታ ዋዉን ካሀንዳሮ ጢሞቶሳ ፋርነና፤ 3 ህክና ህታ ጫፍቲ ማዮና ጎጎሻላጋሞንኮያ። ኖና ሂካ አየሱን ኦኤካኔኖ ላኖ እስን መተክስኑን ካሳንዋ። 4 ኦግራን እስኔ ዎታ ታኮግኔ ራኮ ግያኖ ጎራታ ጎራታይ ሰጋ ግኔ፤ ጎጎካሳኒና ኡሱማሌዋ አደ ሌራ። 5 ሃንሱን ኮና ኦብሳና ካኮዋየ ጎራታ አማኖኮክ ጋራ አዴስን ፋረ፤ ሂካና ካኮንየለራ ዎዳሳ ካጫፋራ እስን ጫፍረ ሀራኖካን ዱባ አዳክ ሌራ አመ ማንኮአብሳየሮ ማራንያ።

6 ግዳ አደ ጢሞቶሳ እስን ዶለኮ ኖ ቶስ ኤመተረ አማኖኮክ ጋራና ጌላንጀትስንክ ጋራ ኦዱ ታኢዳን እን ማልስሰራ። አደ ኖና አርጌቶ ታኢዳን ሻዳኖክስና ኖ እስን ድን ካሀልቻኖ ግታክ እስና ኖ ድን ካሀልቻታን ኡሱ ኢን ሰገራ። 7 ሃንሱን አቢላልቴ፤ ጫናቃማኖካንና ራኮታን ዱባ አማኖክስንኮት ኣላንቲ እስኒ ጎጎኢነና። 8 እስን ዋይ አታቴን ማንኮአልተን ማራን ኦግራን ግዳ ኖ ኔፎነ ግና። 9 ኣላንቲ ትስኒ ሄዶካን ሆረ ኦሄላነኖ ገጌሎ ዱባን ዋዉን ኤግታክ ጋላታ ስስን ዳንዳና? 10 አድና ኖ እስን ዲና አማኖክስኒ ካሀንቃተሮ አማጊን አሪና ሄመን ኣሎ አታይ ኤባይናና።

11 ግዳና ኡሱ ሄዶካንና ኣቦካን፥ ጎታካን የሱሳ ክርስቶሳ ኖ እስን ቶስ ጎጎኤሜኖን ራካን ኡሱ ኖን ሀቃጀልሶ። 12 ኖ እስኑን ጌላንጀ ጎጎአብኖ እስን ዱባ እስእስኦሮ ታአብታን ጌላንጄና ካካለቱን ታአብታን ጌላንጀ ጎታ ሀጂናሶ፤ ሀባላኣሶ። 13 ጎታካን የሱሳ ክርስቶሳ ቁሎለ ዱባነ ዎታ ካኮኤሜታሮ ጎራታ ሄዶካንና ኣቦካን ሆረ ቱፍ ካላይኒዕና ቁሉኒዕ ሊ ጎጎሙታኑን ዎዳናትስን ሀአታይሶ።