1 ካካለ ካአቲና ካሳዳምሮ ማላታ ዳሩሪ አን ዴ፤ ኤንገ ታዋ ፈሎይ ካኮሃታ ታጋቾ ታሌተቶ ኤንገ ቶዶባ ካአበሮ ኤርግቻል ቶዶባ አን ዴ።

2 ሂካኮ አባባየረ ኤለን ታኮለለዳንተቶ ማስቶቲ ኣን ኦላራን በከ ኣንክክ ማመ አን ዴ፤ ኡሱማለና ሱላለትና ሱላለትኮት ምስሊ፥ መገኬሳኮኒዕ ቶቶና ማላታ ካአዎዴሮ እባዶ ኣን ዴ፤ እሶና ዋ ካስሰሮ ክራን አቤንጉረን ማስቶቲ ኣን ኦላራን በከ ዶሌ አሌን ግረን። 3 ዋዉን ካሀንዳረ ካሙሴ ማዛሙርና ካኢዳዶ ማዛሙር ሃ አማ ዛማራ ግረን፥

5 ሂካኮ አባባየረ ታአቶ ዳሰ ካኮግቶ ቁሉክ ምን ካዋ ዳሩሪ ባናመ ግራን አን ዴ፤ ብያ. 38፡21። 6 ኤንገ ቶዶባ ካአበራ ኤርግቻል ቶዶባ ቁሉክ ምን ካዋኮ ቤን፤ ሙጭ ካአመ ካሀንቃሮ ጉማራክ ሳርስ ሳርሳቴን ግረን፤ ጌግዮትሶይና ካዎርቂ ሞዋኖ ሞዋቴን ግረን። 7 ኔፎ ታአብቶ መጣ አፋርኮ ኮ ጅሩ ጅሮማኮ ታ ጅሩ ጅሮማ ጌሮን ካግርናሮ ዋኮት ኤንገ ካኮአማጋንተቶ ቶዶባ ታዎርቂ ጡጋል እሶን ስሰ። 8 ቁሉክ ምን ካዋና ካባጃ ታዋኮና ሁናኮ ካከይ ኢዪ አማጋመ፤ ኤርግቻል ቶዶባ ታአበራ ኤንገ ቶዶባ ታጉዳቶ ማዮና ቁሉክ ምን ካዋ ኦሮድ ታብን ላኮዳንዴ። ብያ. 40፡34፤ 1 ዎኖ. 8፡10-11፤ 2 ዎኖ. 5፡13-14፤ ኢሳ. 6፡4።