1 ሂካኮ አባባተረ ቦላክ ጉምቢ ካኮባናራና ሳንሳላታ ገነቴሳይ ካአባተራ ኤርግቻት ዳሩርኮ ዳጋ ግራን አን ዴ፤ 2 ዶቦስ አበጉረ ጌስ ኩማ ሽየ፤ ሂክ ዶቦንሳ ዱርሳ ጎርቱን ጻላየ ታአማማቶ ካሆሬ ሀበሳያ፤ መጣ 3፡1። 3 ሂክ ዶቦስ እባዶ ጎጎሶቦንኮ ጌስ ኩማ ታ አማጋምሮን ኤርግቻት ሂካ ዶቦስ ቦዋክ ጉምቢ ኦሮዴሰ ሉጉደ፤ ጩፈጉረ ካካለ ማዮና ጎጎባኖንኮ ማታማ ካየ፤ ኤሰኮ አባባይረ ጎራታ ክጫሩን ኡሱ ፉራሚን ዶትሳራ።

4 ኤሰኮ አባባየረ አን ኮርፍንጄል ዴ፤ ኡሱ ኮርፍንጄል ጉት ካኮፍርዲሮ ኦዶናት ካአቦ ካሀማጼሮ ዴ፤ ጋራ ካየሱሳ ማንኮአቶቴራን ማራና ሃፉራ ካዋ ማራን መተክሶ ካኮጎሳመሮ እባዶኮት ኔፎ አን ዴ፤ እሶ ሱላለዉና ምዲ ታሱላለን ሳጋዶን ኦግራን ማላታኬሳ በቤድትሶይና ሌረ ገነትሶይ ጉት አንካኖን ኦግራንያን፤ እሶ ጎይኮ ኬንጉረን ክርስቶሳነ ዎታ ጌስ ኩማ ሬደን። ዳኔ. 7፡9፥22። 5 ካሄሰረ ካጎየራ እባዶ አደ ጌስ ኩማ ታአማጋምሮ ጎይኮ ላኮኬራን፤ ህክና ካሆራርጄ ጎይኮ ከያኖያ፤ 6 ካሆራርጄ ጎይኮ ከያኖ ኦሄላቴራን ኦሶማሳሜና ቁሎሌያን፤ ካላም ጎይ እሶ ጉት ኦዶናት ላኮአቦ፤ እሶ ኦዋና ኦክርስቶሳ ቱቃሞል ልናራን፤ ክርስቶሳነ ዎታ ጌስ ኩማ ሬድናራን።

7 ጌስ ኩማ ካኮጉዳተ ጎራታ ጻላየ ሻኖኮ ፉራምናታ፤ 8 አላም ዱባ ጉት ካግሮ ጎሳ ጎግና ማጎግ ሶቢና ጀሬን ቶስ ታብስን ኤመይናራ፤ ሞጋንክሶና ላቡ ታግቶ ጨካለ አንያ። ሕዝ. 7፡2፤ 38፡2። 9 እሶ ኡል ዱባ ጋምባሜን ካቁሎሌ ማማና ታጌላታንተቶ ካታማ ማራሙረን አበን፤ አየሱን ጎአመን ኤለን ዳሩርኮ ዳይደ እሶ ጉብተ ባሰ። 10 እሶ ካሶበረ ዱርሳ፥ ሱላለትና ካጣራ ካሄገሮ ማንኮግሮ ሬስ ታኮጉባታሮ ባድ ታኤሌነቲ ኦሮዴ ሻፋመን፤ ኤሰ አሪና ሄመን ጅሩ ጅሮማኮ ታ ጅሩ ጅሮማ ጌሮን አቦሳምናራን።

11 ሂታኮ አባባየረ አን ካንጂንክ ጉማራክ ኮርፍንጀና ኮርፍንጄ ጉት ካሀማጼሮ ዴ፤ ኡልና ዳሩርና ሆረቴሳኮ ባቃተን፤ ባንኤና እሶን ላኮሄላንተ፤ 12 ካጎየሮ እባዶ ካጪጫርና ካጂንጂ ኮርፍንጄ ሆረ ካአሌሮ አን ዴ፤ ማጻፋልና ባናመ፤ ካግር ማጻፋ ካሌራ ካካለ ማጻፋና ባናመ፤ ኦጎየራና ማጻፋ ፈሎኦትሶ ጻፋሜን ጎጎግራንክ ማለ ፍርዳ አታቴን፤ ዳኔ. 7፡9-10። 13 በከና እሶ ኦሮ ካግሮ ካጎየሮ ስሰን፤ ጎይና ቦዋና እሶ ኦሮ ካግረ ካጎየሮ እባዶ ስሰን፤ እባዶ መተመቴ ፈሎኦቴሳክ ማለ ፍርዳ አታተ፤ 14 ጎይና ቦዋና ባድ ቶስ ሻፋመን፤ ህት ታኤሌነ ባድ ካላምክ ጎይያ፤ 15 መገኬሳ ካግር ማዝጋባይ ጻፋም ካግኖን ዱባ ባድ ታኤሌኔ ቶስ ሻፋመ።