Luda yã takada kↄ̃n Bokobaru yão 1 TIMƆTI 5

Gyaanↄↄnↄ kↄ̃n dↄn'aɛdeenↄ yã

1 Ǹton kpãkɛ̃ mare ìsiziro. Ǹ lɛ́ daa lán n de bà. Ǹ lɛ́ da gↄ̃kparɛnↄa lán n vĩ̀i kↄ̃n n dãaronↄ bà. 2 Ǹ lɛ́ da nↄgbɛ̃ ìsia lán n da bà, ǹ lɛ́ da nↄ gbãaaa lán n dãre bà kↄ̃n nↄ̀sɛ puraao.

3 Ǹ dↄ gyaanↄↄ kɛ̀ aↄ̃ gbɛ̃ke vĩroonↄ lɛ. 4 Tó gyaanↄↄ nɛ́nↄ ke dionↄ vĩ, aↄ̃ ń danɛnↄ gwana dada gĩa ń dↄnzikɛna guu, aↄ̃ fĩa bo ń denↄnɛ kↄ̃n ń danↄ, zaakɛ beee è ká Ludanɛ. 5 Gyaanↄↄ kɛ̀ gbɛ̃ke vĩro wɛ́ɛ dↄ Ludazi, àgↄ̃ adua kɛɛ àgↄ̃ dↄnlɛ gbekaaa gwãavĩ kↄ̃n fãantɛ̃o. 6 Gyaanↄↄ kɛ̀ à zĩnda pↄyezi è dↄnɛ aɛ nɛ́ gɛ̀mɛ, baa tó à bɛ̃ɛ. 7 Ǹ yã pìnↄ dańnɛ lɛ gbɛ̃ke tón ń taari ero. 8 Tó gbɛ̃ e a danɛnↄ gwaaro, atɛ̃nsa à uadeenↄ, à bↄ̀ Luda yã kpɛɛmɛ, Yesusaidee dɛàla. 9 Nↄgbɛ̃ kɛ̀ dɛ wà da gyaanↄnↄ tɛ́n yɛ̀: Nↄgbɛ̃ kɛ̀ kà wɛ̃̀ baaagↄ̃, bensↄ̃ à zã kɛ̀ gɛ̃̀n do, 10 wà à dↄ̃ maakɛri ũ, nɛ́gwari maaa ũ, nibↄfↄ̃ri Luda gbɛ̃nↄ gbá pìpiri ũ, takaasidee dↄnlɛri ũ, nↄgbɛ̃ kɛ̀ mɛ̀ kpà yãmaakɛna píngia ũ. 11 Ǹton gyaanↄ nↄ gbãaanↄ danlo, zaakɛ tó aↄ̃ gↄ̃ nidɛna fɛ̀ɛ, aↄ̃ nana Kirisia é busamɛ, aↄ̃égↄ̃ yezi wà zã kɛ, 12 aↄ̃ ń zĩnda da yãn, kɛ̀ aↄ̃ lɛ́ kɛ̀ aↄ̃ gbɛ̃̀nɛ yã gbòro yãnzi. 13 Beee gbɛra aↄ̃è mɛ̀a dada, aↄ̃ègↄ̃ dↄdↄↄ ualɛzi. Èe kɛ mɛadeenↄn ń ũ adoro, aↄ̃è gↄ̃ gbɛ̃peri gudɛrinↄ ũmɛ dↄ, aↄ̃è yã kɛ̀ dɛ wà oroo o. 14 Beee yãnzi má yezi gyaanↄ nↄ gbãaanↄ zã kɛ, aↄ̃ nɛ́ i, aↄ̃ làakari dↄ bɛɛa, lɛ wàton wa ibɛɛnↄ gba zɛ́ aↄ̃ wa tↄ́ zaaa síro yãnzi. 15 Aↄ̃ gbɛ̃kenↄ bↄ̀ wà tɛ̀ Setãnzi kↄ̀. 16 Tó Yesude nↄgbɛ̃ ke gyaanↄnↄ vĩ a bɛ, àgae dↄńlɛ. Àton tó aↄ̃ gↄ̃ sↄsi gbɛ̃nↄnɛ asoo ũro, lɛ aↄ̃ e wà dↄ gyaanↄↄ kɛ̀ aↄ̃ gbɛ̃ke vĩroonↄ lɛ́ yãnzi.

17 Gbɛ̃nsi kɛ̀ è dↄńnɛ aɛ a zɛ́a kà wà fĩa bonɛ lɛo plaa, atɛ̃nsa gbɛ̃ kɛ̀ waazikɛna kↄ̃n yãdannɛnao aĩa vĩi. 18 Luda yã bè: Àton lɛ́sↄ da zù kɛ̀ èe pↄ́ gbɛ̃ɛnɛro. À bè dↄ: Zĩkɛri kà à a asaia e. 19 Ǹton gbɛ̃ kɛ̀ mↄ̀ kↄ̃n gbɛ̃nsi káarao yã síro, séto sèedadeenↄ kà gↄ̃ↄn plaa ke aagↄ̃ baasiro. 20 Ǹ kpãkɛ̃ gbɛ̃ kɛ̀ aↄ̃ durun kɛ̀nↄzi baade píngi wáa, lɛ vĩa e à gbɛ̃ kpaaanↄ kũ. 21 Ma nannɛ Luda kↄ̃n Kirisi Yesuozi kↄ̃n malaika kɛ̀ à ń sɛ́nↄ, ǹgↄ̃ yã pìnↄ kũna, ǹton gbɛ̃ke bà bↄro. Ǹton yãke kɛ gbɛ̃kenɛ úblembɛ yãnziro. 22 Ǹton wã ǹ ↄ di gbɛ̃a ǹ à da Luda zĩinlo. Ǹton tó n ↄↄ gↄ̃ kú gbɛ̃ke durun guuro. Ǹgↄ̃ n zĩnda kũna gbãsĩ sai. 23 Ǹton í pãa mi atɛ̃ɛro. Ǹgae geepiwɛ̃ gá féte n nↄ̀sɛ yãnzi kↄ̃n n gyãkɛna gɛ̃̀n baaagↄ̃ↄo.

24 Gbɛ̃kenↄ durun è bↄ gupuraaa ai wàgↄ̃ gá à yã gↄ̃gↄ̃ńyo, gbɛ̃kenↄ sↄ̃ ń pↄ́ è bↄ kpakpaaro. 25 Lɛmɛ dↄ yãmaakɛna è bↄ gupuraaa, baa à kɛ̀ wèe ero eé e à gↄ̃ utɛnaro.