Luda yã takada kↄ̃n Bokobaru yão SAAMUNƆ 11

11

Làakarikpaɛna

Dauda lɛ̀.

1 Ma na Diizi.

Bↄ́yãnzin ée beemɛ mà vĩa

mà tá kpiii musuzi lán bãa bà?

2 À zaakɛrinↄ gwa, aↄ̃ kà kpà sála,

aↄ̃ nàɛ gusaɛ aↄ̃ ń sá gà,

aↄ̃ kà zù nↄ̀sɛmaadeenↄzi.

3 Tó fɛɛakaarayã e kaatɛɛ,

gbɛ̃ maaanↄ é kɛ diamɛ?

4 Dii kú a kpɛ́ kɛ̀ kú adona guu,

à vɛ̃ɛna kpatan musu gwe.

È wɛ́ɛ tɛ́ gbɛ̃nteenↄzi à ń tàasi kɛ.

5 Dii è gbɛ̃ maaanↄ yↄ̃ à gwa,

mↄde à zà zaakɛrinↄn

kↄ̃n gbɛ̃ kɛ̀ yã pãsĩ è kɛńnɛ nnaanↄ.

6 Eé tɛ́yↄ̃ kↄ̃n ↄfãntɛ̃gbↄ̃o kú zaakɛrinↄa,

ĩa wãaa bé eégↄ̃ dɛ ń baka ũ.

7 Zaakɛ Dii è yã kɛ a zɛ́a,

yãmaakɛna è kɛnɛ nna,

gbɛ̃ maaanↄ é wɛ́ɛ siàlɛ.