1 Mɛ́ n tↄ́ sɛ́ lezĩ Dii,

zaakɛ n ma kaara,

nɛ́ɛ tó ma ibɛɛnↄ ma nɛro.

2 Dii ma Luda, ma wii pɛ̀nzi,

ben n ma gba aafia.

3 Dii, n ma si miraa,

nɛ́ɛ tó ma si gɛ̀wãanlo.

4 Dii gbɛ̃nↄ, à à tↄ́ kpá,

à à tↄ́ kɛ̀ kú adona sáabu kpá.

5 Zaakɛ à pↄfɛ̃na è gì kɛro,

à aubarika bé ègↄ̃ kuu ai gbɛ̃ wɛ̃̀ndi lɛ́n.

Ɔ́ↄdↄna ègↄ̃ kuu gwãavĩ,

ben guu è dↄ kↄ̃n pↄnnaao.

6 Kɛ̀ má kú nnamana guu ma bè:

Mɛ́ kpágula zikiro.

7 Dii, kɛ̀ n aubarika dàmagu,

n ma zɛ gíngin lán kpiii bà.

Mↄde kɛ̀ n mìkpɛɛ zùmɛ,

ma gↄ̃ bídi guu.

8 N Dii, mbe ma n sisi,

ma kúɛ kɛ̀ ma diinɛ ma bè:

9 Bↄ́ àren ma gaa vĩi ke ma sina gɛ̀wãan?

Ma mira é n tↄ́ kpán yↄ́?

Eé n náanɛ kpàakpa kɛn yↄ́?

10 Ǹ ma yã ma Dii ǹ ma wɛ̃nda gwa,

Dii, ǹgↄ̃ dɛ ma dↄnlɛri ũ.

11 N ma ↄ́ↄdↄna lìɛ ↄ̃wãna ũ,

n ma pↄsia utanↄ pìtima,

n pↄnnaa dàmɛ pↄ́kãsãa ũ.

12 Mɛ́gↄ̃ yĩtɛnaro, mɛ́gↄ̃ n tↄ́ kpaamɛ,

Dii ma Luda,

mɛ́gↄ̃ n sáabu kpaa gurↄ píngi.