Luda yã takada kↄ̃n Bokobaru yão SAAMUNƆ 54

Gbɛ̃ kɛ̀ wèe wɛ́ɛ tãaa aduakɛna

Lɛ̀ kɛ̀ Dauda dà gurↄↄ kɛ̀ Zifideenↄ gàa wà bè Solunɛ, Dauda utɛna ń bùsun.

1 Luda, ǹ ma mì sí n tↄ́ yãnzi,

ǹ yã símao kↄ̃n n gbãaao.

2 Luda, ǹ ma aduakɛna ma,

ǹ swã kpá ma yã'onazi.

3 Zaakɛ bori pãndenↄ fɛ̀ɛmazi,

gbɛ̃ pãsĩnↄↄ e ma wɛɛ wà ma dɛ,

aↄ̃è Luda yã daro.

4 Ludan ma dↄnlɛri ũ,

Dii bé à ma kũna.

5 Ǹ ma zangurinↄ zaaa sↄkpaḿma,

ǹ ń dúgu zↄ̃ n náanɛ yãnzi.

6 Mɛ́ saa omma kↄ̃n ma pↄyezio,

mɛ́ n tↄ́ bↄ Dii, zaakɛ ń maa.

7 À ma bↄ ma nawɛ̃anↄ guu píngi,

à tò ma yↄ̃̀gↄ̃ kɛ̀ ma ibɛɛnↄa.