1 Luda a wɛ́tɛ kàɛ

kpiii kɛ̀ à kú adona musu,

2 Dii ye Zayↄn bĩilɛnↄzi

dɛ Yakubu boriinↄ wɛ́tɛ kpaaanↄla píngi.

3 Luda wɛ́tɛ,

Luda gakui yã ò n musu à bè:

4 Mɛ́ Igipitinↄ kↄ̃n Babilↄnudeenↄ da

gbɛ̃ kɛ̀ aↄ̃ↄ ma dↄ̃ↄnↄ tɛ́.

Filisitininↄↄ kú à guu dↄ

kↄ̃n Tayadeenↄ kↄ̃n Etiopianↄ.

Weé be, wà gbɛ̃ beeenↄ ì gwemɛ.

5 Zayↄn yã musu weé be:

Wà wãanɛ kↄ̃n wãanɛo ì gwemɛ,

Luda Musude bé è à kãsãa pɛ́ɛ gíngin.

6 Tó Dii e gbɛ̃nↄ tↄ́ daa takadan,

eé be: Wà gbɛ̃ kɛ̀ ì gwemɛ.

7 Lɛ̀sirinↄ kↄ̃n ↄ̃wãrinↄ ń píngi aↄ̃é be:

Wa maakɛ píngi è bↄ Zayↄmmɛ.