1 Dii e kí blee, boriinↄ luga,

à vɛ̃ɛna kɛrubunↄ dagura,

anduna nigã.

2 Dii bíta Zayↄn,

à dɛ bori píngila.

3 Aↄ̃ à tↄ́ bíta naasidee bↄ,

à kú adona.

4 Kína pì gbãaa vĩ, à ye yãzɛdeezi,

àmbe à yãkpaɛkɛna a zɛ́a dìɛ,

à yã gↄ̃̀gↄ̃ Yakubu boriinↄnɛ a zɛ́a.

5 À Dii wa Luda tↄ́ sɛ́ lezĩ,

à kúɛ à tinti aɛ,

à kú adona.

6 Musa kↄ̃n Arunao kú à gbã̀gbãrinↄ tɛ́,

Samuɛlin à sìsirinↄ doke ũ,

aↄ̃ à sìsi, ben à wèńla.

7 Zaa tɛ́luguu guun à yã òńnɛ,

aↄ̃ↄ à doka kↄ̃n à yãdannɛnanↄ kũna.

8 Dii wa Luda, n weńla,

ḿbe Luda kɛ̀ è ń taari kɛ̃ńnɛ ũ,

baa kↄ̃n beeeo n ń yã zaaanↄ wìńnɛ ń musu.

9 À Dii wa Luda tↄ́ sɛ́ lezĩ,

à dↄnzi kɛnɛ à kpiii kɛ̀ kú adona musu,

zaakɛ Dii wa Ludaa kú adona.