Luda yã takada kↄ̃n Bokobaru yão SAAMUNƆ 114

114

Banla zĩbaa lɛ̀

1 Kɛ̀ Isarailinↄ bↄ̀ Igipiti,

kɛ̀ Yakubu boriinↄ bↄ̀ gbɛ̃ zĩ̀tↄnↄ tɛ́,

2 Yudanↄ bùsu gↄ̃̀ Dii kúkii ũ,

Isarailinↄ bùsu gↄ̃̀ à kíblekii ũ.

3 Isia Tɛ̃aa wɛ́ɛ sìńlɛ à bàa lɛ̀,

Yoda í kpɛɛ lì.

4 Kpiiinↄ vĩ̀vĩ lán sãkaronↄ bà,

sĩ̀sĩnↄ kↄrↄ lɛ̀ lán sãnɛnↄ bà.

5 Ísia, bↄ́ bé à n le n bàa lɛ̀?

Yoda, à kɛ̀ dia n kpɛɛ lì?

6 Kpiiinↄ, bↄ́yãnzin a vĩvĩ lán sãkaronↄ bàzi?

Sĩ̀sĩnↄ, à kɛ̀ dia a kↄrↄ lɛ̀ lán sãnɛnↄ bà?

7 Anduna, ǹ lugaluga Dii aɛ,

Yakubu Luda aɛzĩ.

8 À gbɛ̀si kɛ̀ íkaɛkii ũ,

à gbɛ̀pukãa lì íbↄkii ũ.