1 Aleluya!

À lɛ̀ dufu sí Diinɛ,

à à táaki lɛ́ à gbɛ̃nↄ kakↄ̃ana guu.

2 Isarailinↄ pↄↄ kɛ nna ń Kɛ̀ria,

Zayↄndeenↄ pↄnnaa kɛ kↄ̃n ń kínao.

3 Aↄ̃ ↄ̃ wã wà à tↄ́ bↄ,

aↄ̃ à táaki lɛ́ kↄ̃n mↄrↄo kↄ̃n sɛ̃gɛ̃sɛ̃gɛ̃o.

4 Zaakɛ Dii gbɛ̃nↄ yã è kánɛ,

è mìsina fùra kú zĩndabusarinↄnɛ.

5 Dii yãmarinↄ pↄnna wii pɛ́ ń zĩ̀blena yãnzi,

aↄ̃ guda dↄ ń daɛbↄ musu.

6 Luda táakilɛna gↄ̃ da ń lɛ́n,

fɛ̃ɛda kpaplaplaaa gↄ̃ naa ń ↄzĩ,

7 lɛ aↄ̃ gɛ̃ɛ boo boriinↄa,

aↄ̃ wɛ́ɛ tão bùsu píngi gbɛ̃nↄa,

8 lɛ aↄ̃ ń kínanↄ yiyi kↄ̃n mↄ̀kyakoonↄ,

aↄ̃ mↄ̀gata ká ń wɛ̃ɛnɛnↄa,

9 lɛ aↄ̃ yã dańla lán à kɛ̃na takada guu nà.

Gakui kɛ̀ Dii yãmarinↄ é een gwe.

Aleluya!