Fuya esega taumoho hesa ya lau be witi tumadi ya lau falili.

4 Tumadi ya lau falili mate: haisa sa be'u edaꞌeda yai, be ataiꞌa sa laoma sa anidi. 5 Haisa sa be'u tanohi umeꞌumeꞌehu yai, tanohina hige i pwatapwata yofede, hige walolona sa kalamoꞌa. 6 Maihala ya sina yofede sa hohoya be sa pe'i paꞌana lamdi hige ti sigilidi. 7 Tumadi haisa sa beꞌu pole pwaludi yai. Pole sa in be tuma hige ti in. 8 Na haisa, sa be'u tanohi loholohona yai. Sa in, be sa fuwa, haisa 100, haisa 60, na haisa 30.

Yena fafabeyamiu, au ataꞌatahi komakoman!

Paꞌana somo be dodoga wa fatalahadi mate palabole wa fapaisowadi?

Galewa ena Aba Baꞌisa sibasibana simosimona Yaubada ya fataumahata lisimiu yai, na dodoga te, iti higeꞌe. 12 Sai haꞌa somo lisina yai, haba hesa sa felen, be ena boludi. Na sai higeꞌe, mate somo begana lebena yai sa abifahi.

13 Egu libaliba yai palabole E fapaisowadi mata paꞌana:

14 Isaiya ena liba haꞌa ya libaen mate iti sa fawananaha fuyana iyen,

16 Na umi, ami loholoho, paꞌana matamiu ami falaladi yo beyamiu sa taꞌafasi. 17 E faliba dudulaimiu, mate peloweta yo dodoga dudulaidi boludi, edi fanuha mate somo umi ami itadi, yo ami atahiyedi bena iti doha. Inmoho, hige gonowadi.

18 Au ataꞌatahi, haba tuma tau falilina aniyona E dedei, be ami sibai. 19 Yena sai Basileiya wasana ya atahiyen, na hige gonowana i nuwatuhu lobahi mate, Iti nenedi doha tuma edaꞌeda sadaina yai sa falilidi. Diyabolo ya laoma be somo nuwana yai ya abifahidi. 20 Haisa sa beꞌulau tano umeꞌumehuna yai mate, iti Yaubada wasana tau atahiyenna, na feula sa abi, ma nuwa amnadi. 21 Inmoho, nuwadi yai hige ti nuwatuhu didin, be hige i ota lofalofa. Be heyaheyaya ya laoma paꞌana liba wa debana yai, feula na nuwadi sa bui fuyoꞌidi. 22 Na witi tumadi haisa sa beꞌu nulinuli ganahewadi yai mate, saluma wasa tau atahiyenna. Inmoho, mwahuli modemodena yai, yo tano'ubu gadolelehiyedi lisidi yai, Yaubada ena liba hige ti fanuha, be ibege ti fuwa loholoho. 23 Na tuma tanohi loholohona yai sa beꞌulidi aniyona mate, saluma liba sa atahiyen yo aniyona sa nuwatuhu lobahi be sa fuwa, haisa 100, haisa 60, haisa 30.

Galewa Aba Baꞌisa itaꞌitana doha ite. Doga hesa ena gabu yai, tuma loholohodi ya falilidi. 25 Iꞌipa esega, dodoga mahudoꞌidi sa eno ꞌwafu, ana waiyunu ya laoma be hawahawa ya falilidi, witi pwaludi yai, habahim ya fuyo. 26 Witi yo hawahawa sa in gogo be witi anꞌannidi sa fatubu sa toledi, na habahim tau paisowa sa ita lobahi mate hawahawa sa in hinaga.

27 Doga wa ena tau paisowa sa laoma lisina be tiyen,

28 Alinadi ya bui iyen,

Sa fatiꞌoi, tiyen,

29 Alinadi ya bui iyen,

Galewa ena Aba Baꞌisa itaꞌitana doha ite. Doga hesa tuma doha saihala dimdim ya abi be ya umahi ena gabu yai. 32 Tuma mahudoꞌidi ganahewadi yai mate, in ya kiu wananaha. Yena ya in mate, umaꞌuma mahudoꞌina ya tubu famulidi. Ya famala doha oyagi kiukiu na ataiꞌa sa laoma, ai lagana sa nohi.

Galewa ena Aba Baꞌisa Nuꞌuna mate doha ite. Waihin hesa yisti ya abi, na fwalawa laꞌina 40 lita maꞌena ya falamo be fwalawa mahudoꞌina ya siu.

<<Tanoꞌubu ena fuya fatubu yai na ginauli simosimodi haba palabole yai E libaedi.>> (Samsi 78:2)

Hawahawa palabolena aniyona u falibamai.

Tuma loholohona tau falilina mate, Doga Natuna. 38 Gabu mate Tanoꞌubu, na tuma loholoho mate, Basileiya nanatudi. Na hawahawa mate Diyabolo nanatudi.†13:38 Uliꞌuli haisa tiyen <<Doga Heyayana nanatudi>> na aniyona mate <<Satani>> o <<Diyabolo>> enehena. 39 Na waiyunu hawahawa ya umahidi mate Diyabolo. Lau gabu fuyana aniyona mate, Tanoꞌubu ena fuya ofi. Tau lau gabu mate anelu.

40 Yena hawahawa sa lagaufidi, haba sa gabudi. Tanoꞌubu ena fuya ofi yai, laulau te haba ya tubu. 41 Doga Natuna haba ena anelu ya fatamalidima, be Aba Baꞌisa Nuꞌuna yai salumadi dodoga sa fafaꞌata ponolidi be heyaheyaya sa ginaulidi, haba sa laꞌa fahidi. 42 Be sa gabudi ai oyagi balebalelemna. Ainiya haba sa tan yo gadigadididi sa nali didinidi. 43 Na fuyanna yai mate, Yaubada ena dodoga haba sa sina doha maihala, Tamadi ena Aba Baꞌisa Nuꞌuna yai.

Yena fafabeyamiu, au ataꞌatahi komakoman!

44 Galewa ena Aba Baꞌisa Nuꞌuna nenena doha ginauli hesa loholohona gabu yai sa simo. Taumoho hesa ya lobahi, yofede ya simo bodai. Gabagabana ya tubi, na ya lau be ena gogo mahudoꞌina ya uneꞌune afuledi, na gabuna ni ya unefahi.

45 Hesauna mate Galewa Aba Baꞌisa doha bisinisi dogana giniꞌuba loloho ya yoꞌoyoꞌoi. 46 Giniꞌuba wa esega ya lobahi, na maisana ya laꞌi, ya fuyo be ena gogo mahudoꞌina ya une afuledi, habahim gini'uba ya une.

47 Heyaheyason hesauna doha ite: Galewa Aba Baꞌisa Nuꞌuna doha hagida sa pei gabogabo yai na haba hama nene hesa-hesa sa ona. 48 Hagida ya mohafu yofede, tau hama sa weꞌa hitin fote yai, na habahim sa taꞌai be hama loloho sa tanoidi be sa husa noho yai. Na heyayadi sa peidi.

49 Tanoꞌubu ena fuya ofi yai, anelu haba sa laoma be tau loholoho yo tau heyaya sa hinelidi. 50 Tau heyaya haba sa peidi ai oyagi balebalelemna. Ainiya haba sa tan yo gadigadidi sa nali didinidi.

Ginauli te haꞌa ami sibaidi?

Alinana sa bui, tiyen,

Ii–, ꞌe nuwatuhu lobahi!

Yena laugagayo tau lau faꞌataina mahudoꞌidi Galewa Aba Baꞌisa Nuꞌuna lau faꞌatana sa abi mate doha luma tanuwagana ena aba peipei gogo yai ginauli fwaufwaudi yo beyabeyadi ya fakalamahanodima.

Ena sibasiba somo yai ya abidi? Yo noꞌo laulaudi ni, sidohana ena ginaginaulidi? 55 In kapenta natuna? Yo tinana Maliya. Haidana mate, Diyemsi, Diyosepa, Saimon yo Diudasi. 56 Afa lofuna maidada te gogogo. Laulaudi mahudoꞌidi te somo yai taumoho te ya abidi?

Peloweta dogana mate, nuꞌu ouꞌouli yai sa faꞌatitiyen. Inmoho, ena nuꞌu yai yo ana boga lisidi yai, ibege ti faꞌatitiyen. (Diyon 4:44)