Jax era e ojroner tamar Cawinquirar Jesucristo xe' tz'ijb'ab'ir umen e
San Mateo
1
Jax era ucꞌabꞌobꞌ tunor utata viejobꞌirobꞌ
e Jesucristo
Lucas 3:23-38
1 Pues jax era tunor ucꞌabꞌobꞌ utata viejobꞌirobꞌ Cawinquirar Jesucristo. Uchꞌajnarir e Jesucristo tari tama e David y tama e Abraham.
2 Pues entonces uyunen e Abraham ucꞌabꞌa Isaac,
y uyunen e Isaac ucꞌabꞌa Jacob,
y uyunen e Jacob ucꞌabꞌa Judá, y ayanto cora usacunobꞌ y uwijtzꞌinobꞌ e Judá ubꞌan.
3 Y umaxtac e Judá ucꞌabꞌobꞌ Fares y Zara. Y utuꞌ e Fares y e Zara ucꞌabꞌa Tamar.
Y uyunen e Fares era ucꞌabꞌa Esrom,
y uyunen e Esrom era ucꞌabꞌa Aram.
4 Y uyunen e Aram ucꞌabꞌa Aminadab,
y uyunen e Aminadab ucꞌabꞌa Naasón,
y uyunen e Naasón ucꞌabꞌa Salmón,
5 y uyunen e Salmón ucꞌabꞌa Booz. Pues utuꞌ e Booz ucꞌabꞌa Rahab.
Y uyunen e Booz ucꞌabꞌa Obed. Pues utuꞌ e Obed ucꞌabꞌa Rut.
Y uyunen e Obed ucꞌabꞌa Isaí,
6 y uyunen e Isaí ucꞌabꞌa David. Pues e David jax xeꞌ quetpa rey.
Y uyunen e David ucꞌabꞌa Salomón. Pues utuꞌ e Salomón jax uwixcar ani e Urías xeꞌ chamesna.
7 Entonces uyunen e Salomón ucꞌabꞌa Roboam,
y uyunen e Roboam ucꞌabꞌa Abías,
y uyunen e Abías ucꞌabꞌa Asa,
8 y uyunen e Asa ucꞌabꞌa Josafat,
y uyunen e Josafat ucꞌabꞌa Joram,
y uyunen e Joram ucꞌabꞌa Uzías,
9 y uyunen e Uzías ucꞌabꞌa Jotam,
y uyunen e Jotam ucꞌabꞌa Acaz,
y uyunen e Acaz ucꞌabꞌa Ezequías,
10 y uyunen e Ezequías ucꞌabꞌa Manasés,
y uyunen e Manasés ucꞌabꞌa Amón,
y uyunen e Amón ucꞌabꞌa Josías.
11 Y uyunen e Josías ucꞌabꞌa Jeconías. Pues ayanto meyra uyermanuobꞌ e Jeconías conda qꞌuejcha ixin tunor e gente tuaꞌ e Israel esto tama e lugar Babilonia.
12 Y conda cꞌapa qꞌuejcha ixin tunor e gente tuaꞌ e Israel esto tama e lugar Babilonia cay cuxpa más utata viejobꞌirobꞌ Cawinquirar Jesucristo xeꞌ jax era:
Uyunen e Jeconías ucꞌabꞌa Salatiel,
y uyunen e Salatiel ucꞌabꞌa Zorobabel,
13 y uyunen e Zorobabel ucꞌabꞌa Abiud,
y uyunen e Abiud ucꞌabꞌa Eliaquim,
y uyunen e Eliaquim ucꞌabꞌa Azor,
14 y uyunen e Azor ucꞌabꞌa Sadoc,
y uyunen e Sadoc ucꞌabꞌa Aquim,
y uyunen e Aquim ucꞌabꞌa Eliud,
15 y uyunen e Eliud ucꞌabꞌa Eleazar,
y uyunen e Eleazar ucꞌabꞌa Matán,
y uyunen e Matán ucꞌabꞌa Jacob,
16 y uyunen e Jacob ucꞌabꞌa José. Pues e José jax uviejo e María xeꞌ jax utuꞌ e Jesús.
Y e Jesús jax xeꞌ arobꞌna e Cristo.
17 Entonces tama tunor utata viejobꞌirobꞌ e Cristo ayan catorce xeꞌ cayespa tama e Abraham esto tama e David. Y de allí ayan otro catorce utata viejobꞌirobꞌ xeꞌ cayespa tama e David este que qꞌuejcha ixiobꞌ tunor tin e tuobꞌ e Israel esto tama e lugar Babilonia. Y de allí ayan otro catorce utata viejobꞌirobꞌ xeꞌ cayespa tama e tiempo conda qꞌuejcha ixiobꞌ tin e tuobꞌ e Israel esto tama e lugar Babilonia este que cuxpa e Cristo.
Conda cuxpa e Jesús
Lucas 2:1-7
18 Pues entonces jax era e ojroner tama ucuxpar e Jesucristo. Pues utuꞌ e Jesucristo ucꞌabꞌa María, y jaxir turix uyojroner tuaꞌ anujbꞌi taca inteꞌ sitz xeꞌ ucꞌabꞌa José. Pero conda merato aturuan taca e José cꞌotoy natanwa que ayan uyar, pero uyar era checta umen * Iranic e San Lucas 1:35 tuaꞌ iwira más checsuyaj tama ucuxpar e Jesús.ucꞌotorer Unawalir e Dios. 19 Y motor que quetpix tuaꞌ anujbꞌiobꞌ watar e día, pero cocha e José war axana erach tut e Dios, war ubꞌijnu tuaꞌ uyacta e María tzꞌustaca umen que machi cꞌani usubꞌajres tut e gente. 20 Y bꞌan war ubꞌijnu uche e José conda checta inteꞌ ángel tuaꞌ Cawinquirar tut tama inteꞌ wayac y che: “José xeꞌ sitzbꞌiret tuaꞌ e rey David, ira ibꞌacta tuaꞌ achꞌami e María tuaꞌ inujbꞌi tacar, porque cꞌani inwaret era que e sitz xeꞌ axin acuxpa tama e María majax tuaꞌ inteꞌ winic sino que tari tamar Unawalir e Dios. 21 Pues e María axin aqꞌuechuan inteꞌ usitz y net tuaꞌ aturbꞌa ucꞌabꞌa Jesús porque jaxir tuaꞌ axin ucorpes tunor uchinam tama umabꞌambꞌanirobꞌ. Bꞌan war che e ojroner Jesús”, che e ángel.
22 Pues tunor era numuy tuaꞌ acꞌapa achempa lo que chꞌar tzꞌijbꞌabꞌir tama uyojroner e Dios umen inteꞌ profeta xeꞌ turuan tama e onian tiempo xeꞌ che:
23 Inteꞌ chꞌom ijchꞌoc cꞌani aquetpa awawan taca uyar, y axin ucuxi inteꞌ yer sitz. Y e sitz era tuaꞌ aturbꞌana ucꞌabꞌa Emanuel xeꞌ war che: “Turu e Dios tacaron.” Bꞌan chꞌar tzꞌijbꞌabꞌir tama uyojroner e Dios. † Pues tajwin e versículo era tama e Isaías 7:14.
24 Entonces conda bꞌixcꞌa e José tama uwayac, ixin uche bꞌan cocha arobꞌna umen e ángel tuaꞌ Cawinquirar, y ixin uchꞌami e María y nujbꞌi tacar. 25 Pero machito uchꞌami ubꞌobꞌ este que cuxpa usitz e María. Y e José uturbꞌa ucꞌabꞌa Jesús.
*1:18: Iranic e San Lucas 1:35 tuaꞌ iwira más checsuyaj tama ucuxpar e Jesús.
†1:23: Pues tajwin e versículo era tama e Isaías 7:14.