1 Pues entonces ¿tucꞌa erer cacani non xeꞌ tuon e Israel tamar lo que cay uche catata viejobꞌir Abraham? 2 Jay jaxir ayan ani lo que cay uche umen que quetpa erach tut e Dios, entonces ayan ani tucꞌa tamar tuaꞌ utattzꞌi ubꞌa. Pero jaxir ma cocha erer utattzꞌi ubꞌa tut e Dios. 3 Pues chꞌar tzꞌijbꞌabꞌir tama uyojroner e Dios que: “E Abraham cay cꞌubꞌseyan tama e Dios, y tamar era chꞌajma umen e Dios que erach.” Bꞌan chꞌar tzꞌijbꞌabꞌir tama uyojroner e Dios. 4 Pues inteꞌ man xeꞌ war apatna ucꞌani tuaꞌ uchꞌami utumin bꞌan taca, pero lo que war atojya era ma erer ubꞌijnu que jax inteꞌ tacarsiaj, sino que jax lo que quetpa tuaꞌ uchꞌami. 5 Pero tin e machi apatna, pero que axin acꞌubꞌseyan tama e Dios xeꞌ erer uchꞌami inteꞌ ajmabꞌambꞌanir, axin achꞌajma umen e Dios que erach umen que war acꞌubꞌseyan tamar. 6 Pues bꞌan che e David ubꞌan tama e onian tiempo tiaꞌ chꞌar tzꞌijbꞌabꞌir umener que chojbꞌesbꞌir e winic xeꞌ chꞌajma umen e Dios que erach motor que matucꞌa patnar uche tuaꞌ uyubꞌi acorpa tamar. Pues bꞌan chꞌar tzꞌijbꞌabꞌir tama uyojroner e Dios y che:

9 Y e chojbꞌesiaj era ¿tuaꞌ taca ca nic tin e xurbꞌir imbꞌijc uqꞌuewerir utejromar? O ¿tuaꞌ ca ubꞌan tin e majax xurbꞌir imbꞌijc uqꞌuewerir utejromar? Pues tuobꞌ chatertiꞌ. Pues cawarix que e Abraham quetpa erach umen que war acꞌubꞌseyan tama e Dios. 10 Pero ¿tucꞌa día chꞌajma e Abraham umen e Dios? ¿Chꞌajma ca conda cꞌapa xujra imbꞌijc uqꞌuewerir utejromar? Machi. Chꞌajma e Abraham conda merato axujra imbꞌijc uqꞌuewerir utejromar. 11 Y de allí cꞌotoy e día conda xujra imbꞌijc uqꞌuewerir utejromar e Abraham, pero jax tuaꞌ aquetpa chequer que jaxir chꞌajma que erach umen e Dios umen que war acꞌubꞌseyan tamar. Y tamar era e Abraham quetpa tatabꞌir tuaꞌ tunor tin e war acꞌubꞌseyanobꞌ tama e Dios tuaꞌ aquetpobꞌ erach tacar motor tin e majax xurbꞌir imbꞌijc uqꞌuewerir utejromar. Y Cadiosir war uchꞌami e winicobꞌ era que erachobꞌ tut jaxir tamar ucꞌubꞌesiajobꞌ. 12 Entonces e Abraham tatabꞌir tuaꞌ tunor tin e war acꞌubꞌseyanobꞌ tama e Dios cocha bꞌan cay uche jaxir conda merato axujra imbꞌijc uqꞌuewerir utejromar. Pero e Abraham tatabꞌir ubꞌan tuaꞌ tunor tin e xurbꞌir imbꞌijc uqꞌuewerir utejromar.

13 Pues e Dios cay uyare e Abraham tama e onian tiempo que jaxir taca umaxtac tuaꞌ uchꞌamiobꞌ tunor or e rum era bꞌan cocha inteꞌ herencia. Pero arobꞌna cocha era e Abraham majax umen que war acꞌubꞌseyan tut uley e Moisés, sino que arobꞌna umen que war acꞌubꞌseyan tama e Dios. Y tamar era e Abraham chꞌajma umen e Dios que erach. 14 Porque jay jax taca tin e war oꞌbꞌianobꞌ tut uley e Moisés xeꞌ tuaꞌ uchꞌamiobꞌ e herencia era, entonces e cꞌubꞌesiaj tama e Dios matucꞌa ani ucꞌampibꞌir. Y jay bꞌan ani, entonces lo que arobꞌna umen e Dios matucꞌa ani ucꞌampibꞌir ubꞌan. Porque e Dios uyare e Abraham que cꞌani uyajcꞌu tunor or e rum bꞌan cocha inteꞌ herencia tuaꞌ. 15 Pero tama uley e Moisés arobꞌna que watar e jatzꞌuar tujor tin e machi oꞌbꞌianobꞌ tut. Pero tiaꞌ matucꞌa inteꞌ ley cocha era ma cocha erer acꞌocchina, porque matucꞌa e ley.

16 Entonces aquetpa chequer que lo que arobꞌna umen e Dios tama e herencia era tuaꞌ aꞌjcꞌuna tunor umaxtac e Abraham, pero quetpa tuaꞌ aꞌjcꞌuna ubꞌan tacar utacarsiaj e Dios tunor tin e acꞌubꞌseyanobꞌ tamar. Y tamar era lo que arobꞌna umen e Dios tama e herencia majax jax taca tuaꞌ tin e oꞌbꞌianobꞌ tut uley e Moisés, sino que tuaꞌ ubꞌan tunor tin e acꞌubꞌseyanobꞌ tama e Dios bꞌan cocha cay uche e Abraham tama e onian tiempo. Pues tamar era e Abraham cꞌotoy quetpa tatabꞌir tuaꞌ tunoron xeꞌ war cacꞌubꞌseyan tama e Dios coner. 17 Bꞌan cocha chꞌar tzꞌijbꞌabꞌir tama uyojroner† Pues atajwina e versículo era tama e Génesis 17:5. e Dios: “Nen cꞌani inchiet iquetpa tatabꞌir tuaꞌ meyra gente tama tunor or e rum”, che e Dios. Y tamar era chequer que e Abraham cꞌubꞌseyan tama e Dios xeꞌ jax Cadiosir xeꞌ ayan ucꞌotorer tuaꞌ usuti ubꞌixqꞌues e chamenobꞌ, y xeꞌ ayan ucꞌotorer tuaꞌ uyare achecta lo que ma ani tucꞌa.

18 Entonces motor que matucꞌa tamar tuaꞌ ucojco e Abraham cocha onian winiquix, pero jaxir cꞌubꞌseyan tama e Dios y ucojco que bꞌan cocha arobꞌna umen e Dios y bꞌan tuaꞌ alocꞌoy. Y tamar era cꞌotoy quetpa tatabꞌir tuaꞌ meyra gente. Bꞌan cocha arobꞌna umen e Dios‡ Pues atajwina e versículo era tama e Génesis 15:5. y che: “Meyra maxtac tuaꞌ watar tamar achꞌajnarir”, xeꞌ arobꞌna umen e Dios. 19 Pero e Abraham machi usati ucꞌubꞌesiaj tama e Dios motor que war ucojco 100 año. Y uwira que jaxir bꞌan cocha uwixcar xeꞌ jax e Sara onian gentiobꞌ, y que turix tuaꞌ achamayobꞌ y que numuyix utiempo tuaꞌ achꞌijtesianobꞌ. 20 Pero e Abraham machi uchoqui ucojcseyaj y machi usati ucꞌubꞌesiaj tamar lo que arena umen e Dios, sino que más chꞌi ucꞌubꞌesiaj tama e Dios. Y utattzꞌi ucꞌabꞌa e Dios ixin. 21 Porque jaxir unata ixto tama uyalma que e Dios ayan ucꞌotorer tuaꞌ acꞌapa uche tunor lo que arobꞌna umener. 22 Y tamar era e Abraham chꞌajma umen e Dios que erach umen que war acꞌubꞌseyan tamar.

23 Pues e ojroner era que chꞌajma e Abraham que erach umen e Dios umen que cꞌubꞌseyan tamar, machi tzꞌijbꞌna tuaꞌ taca jaxir. 24 Pero tzꞌijbꞌabꞌir e ojroner era ubꞌan tuaꞌ tunoron xeꞌ chꞌajmon que erachon umen e Dios umen que war cacꞌubꞌseyan tamar; non xeꞌ war cacꞌubꞌseyan que Cadiosir ixin usuti ubꞌixqꞌues Cawinquirar Jesús tujam e chamenobꞌ. 25 Y e Jesucristo jax xeꞌ ajcꞌuna tuaꞌ achamay tama tunor camabꞌambꞌanir, pero de allí sujta bꞌixqꞌuesna tujam e chamenobꞌ tuaꞌ uchion caquetpa erach tut e Dios.