16
Ri ofrenda ri nimol-e richin yeto'ox-e ri quiniman ri Jesucristo pa tinamit Jerusalem
Vacami c'a, ninjo' yich'o juba' pa ruvi' rumolic ri ofrenda richin quito'ic* Hch. 11:29; 24:17; Ro. 15:26. ri quiniman pa tinamit Jerusalem. Tibana' rix achel ri nu'in can chique ri niquimol-qui' pa rubi' ri Dios pa tak tinamit richin ri roch'ulef Galacia. Ri na'ey k'ij richin ronojel semana,* Jn. 20:19; Hch. 20:7. rix ja riq'uin ri ajani xich'ec chi'ijununal tivelesaj can ri ajani yixtiquer* Pr. 3:27, 28. niya' y tiyaca' yan apu. Quiri' tibana' richin quiri' tok (xquinapon, xquinebos), man c'a ja ta ri' ninojij achique ni'en. Y tok yinc'o chic chiri' iviq'uin, xquentak-e ri xque'icha-e* 2 Co. 8:19. rix richin nequijacha' ri ofrenda, y yin xtin-en-e jun vuj chiquik'a', richin quiri' utz nic'ul quivech coma ri xquec'ulu ri to'onic pa Jerusalem. Y si nic'atzin chi ja jun yin yi'e quiq'uin, quiri' vi c'a ri', xa ja yan chic rije' ri xquebe chuvij.
Ri Pablo nrojo' ni'e pa tinamit Corinto
Yin can xquixentz'eta' na vi chiri' pa tinamit Corinto, pero na'ey yik'ax pa roch'ulef Macedonia, roma can quiri' nubanon che ri vánima.* Hch. 19:21. Riq'uin juba' xquilayoj-e iviq'uin, o c'a xtink'asaj na e ru-tiempo ri tef* Quila' pa Corinto ri “invierno” man ruk'ijul ta job, xa ruk'ijul tef. chiri', richin quiri' tok xquinel-e, rix xquinito-e riq'uin ri nic'atzin chupan ri nubey* Hch. 15:3. xa achique na lugar xqui'e-vi. Roma xa ta vacami yan yixentz'eta-pe, xaxe oc jun ca'i' k'ij yic'uje-pe iviq'uin. Roma can ninjo' yilayoj-e juba' iviq'uin, si quiri' nrojo' ri Ajaf. Pero vacami, c'a yic'uje' na vave' pa tinamit Efeso,* Hch. 18:19. c'a tik'ax na ruk'ijul ri nimak'ij Pentecostés. Quiri' nin-en roma ri Dios rujakon jun nimalaj puerta* 2 Co. 2:12; Ap. 3:8. chinuvech richin nin-en ri rusamaj ri can c'o q'uiy utz ruc'amon-pe, y xa c'o q'uiy vinak ri catajnak coyoval* Hch. 19:9. roma ri yitajin.
10 Jac'a tok ri Timoteo xteka iviq'uin, titija' ik'ij chi rija' utz nuna' chi c'o chi'icojol, roma rija' mismo rusamaj ri Dios najin riq'uin achel yin.* Ro. 16:21. 11 Roma c'a ri', man jun tibano chi ri Timoteo xa man jun rakale'n,* 1 Ti. 4:12. xa riq'uin utzulaj ino'oj tiya-pe ri nic'atzin che chupan ri rubey, richin quiri' nitzolij-pe vave' viq'uin, roma yin voyo'en rija' junan quiq'uin ri ch'aka' chic ri quiniman ri Jesucristo.
12 Jac'a pa ruvi' ri Apolos* Hch. 18:24; 1 Co. 1:12; Tit. 3:13. ri junan kaniman ri Jesucristo riq'uin, yin xintij nuk'ij xinc'utuj quemelal che chi can ta ni'e chiquij ri quiniman ri Jesucristo ri yebe iviq'uin. Pero man juba' xrojo' ránima chi xixerutz'eta' yan, pero tok xtitiquer, xa xquixerutz'eta' ri más chikavech apu.
Ri ruq'uisbel tak saludo ri nitak-e chique ri aj-Corinto
13 Quixc'ase' utz-utz pa ruvi' ri ic'aslen* Mt. 24:42. y cof quixc'uje'* Fil. 1:27; 4:1. chirakan ri Jesucristo ri achok riq'uin cukul-vi ic'u'x. Tibana' rix achel ri achi'a' man yetzolij ta chiquij chuvech jun c'ayef, chuvi' ruchuk'a' ri Dios tic'uaj-vi ri ic'aslen. 14 Chupan ronojel ri ni'en, tik'alajin chi can kitzij nijo-ivi'* 1 Co. 14:1. chivech.
15 Rix aj-Corinto ri junan kaniman ri Jesucristo iviq'uin, iveteman chi ja ri Estéfanas* 1 Co. 1:16. y conojel ri ec'o riq'uin pa racho, ja rije' ri na'ey xquiya' cánima riq'uin ri Jesucristo chiri' pa roch'ulef Acaya,* Ro. 16:5. y can quijachon cánima pa rusamaj ri Dios chi'icojol rix ri rix lok'olaj rutinamit ri Dios. 16 Tinimaj c'a quitzij ri e'achel rije', y conojel ri yeto'on pa rusamaj ri Dios y can niquitij quik'ij chupan.* 1 Ts. 5:12. 17 Yin yiquicot vacami roma ec'o chic pe ri Estéfanas, ri Fortunato y ri Acaico viq'uin. Ja rije' yeto'on vichin riq'uin ri man xixtiquer ta xi'en rix roma man rixc'o ta pe vave'. 18 Roma rije' can xuquiya' ruchuk'a' ri vánima yin,* Pr. 25:13, 25; 2 Co. 7:6, 7. y quiri' mismo xqui'en chive rix. Roma c'a ri', que'iya' pa cuenta ri e'achel rije'.
19 Ri niquimol-qui' pa rubi' ri Dios pa tak tinamit richin ri roch'ulef Asia* Hch. 16:6; 19:10; Ap. 1:4, 11. niquitak-e i-saludo. Ri Aquila y ri Priscila junan quiq'uin ri niquimol-qui' pa rubi' ri Dios pa cacho* Ro. 16:5; Flm. 2. rije', can niquitak-e i-saludo pa rubi' ri Ajaf. 20 Conojel ri quiniman ri Jesucristo niquitak-e i-saludo. Y tok ni'en-ka saludar ivi', tic'utu' chivech chi kitzij nijo-ivi'.* Ro. 16:16.
21 Yin Pablo can riq'uin nuk'a'* Col. 4:18; 2 Ts. 3:17. nintz'ibaj-vi-e ri saludo re' chive. 22 Si c'o jun man nrojo' ta ri Ajaf Jesucristo, tika c'a castigo* Mt. 25:41, 46; Gá. 1:8, 9; Jud. 14, 15. pa ruvi'. ¡Ajaf, Cape c'a! 23 Ri ru-favor ri Ajaf Jesucristo xtic'uje' ta c'a iviq'uin. 24 Yin can yixinjo' chi'ivonojel rix ri xa jun chic kabanon iviq'uin riq'uin ri Cristo Jesús. Amén.

*16:1 Hch. 11:29; 24:17; Ro. 15:26.

*16:2 Jn. 20:19; Hch. 20:7.

*16:2 Pr. 3:27, 28.

*16:3 2 Co. 8:19.

*16:5 Hch. 19:21.

*16:6 Quila' pa Corinto ri “invierno” man ruk'ijul ta job, xa ruk'ijul tef.

*16:6 Hch. 15:3.

*16:8 Hch. 18:19.

*16:9 2 Co. 2:12; Ap. 3:8.

*16:9 Hch. 19:9.

*16:10 Ro. 16:21.

*16:11 1 Ti. 4:12.

*16:12 Hch. 18:24; 1 Co. 1:12; Tit. 3:13.

*16:13 Mt. 24:42.

*16:13 Fil. 1:27; 4:1.

*16:14 1 Co. 14:1.

*16:15 1 Co. 1:16.

*16:15 Ro. 16:5.

*16:16 1 Ts. 5:12.

*16:18 Pr. 25:13, 25; 2 Co. 7:6, 7.

*16:19 Hch. 16:6; 19:10; Ap. 1:4, 11.

*16:19 Ro. 16:5; Flm. 2.

*16:20 Ro. 16:16.

*16:21 Col. 4:18; 2 Ts. 3:17.

*16:22 Mt. 25:41, 46; Gá. 1:8, 9; Jud. 14, 15.